અમેરિકાને નજરઅંદાજ કરી રશિયા જશે મોદીજી, અમેરિકાના પેટમાં રેડાશે તેલ

સતત ત્રીજી વખત દેશની બાગડોર સંભાળ્યા બાદ વડાપ્રધાન નરેન્દ્ર મોદી સોમવાર, 8મી જુલાઈએ તેમની પ્રથમ દ્વિપક્ષીય મુલાકાતે રશિયા જઈ રહ્યા છે. યુક્રેનમાં યુદ્ધ શરૂ થયા બાદ ભારતીય વડાપ્રધાનની રશિયાની આ પ્રથમ મુલાકાત છે. આ દરમિયાન પીએમ મોદીના સ્વાગત માટે રશિયાની રાજધાની મોસ્કોમાં જોરશોરથી તૈયારીઓ કરવામાં આવી છે. વડાપ્રધાન નરેન્દ્ર મોદી બે દિવસની મુલાકાત દરમિયાન રશિયાના રાષ્ટ્રપતિ વ્લાદિમીર પુતિન સાથે મુલાકાત કરશે. આ સાથે તેઓ મંગળવારે ભારતીય પ્રવાસીઓ સાથે પણ વાત કરશે. રશિયામાં ભારતીય રાજદૂત વિનય કુમારે પીએમ મોદીની રશિયાની બે દિવસીય મુલાકાતને ‘ખૂબ જ મહત્વપૂર્ણ’ ગણાવી છે.

સ્પુટનિક ન્યૂઝ અનુસાર, વિનય કુમારે કહ્યું કે ‘અમારી પાસે રશિયન ફેડરેશનના પ્રમુખ અને ભારતના વડા પ્રધાન વચ્ચે શિખર સ્તરની બેઠકોના વાર્ષિક આદાનપ્રદાનની પરંપરા છે અને છેલ્લી બેઠક 2021 માં યોજાઈ હતી. ત્યારથી વિશ્વભરમાં ઘણું બદલાયું છે, પરંતુ અમારા સંબંધો પણ વિસ્તર્યા છે. તેમણે વધુમાં કહ્યું કે બંને નેતાઓ દ્વિપક્ષીય સંબંધોમાં પ્રગતિ વિશે વાત કરશે અને પરસ્પર હિતના અન્ય પ્રાદેશિક મુદ્દાઓ પર ચર્ચા કરશે.

રશિયા ભારતનો મહત્વપૂર્ણ સાથી છે
ભારતીય રાજદૂતે એક મહત્વપૂર્ણ ઊર્જા ભાગીદાર તરીકે રશિયાની ભૂમિકાનો પણ ઉલ્લેખ કર્યો હતો. તેમણે કહ્યું, ‘રશિયા હવે ભારતમાં ઊર્જા સંસાધનોના ખૂબ જ મહત્વપૂર્ણ સ્ત્રોતોમાંનું એક છે. વધુમાં, વેપાર અન્ય ક્ષેત્રોમાં પણ વિસ્તર્યો છે. તેથી આ મુલાકાત નેતાઓ માટે દ્વિપક્ષીય સંબંધોમાં આ તમામ વિકાસ પર વિચારોની આપ-લે કરવા માટે ખૂબ જ મહત્વપૂર્ણ છે.’

જો કે, તેમણે મોદી અને પુતિન વચ્ચે ચર્ચા થનારી મુદ્દાઓ વિશે વધુ વિગતવાર જણાવવાનું ટાળ્યું હતું. તેમણે કહ્યું કે બેઠકનો એજન્ડા શું હશે તે અંગે તેઓ આગાહી કરવાની સ્થિતિમાં નથી. આ 22મી ભારત-રશિયા વાર્ષિક દ્વિપક્ષીય સમિટ હશે. અગાઉની સમિટ ડિસેમ્બર 2021માં નવી દિલ્હીમાં યોજાઈ હતી. યુક્રેનમાં રશિયાના હુમલા બાદ મોદીની રશિયાની આ પ્રથમ મુલાકાત છે. રશિયા તેને સ્પેશિયલ મિલિટરી ઓપરેશન કહે છે.

પીએમ મોદીના સ્વાગતની તૈયારીઓ
PM મોદીની મુલાકાતને લઈને મોસ્કોમાં જોરશોરથી તૈયારીઓ ચાલી રહી છે. સ્વાગત માટે શહેરને દુલ્હનની જેમ શણગારવામાં આવ્યું છે. વિવિધ સ્થળોએ સ્વાગત ગેટ બનાવવામાં આવ્યા છે, જેમાં પીએમ મોદીના કટઆઉટ લગાવવામાં આવ્યા છે. વડાપ્રધાનના સ્વાગત માટે ભારતીય સમુદાયમાં ભારે ઉત્સાહ જોવા મળી રહ્યો છે. સાંસ્કૃતિક કાર્યક્રમોની પણ તૈયારીઓ ચાલી રહી છે.
વિવેક સિંહ