Traffic Challan Cancellation: શું તમારું પણ ખોટું ચલણ કપાયું છે? ઘણીવાર એવું બને છે કે ઓનલાઇન ખોટું ચલણ કાપીને તમને મોકલી દેવામાં આવે છે, પરંતુ હકીકતમાં તમારી કોઈ ભૂલ હોતી નથી. આ પ્રકારના ચલણ પાછળ અવારનવાર ટેકનિકલ ખામી અથવા ઓળખની ભૂલ કારણભૂત હોય છે. આ જ કારણ છે કે સરકારે ખોટું ચલણ રદ કરાવવાની વ્યવસ્થા પણ કરી છે. એવામાં ચલણ આવતા જ તેને ભરવાની ઉતાવળ ન કરો. તમે થોડા સ્ટેપ્સને ફોલો કરીને તમારી નિર્દોષતાનો પુરાવો આપી શકો છો અને ખૂબ જ સરળતાથી ચલણ રદ પણ કરાવી શકો છો.
સ્ટેપ 1: સૌથી પહેલા ચેક કરો ચલણ
ખોટા ચલણને રદ કરાવવા માટે સૌથી પહેલા echallan.parivahan.gov.in પર જઈને ચેક કરો કે તમારું ચલણ અસલી છે કે નહીં. અહીં તમારે ચલણ અને વાહનની વિગતો દાખલ કરીને જોવું પડશે કે તમારા નામે આવેલું ચલણ ખરેખર અસ્તિત્વમાં છે કે નહીં.
સ્ટેપ 2: Complaint/Grievance સેક્શન પર જાઓ
જો ચલણ અસ્તિત્વમાં હોય, તો તે જ વેબસાઇટ પર Complaint/Grievance સેક્શન પર જાઓ. આ સરકાર સુધી ફરિયાદ પહોંચાડવાનું સત્તાવાર માધ્યમ છે.
સ્ટેપ 3: જાણકારી દાખલ કરો
ત્યારબાદ તમારી જાણકારી દાખલ કરો જેમ કે નામ, મોબાઈલ અને ચલણ નંબર, શા માટે ચલણ ખોટું છે અને તમારી વાત સાબિત કરતો ફોટો અથવા વીડિયો.
ટિકિટ અને ટિકિટનું સ્ટેટસ
જો તમારા રાજ્યનું પોર્ટલ અલગ હોય, તો તમે તમારા રાજ્યના પરિવહન પોર્ટલ પર જઈને આ જ સ્ટેપ્સ ત્યાં ફોલો કરી શકો છો. ત્યારબાદ પોર્ટલ પર તમારી ફરિયાદની એક ટિકિટ બની જશે. આ ટિકિટ દ્વારા તમે ફરિયાદનું સ્ટેટસ પણ ચેક કરી શકશો કે તેના પર શું નિર્ણય લેવામાં આવ્યો છે.
