Smart TV buying Guide: સ્માર્ટ ટીવી ખરીદતી વખતે લોકો તેના સાઈઝ, બ્રાન્ડ અને પિક્ચર ક્વોલિટી વગેરે પર ધ્યાન આપે છે. આ સિવાય પણ કેટલાક એવા ફીચર્સ હોય છે, જે સ્માર્ટ ટીવીમાં હોવા જરૂરી છે. ફીચર્સ ઉપરાંત પણ ઘણી વસ્તુઓ જેવી કે સ્પીકર ક્યાં લાગેલા છે, રિમોટ સ્માર્ટ છે કે નહીં, કનેક્ટિવિટી માટે કયા-કયા પોર્ટ્સ આપવામાં આવ્યા છે અને સાઉન્ડ ટેકનોલોજી પર પણ ધ્યાન આપવું જોઈએ. જો તમે નવું સ્માર્ટ ટીવી ખરીદવા જઈ રહ્યા છો તો આ આર્ટિકલ તમારા માટે ઉપયોગી થઈ શકે છે. અમે અહીં કેટલીક એવી વસ્તુઓ જણાવી છે, જે સ્માર્ટ ટીવી ખરીદતી વખતે ચોક્કસપણે જોવી જોઈએ.
સ્માર્ટ રિમોટથી મળે છે જબરદસ્ત એક્સપિરિયન્સ
સ્માર્ટ ટીવીની સાથે સાથે તેમના રિમોટ પણ હવે સ્માર્ટ થઈ ગયા છે. તેમાં વોઈસ કંટ્રોલ, કીબોર્ડ અને ટચપેડ જેવી નવી ખૂબીઓ આવી ગઈ છે. સ્માર્ટ રિમોટ દ્વારા ટીવીને સરળતાથી કંટ્રોલ કરી શકાય છે. સાથે જ, એપ્સ અને સ્માર્ટ આસિસ્ટન્ટને સરળતાથી એક્સેસ કરી શકો છો. આ કારણે સ્માર્ટ ટીવી ખરીદતી વખતે તેના રિમોટમાં મળતી સુવિધાઓને ચોક્કસપણે જુઓ.
ટીવીમાં ક્યાં લાગેલા છે સ્પીકર?
આજકાલના પાતળા ટીવીમાં સ્પીકર નીચેની તરફ લાગેલા હોય છે. તેનાથી અવાજ દબાઈ જાય છે અને સીધો ટીવી જોનારાઓ સુધી પહોંચતો નથી, પરંતુ ફ્લોર (ભોંયતળિયા) તરફ જાય છે. આ કારણે અવાજની ક્વોલિટી ખરાબ થઈ જાય છે. જો તમે અલગથી સ્પીકર લગાવ્યા વગર મોટો અને સારો અવાજ ઈચ્છો છો તો એ ચોક્કસ જુઓ કે સ્પીકર ક્યાં લાગેલા છે. જો તમને એવો કોઈ વિકલ્પ મળી રહ્યો છે, જેમાં સ્પીકર ટીવીમાં નીચે નહીં પણ સાઈડમાં લાગેલા હોય તો તેને ખરીદી શકો છો.
સારી સાઉન્ડ ક્વોલિટી જોઈએ તો આ છે જરૂરી
શ્રેષ્ઠ ઓડિયો સેટઅપ તમારા ટીવી જોવાનો એક્સપિરિયન્સ ઘણો સુધારી શકે છે. આ માટે તમારે કેટલીક ખાસ બાબતો પર ધ્યાન આપવું પડશે. સ્માર્ટ ટીવી ખરીદતી વખતે વોટેજ (Wattage) ને ચોક્કસ જુઓ. જેટલું વધારે વોટેજ હશે, અવાજની ક્વોલિટી એટલી જ સારી હશે. વોટેજ એ બતાવે છે કે તમારું સ્પીકર કેટલું પાવરફુલ છે અને કેટલો મોટો અવાજ આપી શકે છે. તેનાથી તમને દરેક નાનો-મોટો અવાજ સ્પષ્ટ સંભળાશે.
સાથે જ કેટલીક સાઉન્ડ ટેકનોલોજી જેવી કે Surround Sound, Dolby Digital અને DTS Premium જુઓ. આ ટેકનોલોજી અવાજને એવી રીતે રજૂ કરે છે કે તમને ચારે બાજુથી અવાજ સંભળાશે.
કનેક્ટિવિટી માટે છે કયા-કયા પોર્ટ્સ?
તમારા ટીવી પર તમે શું જોઈ અને કરી શકો છો, તે આ વાત પર નિર્ભર કરે છે કે ટીવી સાથે કઈ અને કેટલી વસ્તુઓને જોડી શકો છો. આ માટે ટીવીમાં HDMI પોર્ટ્સ, ઓડિયો પોર્ટ્સ અને અન્ય પોર્ટ્સ આપવામાં આવે છે. આ પોર્ટ્સ જ નક્કી કરે છે કે તમે તમારા ટીવી પર શું-શું જોઈ શકશો.
ઉદાહરણ તરીકે HDMI પોર્ટ્સ હાઈ-ડેફિનેશન વિડિયો અને ઓડિયો સિગ્નલ મોકલે છે. તેનાથી તમે બ્લુ-રે પ્લેયર, ગેમિંગ કન્સોલ કે લેપટોપને ટીવી સાથે જોડીને શાનદાર પિક્ચર ક્વોલિટી મેળવી શકો છો. ઓડિયો પોર્ટ્સ જેવા કે હેડફોન જેક કે RCA કેબલ, તમને અલગથી સાઉન્ડ સિસ્ટમ જોડવાની સુવિધા આપે છે.
