Humanoid Robot Ramp Walk: હવે તે દિવસો દૂર નથી જ્યારે માણસની જગ્યા રોબોર્ટ લઈ લેશે. એવું આપણે એટલા માટે કહી રહ્યા છીએ, કારણ કે માણસો રોબોર્ટ્સને બિલકુલ પોતાની જેમ બનાવવામાં લાગેલા છે. સૌથી પહેલા માણસોએ રોબોર્ટને ચાલતા શીખવ્યું, પછી માણસોની જગ્યાએ કામ કરતા. હવે ઘણી ફેક્ટરીઓ અને ગોદામોમાં રોબોર્ટ માણસની જગ્યાએ કામ કરી રહ્યા છે. પરંતુ હવે તાજેતરમાં રોબોર્ટ્સને ફેશનની દુનિયામાં પણ એન્ટ્રી મળી ગઈ છે.
રોબોર્ટ ધીમે-ધીમે માણસની રોજિંદી જિંદગીનો ભાગ બની રહ્યા છે તો તેમની પાસે પણ માણસોની જેમ પોતાનું કબાટ હોવું જોઈએ? આ જ સવાલની સાથે આ ફેશન શો આયોજિત કરવામાં આવ્યો હતો. સિઓલના એક ફેશન શોમાં આ અઠવાડિયે માણસના ચહેરાવાળા રોબોર્ટ, માનવ મોડલ્સની સાથે એક સરખા કપડાંમાં કેટવોક કરતા જોવા મળ્યા. આનાથી ખબર પડી રહી છે કે ભવિષ્યમાં રોબોર્ટ અને માણસના કપડાં કેવા હશે. એ દર્શાવવામાં આવ્યું છે કે માણસ અને રોબોર્ટની ભવિષ્યમાં ફેશન કેવી દેખાઈ શકે છે.
શું હતો આ ફેશન શોનો ઉદ્દેશ્ય?
ગેલેક્સી કોર્પોરેશન દ્વારા આ ફેશન શો આયોજિત કરવામાં આવ્યો હતો. આ શોના માધ્યમથી એક એવું ભવિષ્ય દર્શાવવામાં આવ્યું, જ્યાં મનુષ્ય અને રોબોર્ટ ન માત્ર એક જ ઓફિસ અને ફેક્ટરીમાં કામ કરશે પરંતુ રોજિંદી જિંદગીમાં પણ એકસાથે રહેશે.
રોબોર્ટે પહેર્યો હતો કાઉબોય ડ્રેસ
રોબોર્ટ માત્ર સ્ટેજ પર પાછળ ઊભા રહેવા કે દેખાડા માટે નહોતા. પરંતુ, તેમણે મોડલો જેવા જ મળતા-આવતા કપડાં પહેર્યા હતા અને તેઓ તેમની સાથે કદમથી કદમ મિલાવીને રેમ્પ વોક પણ કરી રહ્યા હતા. એક રોબોર્ટ અને તેની સાથે ચાલી રહેલા માણસ, બંનેએ જ ટોપીની સાથે વાદળી રંગનો કાઉબોય ડ્રેસ પહેર્યો હતો. બાકીના કપડાંમાં ચમકતી સિલ્વર જેકેટ, સુંદર લાંબી ફ્રોક જેવી આઉટફિટ અને મોટા સાઇઝના નવા જમાનાના પેન્ટ હતા. અંતરિક્ષના સ્ટાઇલવાળા આ અનોખા અને શાનદાર કપડાંએ આ ફેશન શોને બેહદ સુંદર બનાવી દીધો, જેને જોઈને એવું લાગી રહ્યું હતું જાણે આપણે ભવિષ્યની દુનિયામાં આવી ગયા હોઈએ.
રોબોર્ટની અલગ ઓળખ હોવી જોઈએ
ગેલેક્સી કોર્પોરેશનના જણાવ્યા અનુસાર, ફેશન શો એક સવાલની આસપાસ બનાવવામાં આવ્યો હતો. જો રોબોર્ટ રોજિંદી જિંદગીનો ભાગ બનવા જઈ રહ્યા છે, તો શું તેમની પોતાની ફેશન ન હોવી જોઈએ? ચીફ એક્ઝિક્યુટિવ ચોઈ યોંગ-હોએ કહ્યું કે કંપનીનું માનવું છે કે રોબોર્ટ્સની પણ માણસોની જેમ જ પોતાની એક અલગ ઓળખ અને પર્સનાલિટી હોવી જોઈએ.
ચોઈએ ઇવેન્ટ દરમિયાન કહ્યું કે અમને એવું લાગ્યું કે રોબોર્ટ્સને પણ કપડાં પહેરવાની જરૂર હોય છે. તેમણે આગળ કહ્યું કે જે રીતે દરેક માણસ પોતાનામાં અનોખો હોય છે, તેવી જ રીતે દરેક રોબોર્ટ પણ સૌથી અલગ હોવો જોઈએ. રોયટર્સના જણાવ્યા મુજબ, કંપનીએ તો એવો પણ સુઝાવ આપ્યો કે ભવિષ્યમાં, માણસ રોબોર્ટ્સના પહેરેલા કપડાંથી પ્રેરણા લઈ શકે છે, જ્યારે રોબોર્ટ્સ માણસો માટે બનાવવામાં આવેલી સ્ટાઇલ અપનાવી શકે છે.
