નવી દિલ્હી, તા.12 : 1દેશના ઇતિહાસમાં 2024માં નવું નવું થઈ રહ્યું છે ત્યારે લાલ કિલ્લાના ઇતિહાસમાં પણ એ પ્રથમ વખત હશે કે જ્યારે કોઈ વડાપ્રધાને સતત 11મી વખત તિરંગો લહેરાવ્યો હોય. એ શ્રેય વડાપ્રધાન મોદીના ફાળે જાય છે જ્યારે 15 ઓગસ્ટે ફરી એકવાર લાલ કિલ્લાની પ્રાચી પરથી તેઓ દેશવાસીઓને સંબોધિત કરશે.
જવાહરલાલ નેહરુ પછી તેઓ બીજા વડાપ્રધાન હશે જેઓ અહીંથી સતત 11 વખત રાષ્ટ્રને સંબોધિત કરશે. પોતાની ત્રીજી ઇનિંગની શરૂઆતમાં તે સરકારની પ્રાથમિકતાઓને દેશની સામે રજૂ કરી શકે છે અને ભારતને વિકસિત દેશ બનાવવાનો રોડ મેપ આપી શકે છે.
આ સ્વતંત્રતા દિવસ પર પીએમ મોદીના ખાસ મહેમાનો લાલ કિલ્લા પર જોવા મળશે. પીએમ મોદી હંમેશાં કહે છે કે તેમની સરકારનું ધ્યાન જ્ઞાન પર છે એટલે કે ગરીબ, યુવાનો, અન્નદાતા અને મહિલાઓ. પીએમ મોદીએ ઉલ્લેખ કરેલા આ ચાર વર્ગોના પ્રતિનિધિઓને ખાસ આમંત્રિત કરવામાં આવ્યા છે અને આ તમામ લોકો લાલ કિલ્લા પર હાજર રહેશે. મહેમાનો 11 કેટેગરીમાં વિભાજિતઆ ચાર કેટેગરીના લગભગ ચાર હજાર મહેમાનોને આમંત્રિત કરવામાં આવ્યા છે. મહેમાનોને 11 કેટેગરીમાં વહેંચવામાં આવ્યા છે.
કૃષિ અને ખેડૂત કલ્યાણ, યુવા બાબતો, મહિલા અને બાળ વિકાસ મંત્રાલયોને ખેડૂતો, યુવાનો અને મહિલા મહેમાનોને આમંત્રિત કરવાની જવાબદારી સોંપવામાં આવી છે. આ ઉપરાંત પંચાયતી રાજ અને ગ્રામીણ વિકાસ, આદિજાતિ બાબતો, શિક્ષણ અને સંરક્ષણ મંત્રાલયોએ પણ મહેમાનોની યાદી તૈયાર કરાઇ ગઈ છે. આ સિવાય નીતિ આયોગ પણ મહેમાનોને આમંત્રિત કરી રહ્યું છે.
