Geotagging: જો તમે સોશિયલ મીડિયા યુઝ કરો છો તો જિયોટેગિંગ વિશે જાણતા જ હશો. જિયોટેગિંગથી એ ખબર પડી જાય છે કે અસલમાં કઈ જગ્યાની વાત થઈ રહી છે. જિયોટેગિંગમાં ઘણી એવી ઇન્ફોર્મેશન (માહિતી) સામેલ હોય છે, જેનાથી લોકેશનનો એકદમ સચોટ અંદાજ લગાવવો સરળ બની જાય છે. આ વખતે સરકારે વસ્તી ગણતરીમાં પણ જિયોટેગિંગને જોડવાની વાત કરી છે. આજે આપણે જાણીએ છીએ કે જિયોટેગિંગ શું હોય છે અને તેનો ક્યાં-ક્યાં ઉપયોગ કરી શકાય છે.
શું હોય છે જિયોટેગિંગ?
સરળ ભાષામાં સમજીએ તો કોઈ ફોટો, વીડિયો અને મીડિયા ફાઈલ્સ સહિત કોઈ પણ ડિજિટલ કન્ટેન્ટ પર લોકેશન ઇન્ફોર્મેશન એડ (ઉમેરવા) કરવાની પ્રોસેસને જિયોટેગિંગ કહેવામાં આવે છે. જ્યારે તમે સ્માર્ટફોનમાં ફોટો લેતા પહેલા GPS ઇનેબલ (ચાલુ) કરો છો તો તે ફોટોની સાથે તે ફિઝિકલ લોકેશનને પણ સ્ટોર કરતા કોર્ડિનેટ્સ અસાઇન કરી દે છે. આ કોર્ડિનેટ્સ લેટિટ્યુડ (અક્ષાંશ) અને લોન્ગિટ્યુડ (રેખાંશ) ઉપરાંત ડેસિમલ ડિગ્રીઝમાં હોય છે, જેનાથી મેપ પર લોકેશનને પિન પોઈન્ટ કરવું સરળ બની જાય છે. જિયોટેગિંગમાં એલ્ટિટ્યુડ (ઊંચાઈ) અને જગ્યાના નામ સહિત બીજી જાણકારી પણ સેવ થઈ શકે છે અને આ બધું ફાઈલના મેટાડેટામાં સ્ટોર થાય છે.
જિયોટેગિંગનો ઉપયોગ શું હોય છે?
જરૂરિયાત મુજબ જિયોટેગિંગના ઘણા ઉપયોગો હોઈ શકે છે. સોશિયલ મીડિયાના હિસાબે જોઈએ તો યુઝર કોઈ કેફે અથવા રેસ્ટોરન્ટ જેવી કોઈ સ્પેસિફિક લોકેશનને હાઈલાઈટ કરવા માટે જિયોટેગિંગ યુઝ કરી શકે છે. સોશિયલ મીડિયા પ્લેટફોર્મ પણ જિયોટેગિંગ દ્વારા ટ્રેન્ડ્સને સ્પોટ કરે છે. ફોટોગ્રાફીની વાત કરીએ તો આને ખાસ કરીને ટ્રાવેલ દરમિયાનના ફોટાઓને લોકેશન અસાઇન કરવા માટે યુઝ કરી શકાય છે. આવી જ રીતે માર્કેટિંગમાં લોકેશનના આધારે એડ (જાહેરાત) અને ટાર્ગેટેડ કેમ્પેઈન માટે જિયોટેગિંગને યુઝ કરવામાં આવે છે. આ ઉપરાંત અર્બન પ્લાનિંગ, ઈમરજન્સી રિસ્પોન્સ, એન્વાયરમેન્ટલ મોનિટરિંગ, નેવિગેશન, શેરિંગ, સિક્યુરિટી અને ઇન્ટેલિજન્સ પર્પઝ (હેતુ) માટે પણ આનો ઉપયોગ કરવામાં આવે છે.
જિયોટેગિંગના નુકસાન
જિયોટેગિંગના ઘણા ઉપયોગો અને ફાયદાઓની સાથે કેટલાક નુકસાન પણ છે. આની મદદથી કોઈ વ્યક્તિની મૂવમેન્ટ પ્રોફાઈલ તૈયાર કરી શકાય છે. એટલે કે એ ખબર પાડી શકાય છે કે કોઈ વ્યક્તિ ક્યાં-ક્યાં જાય છે. આ ઇન્ફોર્મેશનનો ઉપયોગ કોઈને ટાર્ગેટ કરવા કે દેખરેખ રાખવા માટે કરી શકાય છે. આ ઉપરાંત ઘણી કંપનીઓ લોકેશન ડેટાનો ઉપયોગ પર્સનલાઈઝ એડ બતાવવા માટે પણ કરી શકે છે. તેથી જિયોટેગિંગ વાળા ફોટા કે ફાઈલ શેર કરતી વખતે હંમેશા સાવધાની રાખવી જોઈએ.
