Honorએ ચીનમાં પોતાની Play સિરીઝનો નવો સ્માર્ટફોન Honor Play 11 લૉન્ચ કર્યો છે. આ ફોન 8,300mAhની મોટી બૅટરી, Snapdragon 4 Gen 4 પ્રોસેસર અને IP69K સુધીની રેટિંગ સાથે આવ્યો છે. તેમાં 6.872 ઇંચનું TFT LCD ડિસ્પ્લે આપવામાં આવ્યું છે, જે 120Hz રિફ્રેશ રેટને સપોર્ટ કરે છે. ફોનમાં 50MPનો રિયર કૅમેરા, 5MPનો ફ્રન્ટ કૅમેરા અને Android 16 પર આધારિત MagicOS 10.0 મળે છે. આ ઉપરાંત Honor Play 11માં એક ડેડિકેટેડ AI બટન પણ આપવામાં આવ્યું છે, જેના દ્વારા એક ક્લિકમાં પૉપ-અપ વિન્ડો દૂર કરવા સહિત અનેક AI ફીચર્સને ઍક્સેસ કરી શકાય છે.
Honor Play 11 ની ચીનમાં શરૂઆતની કિંમત 1,399 યુઆન (આશરે 20,000 રૂપિયા) રાખવામાં આવી છે. આ કિંમત 6GB RAM અને 128GB સ્ટોરેજ ધરાવતા વેરિઅન્ટની છે. 8GB RAM અને 128GB સ્ટોરેજ મૉડલની કિંમત હવે 1,449 યુઆન (આશરે 20,600 રૂપિયા) છે, જ્યારે 8GB RAM અને 256GB સ્ટોરેજ વેરિઅન્ટ 1,749 યુઆન (આશરે 25,000 રૂપિયા)માં આવે છે. ફોનને Desert Gold, Mist Purple, Meteor Silver અને Phantom Black કલરમાં રજૂ કરવામાં આવ્યો છે. Honorએ હજુ તેના ઇન્ટરનેશનલ અથવા ભારતીય લૉન્ચ અંગે કોઈ માહિતી આપી નથી.
Honor Play 11 માં 6.872 ઇંચની TFT LCD પેનલ આપવામાં આવી છે. તેનું રિઝોલ્યુશન 1592 x 720 પિક્સલ છે અને તે 120Hz રિફ્રેશ રેટને સપોર્ટ કરે છે. ડિસ્પ્લેની પીક બ્રાઇટનેસ HBM મોડમાં 1,020 નિટ્સ સુધી પહોંચે છે. તેમાં DC Dimming અને Eye Comfort Mode જેવા ફીચર્સ પણ મળે છે. કંપનીએ તેમાં નેચરલ લાઇટ જેવો ડિસ્પ્લે મોડ પણ આપ્યો છે. ફોનમાં Qualcomm Snapdragon 4 Gen 4 પ્રોસેસર આપવામાં આવ્યું છે. તેને 6GB અને 8GB RAM સાથે રજૂ કરવામાં આવ્યો છે, જ્યારે સ્ટોરેજ 128GB અને 256GBના વિકલ્પમાં મળે છે.
સૉફ્ટવેરની વાત કરીએ તો Honor Play 11 Android 16 પર આધારિત MagicOS 10.0 પર ચાલે છે. ફોનમાં સાઇડમાં એક ડેડિકેટેડ AI બટન પણ આપવામાં આવ્યું છે. તેને દબાવવાથી પૉપ-અપ વિન્ડોને એક ટૅપમાં દૂર કરી શકાય છે. આ ઉપરાંત Honor Any Door, રિમોટ અસિસ્ટન્સ અને AI ફેસ-સ્વૅપ ડિટેક્શન જેવા ફીચર્સ પણ આ બટનથી ઍક્સેસ કરી શકાય છે.
Honor Play 11 માં પાછળ 50MPનો પ્રાઇમરી કૅમેરા આપવામાં આવ્યો છે, જેનું અપર્ચર f/1.8 છે. સેલ્ફી અને વીડિયો કૉલ માટે ફોનમાં 5MPનો ફ્રન્ટ કૅમેરા મળે છે. ફોનમાં 8,300mAhની બૅટરી આપવામાં આવી છે, જ્યારે તેની રેટેડ કૅપેસિટી 7,900mAh છે. તે 45W વાયર્ડ ચાર્જિંગ અને વાયર્ડ રિવર્સ ચાર્જિંગને સપોર્ટ કરે છે.
ફોનની બૉડીને ડ્યુરેબિલિટીને ધ્યાનમાં રાખીને તૈયાર કરવામાં આવી છે. Honor Play 11ને IP68, IP69 અને IP69K રેટિંગ મળી છે, જેના કારણે તે ધૂળ અને પાણીથી સુરક્ષા આપે છે. Honor અનુસાર, ફોનને SGS Gold Label ફાઇવ-સ્ટાર ડ્રૉપ અને કૉમ્પ્રેશન રેઝિસ્ટન્સ સર્ટિફિકેશન પણ મળ્યું છે. કંપનીની લૅબ ટેસ્ટિંગમાં તેને 2.5 મીટર સુધીની ઊંચાઈથી પડવા પર સુરક્ષા માટે ટેસ્ટ કરવામાં આવ્યો છે. જોકે, Honorએ પોતે પણ સ્પષ્ટ કર્યું છે કે ફોન પ્રોફેશનલ વૉટરપ્રૂફ ડિવાઇસ નથી અને સમય જતાં વૉટર રેઝિસ્ટન્સ પર અસર થઈ શકે છે.
Honor Play 11 માં સ્ટીરિયો સ્પીકર્સ આપવામાં આવ્યા છે. તેમાં હાઇ-વૉલ્યુમ મોડ મળે છે, જેના દ્વારા કંપની અનુસાર આઉટપુટ સામાન્ય મોડની સરખામણીમાં 400 ટકા સુધી વધારી શકાય છે. કનેક્ટિવિટી માટે ફોનમાં 5G, ડ્યુઅલ Nano-SIM, Wi-Fi 5, Bluetooth 4.2, NFC અને USB Type-C પોર્ટ મળે છે. સિક્યોરિટી માટે તેમાં સાઇડ-માઉન્ટેડ ફિંગરપ્રિન્ટ સેન્સર આપવામાં આવ્યું છે. Honor Play 11નું વજન 216.5 ગ્રામ છે અને તેની જાડાઈ 8.30mm છે.
