Apply PNG Connection Online: LPG ગેસ સિલિન્ડરની અછતના અહેવાલો વચ્ચે સરકારે આદેશ આપ્યો છે કે કોઈપણ નવા PNG (પાઇપ્ડ નેચરલ ગેસ) કનેક્શનને 7 દિવસમાં મંજૂરી આપવામાં આવે. આનો અર્થ એ છે કે જો તમે આજે PNG કનેક્શન માટે અરજી કરો છો, તો તમને માત્ર 7 દિવસમાં કનેક્શન મળી જશે. ખરેખર સરકાર ઈચ્છે છે કે લોકો LPG સિલિન્ડરને બદલે PNG કનેક્શન પર શિફ્ટ થઈ જાય. અહેવાલોનું માનીએ તો, છેલ્લા એક અઠવાડિયામાં જ સવા લાખ PNG કનેક્શન આપવામાં આવ્યા છે.
નોંધનીય છે કે PNG કનેક્શન માટે એપ્લાય કરવું ખૂબ જ સરળ છે. તમે ઘરે બેઠા તમારા ફોનથી પણ PNG કનેક્શન માટે અરજી કરી શકો છો. આ માટે તમારે ગેસ સપ્લાયરના પોર્ટલ અથવા મોબાઈલ એપ પર જઈને માત્ર તમારી બેઝિક વિગતો અને જરૂરી ડોક્યુમેન્ટ્સ અપલોડ કરવાના રહેશે.
કયા ડોક્યુમેન્ટ્સની પડે છે જરૂર?
PNG કનેક્શન લેવા માટે તમારે ઓળખપત્ર તરીકે આધાર કાર્ડ, પાન કાર્ડ, વોટર આઈડી અથવા પાસપોર્ટ માંથી કોઈપણ એકની જરૂર પડશે. આ સિવાય એડ્રેસ પ્રૂફ (સરનામાના પુરાવા) તરીકે તમારે વીજળીનું બિલ, ટેલિફોન બિલ, રેશન કાર્ડ અથવા પ્રોપર્ટી ટેક્સ માંથી કોઈ એકની જરૂર પડી શકે છે.
જો તમે ભાડૂઆત છો, તો તમારે મકાનમાલિકના NOC (નો ઓબ્જેક્શન સર્ટિફિકેટ) અને રેન્ટ એગ્રીમેન્ટની જરૂર પડશે. આ ઉપરાંત, તમારા પાસપોર્ટ સાઇઝના ફોટાને પણ ફોનમાં PDF અથવા JPEG ફોર્મેટમાં તૈયાર રાખો.
કેવી રીતે એપ્લાય કરવું PNG કનેક્શન?
ભારતના મુખ્ય સપ્લાયર્સ જેમ કે IGL, MGL, Adani Gas વગેરે માટે PNG કનેક્શન એપ્લાય કરવાની રીત લગભગ એકસરખી જ છે.
તમે જે સપ્લાયર પાસેથી કનેક્શન લઈ રહ્યા છો, તેની એપ અથવા વેબસાઇટના હોમ પેજ પર ‘Apply Online’ ઓપ્શન પર ક્લિક કરો અને Domestic/Residential PNG પસંદ કરો.
હવે તમારા એરિયાના પિન કોડ દ્વારા ઉપલબ્ધતા તપાસો. જો સુવિધા હોય, તો આગળ વધો.
રજીસ્ટ્રેશન ફોર્મમાં તમારું નામ, સરનામું અને કોન્ટેક્ટ ડિટેલ્સ ભરો.
ઓળખપત્ર અને સરનામાના પુરાવા જેવા ડોક્યુમેન્ટ્સ અપલોડ કરો.
રિફંડેબલ સિક્યોરિટી ડિપોઝિટ જમા કરો. સામાન્ય રીતે આ ₹5000 થી ₹7000 સુધી હોય છે. મોટાભાગના સપ્લાયર આ રકમ હપ્તામાં ચૂકવવાનો ઓપ્શન પણ આપે છે.
પેમેન્ટ થયા પછી Reference Number અથવા BP ID નોટ કરી લો.
પેમેન્ટ અને વેરિફિકેશનમાં તફાવત
અલગ-અલગ સપ્લાયર્સમાં પ્રક્રિયામાં થોડો ફેરફાર હોઈ શકે છે:
પેમેન્ટ: દિલ્હી-એનસીઆરમાં IGL માટે રજીસ્ટ્રેશન ફી ઓનલાઇન જમા કરાવવી ફરજિયાત છે. જ્યારે મુંબઈમાં MGL માં પહેલા અરજી કરી શકાય છે અને બાદમાં BP નંબર દ્વારા પેમેન્ટ કરી શકાય છે. અદાણી ગેસમાં સિક્યોરિટી ડિપોઝિટને બિલ સાથે હપ્તેથી જોડવાની સુવિધા (EMI) પણ મળે છે.
વેરિફિકેશન: અદાણી અને કેટલાક નવા સપ્લાયર્સ આધાર-બેઝ્ડ e-KYC નો ઉપયોગ કરે છે, જેમાં OTP દ્વારા તરત વેરિફિકેશન થઈ જાય છે. જ્યારે IGL કે MGL જેવી કંપનીઓ ઓનલાઇન અરજી પછી એક સર્વે ટીમ મોકલે છે જે ઘરે આવીને ડોક્યુમેન્ટ્સ તપાસે છે.
