વડાપ્રધાન મોદી ‘કેથોલિક બિશપ્સ કોન્ફરન્સ ઓફ ઈન્ડિયા’ ના નાતાલની ઉજવણીમાં હાજરી આપશે
નવી દિલ્હી, 22 ડિસેમ્બર, વડાપ્રધાન નરેન્દ્ર મોદી સોમવારે અહીં CBCI કેન્દ્ર ખાતે કેથોલિક બિશપ્સ કોન્ફરન્સ ઓફ ઇન્ડિયા (CBCI) દ્વારા આયોજિત નાતાલની ઉજવણીમાં હાજરી આપશે. તેમની ઓફિસે આ માહિતી આપી હતી.
વડા પ્રધાન કાર્યાલય (PMO) દ્વારા જારી કરાયેલા એક નિવેદનમાં કહેવામાં આવ્યું છે કે વડા પ્રધાન મોદી ખ્રિસ્તી સમુદાયના અગ્રણી નેતાઓ સાથે વાતચીત કરશે, જેમાં કાર્ડિનલ, બિશપ અને ચર્ચના મુખ્ય કાર્યકર્તાઓ સામેલ છે.
તેમાં કહેવામાં આવ્યું છે કે આ પહેલીવાર છે કે જ્યારે કોઈ વડાપ્રધાન ભારતમાં કેથોલિક ચર્ચના મુખ્યાલયમાં આ પ્રકારના કાર્યક્રમમાં હાજરી આપશે.
CBCI ની સ્થાપના 1944 માં કરવામાં આવી હતી અને તે સંસ્થા છે જે સમગ્ર ભારતમાં તમામ કૅથલિકો સાથે નજીકથી કામ કરે છે.
