Google New AI App: ગૂગલે તાજેતરમાં એક નવી એપ્લિકેશન લોન્ચ કરી છે, જેની મદદથી યુઝર્સ ઇન્ટરનેટ વિના તેમના સ્માર્ટફોનમાં આર્ટિફિશિયલ ઇન્ટેલિજન્સનો ઉપયોગ કરી શકશે. આ એપ્લિકેશનનું નામ AI એડ્જ ગેલેરી રાખવામાં આવ્યું છે. આ એપ્લિકેશનમાં AI મોડલ સ્માર્ટફોનમાં ખૂબ જ અસરકારક અને સરળ રીતે કાર્ય કરશે. યુઝર્સ આ એપ્લિકેશનની મદદથી ઇમેજ જનરેટ કરી શકશે, કોડિંગ કરી શકશે તેમજ પ્રશ્નો પૂછીને જવાબ મેળવી શકશે.
પ્રાઇવસી અને પર્ફોર્મન્સ પર ખાસ ભાર
આ એપ્લિકેશનમાં સૌથી વધુ મહત્વ પ્રાઇવસી અને પર્ફોર્મન્સને આપવામાં આવ્યું છે. દરેક પ્રોસેસ સીધા યુઝરના મોબાઇલમાં ચાલે છે, જેના કારણે કોઈપણ ડેટાને સર્વર પર મોકલવાની જરૂર પડતી નથી. ડેટા સર્વર પર ન જતાં સિક્યોરિટી વધે છે અને હેકિંગ અથવા ડેટા લીકની ચિંતાઓ નિવારવામાં આવે છે. યુઝર્સ હવે ઇન્ટરનેટની મદદથી સર્વરને કારણે રાહ જોવામાં સમય ગુમાવવાને બદલે તત્કાલ જવાબો મેળવી શકશે. આ એપ્લિકેશન હગિંગ ફેસના AI મોડલ અને ગૂગલની AI એડ્જ પ્લેટફોર્મ પર કાર્ય કરે છે.
ઇન્ટરફેસ અને ફીચર્સ
ગૂગલ દ્વારા આ એપ્લિકેશન માટે અત્યંત સરળ અને વ્યાખ્યાયિત ઇન્ટરફેસ વિકસિત કરવામાં આવ્યું છે. AI ચેટ અને ઇમેજ જનરેશન માટેના ફીચર્સનો સરળતાથી ઉપયોગ કરી શકાય છે. ટૂંકી અને સીધી કમાન્ડ પણ અસરકારક રીતે સમજી શકાય છે. યુઝર માટે કેટલાક પ્રીસેટ ટેમ્પ્લેટ્સ પણ ઉપલબ્ધ છે, જે તેમને કામને ઝડપી અને સરળ બનાવવામાં મદદ કરશે. આ એપ્લિકેશન એક્સપેરિમેન્ટલ આલ્ફા રિલીઝ તરીકે રજૂ કરવામાં આવી હોવા છતાં, તે ઓપન સોર્સ છે, જેથી ડેવલપર્સ તેને પોતાની જરૂરિયાત મુજબ ઉપયોગ કરી શકે.
ફીડબેકના આધારે સુધારો
ગૂગલ હાલમાં યુઝર અનુભવને વધુ આહલાદક બનાવવાના ઉદ્દેશ્ય સાથે ડેવલપર્સ પાસેથી ફીડબેક મેળવી રહી છે. આ ફીડબેકના આધારે, એપ્લિકેશનમાં જરૂરી સુધારાઓ કરવામાં આવશે. આ એપ્લિકેશન હાલમાં એન્ડ્રોઇડ માટે ઉપલબ્ધ છે અને ટૂંક સમયમાં એપલ માટે પણ રિલીઝ થશે.