Nothing Phone: લંડન સ્થિત ટેક કંપની નથિંગે ગુરુવારે જાહેરાત કરી કે તેની સબ-બ્રાન્ડ, CMF, હવે એક સ્વતંત્ર ભારતીય કંપની તરીકે કાર્ય કરશે, જેનું વૈશ્વિક મુખ્ય મથક ભારતમાં હશે. કંપનીનો ઉદ્દેશ્ય ભારતને તેના સંચાલન, સંશોધન અને વિકાસ (R&D) અને ઉત્પાદન માટે એક મુખ્ય કેન્દ્ર બનાવવાનો છે.
ભારતમાં ઉત્પાદન માટે ઓપ્ટિમસમાં જોડાયા
નથિંગે ભારતીય ઇલેક્ટ્રોનિક્સ ઉત્પાદક ઓપ્ટિમસ ઇન્ફ્રાકોમ સાથે ઉત્પાદન સંયુક્ત સાહસ (JV) ની જાહેરાત કરી. આ ભાગીદારી ભારતને નથિંગ અને CMFના ઉત્પાદનો બંને માટે વૈશ્વિક ઉત્પાદન અને નિકાસ કેન્દ્ર બનાવશે. બંને ભાગીદારો સંયુક્ત રીતે US$100 મિલિયન (આશરે રૂ. 887 કરોડ)નું રોકાણ કરશે, જેનાથી આગામી ત્રણ વર્ષમાં 1,800 થી વધુ નોકરીઓનું સર્જન થશે. આજ સુધીમાં, ભારતમાં નથિંગનું કુલ રોકાણ US$200 મિલિયનને વટાવી ગયું છે.
આઇટી મંત્રી કંપનીના સીઇઓ કાર્લ પેઈને મળ્યા
નથિંગના સીઇઓ કાર્લ પેઈએ ભારતના ઇલેક્ટ્રોનિક્સ અને આઇટી મંત્રી અશ્વિની વૈષ્ણવને મળ્યા અને ભારતમાં નથિંગ અને સીએમએફના વિસ્તરણ અંગે ચર્ચા કરી. પેઈએ જણાવ્યું હતું કે, “ભારત વૈશ્વિક સ્માર્ટફોન ઉદ્યોગના ભવિષ્યને આકાર આપવામાં મુખ્ય ભૂમિકા ભજવશે. અમે ભારતમાં સીએમએફ સ્થાપિત કરવાની અને તેને દેશની પ્રથમ વૈશ્વિક ગ્રાહક ટેક બ્રાન્ડ બનાવવાની અમારી યોજનાઓની ચર્ચા કરી.” તેમણે વધુમાં જણાવ્યું હતું કે ઓપ્ટીમસ સાથેનું નવું સંયુક્ત સાહસ આ વિઝનને સાકાર કરવા માટે એક મહત્વપૂર્ણ પગલું છે.
મેડ ઇન ઇન્ડિયા, સેલિંગ ગ્લોબલી
સીએમએફના વૈશ્વિક માર્કેટિંગ ઓપરેશન્સ તાજેતરમાં ભારતમાં સ્થાનાંતરિત થયા છે. નથિંગ અને સીએમએફ બંને માટે, ભારત હવે માત્ર સ્થાનિક બજાર નથી, પરંતુ આંતરરાષ્ટ્રીય ઉત્પાદન અને નિકાસનું કેન્દ્ર પણ છે.
