iQOO Z11i: iQOO એ તેના લેટેસ્ટ સ્માર્ટફોન તરીકે iQOO Z11i ને લોન્ચ કરી દીધો છે. સીરીઝમાં કંપનીનું આ સૌથી નવું એડિશન છે. iQOO Z11i માં 6.74 ઇંચનું LCD પેનલ આપવામાં આવ્યું છે જેમાં HD પ્લસ રિઝોલ્યુશન છે. ફોન 120Hz રિફ્રેશ રેટને સપોર્ટ કરે છે. તેમાં 1200 નિટ્સની પીક બ્રાઇટનેસ છે. ફોનમાં કંપનીએ વોટરડ્રોપ નોચ ડિસ્પ્લે આપ્યું છે. પ્રોસેસિંગ માટે સ્નેપડ્રેગન 4 જેન 2 ચિપસેટ મળે છે. તેની સાથે 8GB સુધી રેમ છે. તેમાં 6500mAh ની બેટરી આપવામાં આવી છે. ચાલો તેની કિંમત અને તમામ ફીચર્સ વિશે વિગતવાર જાણીએ.
iQOO Z11i ની કિંમત અને ઉપલબ્ધતા:
iQOO Z11i ની કિંમત ચીનમાં 1299 યુઆન (આશરે 18,000 રૂપિયા) થી શરૂ થાય છે જેમાં તેનું 6GB + 128GB મોડેલ આવે છે. ફોનના 8GB + 128GB વેરિઅન્ટની કિંમત 1499 યુઆન (આશરે 21,000 રૂપિયા) છે. જ્યારે ટોપ એન્ડ 8GB + 256GB વેરિઅન્ટને 1699 યુઆન (આશરે 24,000 રૂપિયા) માં લોન્ચ કરવામાં આવ્યો છે. ફોનને કંપનીએ ચીનમાં ઇન્ક શેડો, ક્વિંગફેંગ અને ડેઝર્ટ ગોલ્ડ કલર શેડ્સમાં લોન્ચ કર્યો છે.
iQOO Z11i ના સ્પેસિફિકેશન્સ:
iQOO Z11i માં 6.74 ઇંચનું LCD પેનલ આપવામાં આવ્યું છે જેમાં HD પ્લસ રિઝોલ્યુશન (1600 x 720 પિક્સેલ) આપવામાં આવ્યું છે. ફોન 120Hz રિફ્રેશ રેટને સપોર્ટ કરે છે. તેમાં 1200 નિટ્સની પીક બ્રાઇટનેસ છે. ફોનમાં કંપનીએ વોટરડ્રોપ નોચ ડિસ્પ્લે આપ્યું છે. ફોન સાથે જ ડીસી ડિમિંગ અને TÜV Rheinland લો બ્લુ લાઇટ સર્ટિફિકેશનથી સજ્જ છે જેથી તે આંખો પર ખરાબ અસર પડતા અટકાવે છે.
ફોનમાં પ્રોસેસિંગ માટે સ્નેપડ્રેગન 4 જેન 2 ચિપસેટ મળે છે. તેની સાથે 8GB સુધી LPDDR4X રેમ આપવામાં આવી છે અને 256GB સુધી UFS 3.1 સ્ટોરેજ છે. માઇક્રોએસડી કાર્ડ સ્લોટ પણ મળી જાય છે જેથી સ્ટોરેજ વધારી શકાય છે. ફોન આઉટ ઓફ ધ બોક્સ એન્ડ્રોઇડ 16 આધારિત OriginOS 6 પર રન કરે છે.
કેમેરાની વાત કરીએ તો તેમાં પાછળના ભાગમાં 13 મેગાપિક્સલનો મેઇન કેમેરો આપવામાં આવ્યો છે. તેમાં ઓટોફોકસ લેન્સ લાગેલો છે. તે 1080p વીડિયો રેકોર્ડિંગ કરી શકે છે. સેલ્ફી અને વીડિયો કોલિંગ માટે ફ્રન્ટમાં 5 મેગાપિક્સલનો ફ્રન્ટ કેમેરો મળે છે. આ ઉપરાંત ફોનમાં સાઇડ માઉન્ટેડ ફિંગરપ્રિન્ટ સ્કેનરની સુરક્ષા પણ આપવામાં આવી છે.
કનેક્ટિવિટી માટે USB Type-C, બ્લૂટૂથ 5.1 અને IR બ્લાસ્ટર સપોર્ટ પણ છે. ફોનમાં 3.5mm હેડફોન જેક પણ આપવામાં આવ્યો છે. ધૂળ અને પાણીથી બચાવ માટે ફોનને IP65 રેટ કરવામાં આવ્યો છે. ફોનમાં 6500mAh ની બેટરી છે જેની સાથે 15W ચાર્જિંગ ફીચર છે, અને તે રિવર્સ વાયર્ડ ચાર્જિંગને પણ સપોર્ટ કરે છે.
