Chess: ગ્રાન્ડ ચેસ ટૂર હેઠળ રમાઈ રહેલી સેન્ટ લૂઇસ રેપિડ અને બ્લિટ્ઝ ટુર્નામેન્ટનો બીજો દિવસ વિશ્વ ચેમ્પિયન ડી ગુકેશ માટે બહુ સારો રહ્યો નહીં. તેણે એક ગેમ હારી અને બે ગેમ ડ્રો કરી, જેના કારણે તે આ ટુર્નામેન્ટમાં 10 ખેલાડીઓ વચ્ચે છ પોઈન્ટ સાથે સંયુક્ત પાંચમા સ્થાને પહોંચી ગયો.
ચોથા રાઉન્ડમાં છેલ્લા સ્થાને રહેલા અમેરિકાના સેમ શેન્કલેન્ડ સામે કારમી હાર બાદ, ગુકેશે ફ્રાન્સના મેક્સિમ વાચિયર-લાગ્રેવ અને ઉઝબેકિસ્તાનના નોડિરબેક અબ્દુસત્તોરોવ સામે આગામી બે મેચ ડ્રો કરી. દરમિયાન, અમેરિકન ખેલાડી ફેબિયાનો કારુઆનાએ દિવસની છેલ્લી ગેમમાં આર્મેનિયનથી અમેરિકન બનેલા લેવોન એરોનીયનને હરાવીને બે પોઈન્ટની લીડ મેળવી. ગુકેશની જેમ, એરોનીયન પણ ફક્ત બે ગેમ ડ્રો કરવામાં સફળ રહ્યો અને એક હારી ગયો.
રેપિડમાં ફક્ત ત્રણ રાઉન્ડ બાકી હોવાથી, કારુઆના સંભવિત 12 માંથી 10 પોઈન્ટ સાથે કેટેગરી જીતવા માટે તૈયાર લાગે છે. એરોનિયન હજુ પણ આઠ પોઈન્ટ સાથે બીજા સ્થાને છે અને યુએસના વેસ્લી સો સાથે બીજા સ્થાને છે. વાચિયર-લાગ્રેવ સાત પોઈન્ટ સાથે ચોથા સ્થાને છે, જ્યારે ગુકેશ અન્ય યુએસ ખેલાડી લીનિયર ડોમિંગુએઝ પેરેઝ સાથે પાંચમા સ્થાને છે.
ઉઝબેકિસ્તાનના નોડિરબેક અબ્દુસત્તોરોવ અને વિયેતનામના લીમ લે ક્વાંગ પાંચ પોઈન્ટ સાથે સંયુક્ત રીતે સાતમા સ્થાને છે. યુએસના ગ્રિગોરી ઓપારિન તેમનાથી બે પોઈન્ટ પાછળ છે. સેમ શેંકલેન્ડે ગુકેશને હરાવીને બે પોઈન્ટ મેળવ્યા છે પરંતુ તે છેલ્લા સ્થાને છે.