Tamil Nadu Resort Politics: તમિલનાડુમાં વિધાનસભા ચૂંટણીના પરિણામો આવ્યા બાદ એક નવો રાજકીય ડ્રામા શરૂ થઈ ગયો છે. અહીં એક્ટર વિજયની પાર્ટી TVK એ સૌથી વધુ 108 બેઠકો જીતી છે. પરંતુ તેમ છતાં TVK બહુમતીથી દૂર છે. 5 ધારાસભ્યો સાથે કોંગ્રેસે ટીવીકેને સમર્થન આપવાની જાહેરાત તો કરી દીધી છે, પરંતુ તેનાથી પણ બહુમતીના આંકડા પૂરા નથી થઈ રહ્યા. વિજયને સરકાર બનાવવા માટે વધુ 5 ધારાસભ્યોની જરૂર છે. સરકાર બનાવવાની કવાયત વચ્ચે AIADMK ના એક ડઝનથી વધુ નવા ચૂંટાયેલા ધારાસભ્યોને પુડુચેરીના એક રિસોર્ટમાં મોકલી દેવામાં આવ્યા. આનાથી પાર્ટીના આંતરિક કલહની અટકળો તેજ થઈ ગઈ કે શું પાર્ટી સરકાર બનાવવાની વાતચીતમાં અભિનેતા વિજયની પાર્ટી TVK ને સમર્થન આપશે કે નહીં.
AIADMKનું નિવેદન- પાર્ટીમાં બધું બરાબર છે
જોકે, AIADMK એ કોઈપણ પ્રકારના બળવાના સમાચારને ફગાવી દીધા. પાર્ટીએ ભારપૂર્વક કહ્યું કે પાર્ટીની અંદર “બધું બરાબર છે” અને દાવો કર્યો કે ધારાસભ્યોને માત્ર એટલા માટે બીજી જગ્યાએ મોકલવામાં આવ્યા હતા, જેથી TVK દ્વારા કથિત રીતે તેમને પોતાના પક્ષમાં કરવાની કોશિશોને રોકી શકાય.
EPSની ચુપ્પીથી અટકળોને મળી હવા
AIADMK સૂત્રોએ જણાવ્યું કે આ ભ્રમ એટલા માટે પેદા થયો, કારણ કે પાર્ટી પ્રમુખ એડપ્પાદી કે. પલાનીસ્વામી (EPS) એ શરૂઆતમાં આ વાત પર ચુપ્પી સાધી રાખી હતી કે શું પાર્ટી વિધાનસભા ચૂંટણીમાં સૌથી મોટા પક્ષ તરીકે ઉભરેલી TVK ને સમર્થન આપશે કે નહીં. સૂત્રોએ માન્યું કે આ જ ચુપ્પીએ તે અટકળોને હવા આપી કે ધારાસભ્યોનું એક જૂથ વિજયને સમર્થન આપવાના પક્ષમાં હતું. સૂત્રોનો હવે દાવો છે કે EPS દ્વારા TVK ને સમર્થન ન આપવાના પાર્ટીના વલણને સ્પષ્ટપણે જણાવ્યા બાદ, AIADMK ના તમામ ધારાસભ્યો પાર્ટીની સાથે થઈ ગયા છે અને નેતૃત્વ સાથે “સંપૂર્ણપણે સંમત” છે.
પહેલા વિજયની સરકાર માટે રિસોર્ટ પોલિટિક્સની થઈ હતી ચર્ચા
આ પહેલા, સૂત્રોએ સંકેત આપ્યો હતો કે પુડુચેરીના રિસોર્ટમાં રોકાયેલા ધારાસભ્યો, સરકાર બનાવવામાં TVK નું સમર્થન કરવા માટે EPS પર દબાણ કરી રહ્યા હતા. AIADMK ના સૂત્રોએ એવો પણ આરોપ લગાવ્યો હતો કે રિસોર્ટમાં રોકાવાની વ્યવસ્થા પાર્ટીના વરિષ્ઠ નેતા અને પૂર્વ મંત્રી C V Shanmugam એ કરી હતી. જોકે તેમણે આ પગલાં પાછળ પોતાનો હાથ હોવાનો ઇનકાર કર્યો હતો. AIADMK ના સૂત્રોએ હવે કહ્યું, “ધારાસભ્યો પુડુચેરીમાં માત્ર TVK દ્વારા તેમને પોતાના પક્ષમાં કરવાની કોશિશોથી બચાવવા માટે છે,” અને સાથે જ એવું પણ કહ્યું કે પાર્ટીની અંદર કોઈ ફૂટ કે બળવો નથી.
પાર્ટીમાં કોઈ ફૂટ કે બળવો નથીઃ AIADMK
આ પહેલા, સૂત્રોએ સંકેત આપ્યો હતો કે પુડુચેરીના રિસોર્ટમાં રોકાયેલા ધારાસભ્યો, સરકાર બનાવવામાં TVK નું સમર્થન કરવા માટે EPS પર દબાણ કરી રહ્યા હતા. AIADMK ના સૂત્રોએ એવો પણ આરોપ લગાવ્યો હતો કે રિસોર્ટમાં રોકાવાની વ્યવસ્થા પાર્ટીના વરિષ્ઠ નેતા અને પૂર્વ મંત્રી C V Shanmugam એ કરી હતી, જોકે તેમણે આ પગલાં પાછળ પોતાનો હાથ હોવાનો ઇનકાર કર્યો હતો. AIADMK ના સૂત્રોએ હવે કહ્યું, “ધારાસભ્યો પુડુચેરીમાં માત્ર એટલા માટે છે જેથી તેમને TVK દ્વારા પક્ષ પલટાની કોશિશોથી બચાવી શકાય,” અને સાથે જ એવું પણ કહ્યું કે પાર્ટીની અંદર કોઈ ફૂટ કે બળવો નથી. AIADMK એ સત્તાવાર રીતે ફરી પુનરાવર્તન કર્યું કે તે TVK નું સમર્થન નહીં કરે. વરિષ્ઠ નેતા કે.પી. મુનુસામીએ કહ્યું, “AIADMK એ TVK ને કોઈ સમર્થન આપ્યું નથી. પાર્ટી પ્રમુખ EPS ની મંજૂરીથી હું આ જાહેરાત કરી રહ્યો છું.”
કોંગ્રેસના 5 ધારાસભ્યોએ આપ્યું સમર્થન, VCK, CPI અને CPM એ આજે લેવાનો છે નિર્ણય
આ દરમિયાન, વિજયે કોંગ્રેસ પાર્ટીના 5 ધારાસભ્યોનું સમર્થન પહેલા જ મેળવી લીધું છે, જ્યારે રાષ્ટ્રીય પાર્ટીએ TVK ને સશર્ત સમર્થન આપવાનો નિર્ણય કર્યો. વિજયે DMK ના સાથી પક્ષો VCK, CPI અને CPM પાસે પણ સમર્થન માંગ્યું છે, જેમના ગુરુવારે આના પર નિર્ણય લેવાની અપેક્ષા છે. એવામાં વિજય તમિલનાડુમાં સરકાર બનાવી શકે છે કે નહીં, તે માટે આજનો દિવસ મહત્વનો છે.
AIADKMનું સમર્થન લેવા તૈયાર નથી TVK
TVK ના સૂત્રોનું કહેવું છે કે વિજય AIADMK નું સમર્થન લેવા ઈચ્છુક નથી, કારણ કે તેનું BJP સાથે ગઠબંધન છે, જેને તેમણે વારંવાર પોતાના વૈચારિક પ્રતિસ્પર્ધી ગણાવ્યા છે. TVK એ બુધવારે જ સરકાર બનાવવાનો દાવો રજૂ કરી દીધો હતો, પરંતુ આ પ્રક્રિયામાં વિલંબ થયો છે, કારણ કે જાણવા મળ્યું છે કે રાજ્યપાલ સી.પી. રાધાકૃષ્ણને વિજયને સરકાર બનાવવા માટે ઔપચારિક રીતે આમંત્રિત કરતા પહેલા, તેમને સમર્થન આપતા તમામ 118 ધારાસભ્યોની યાદી આપવા કહ્યું છે.
