WhatsApp Security: વોટ્સએપના દુનિયાભરમાં અબજો યુઝર્સ છે. હવે વોટ્સએપનો ઉપયોગ માત્ર વાતચીત માટે નથી થઈ રહ્યો. વીડિયો કોલ્સથી લઈને ફાઈલ શેરિંગ અને ઓનલાઈન પેમેન્ટ સુધી પણ આનો ઉપયોગ કરવામાં આવી રહ્યો છે. એવામાં હેકર્સ અને સ્કેમર્સની પણ આના પર નજર રહે છે. તેઓ અલગ-અલગ રીતે લોકોના વોટ્સએપ એકાઉન્ટ હેક કરવાની ફિરાકમાં રહે છે. આવી સ્થિતિમાં પોતાના વોટ્સએપ એકાઉન્ટને સેફ રાખવું જરૂરી છે. આજે અમે તમને તમારા એકાઉન્ટની સેફ્ટી માટે કેટલીક ટિપ્સ જણાવવા જઈ રહ્યા છીએ.
વોટ્સએપ એકાઉન્ટને સેફ રાખવા માટે આ વાતોનું ધ્યાન રાખો
વોટ્સએપ અથવા તમારા કોઈ પણ એકાઉન્ટને સેફ રાખવા માટે સૌથી જરૂરી છે કે તમે રજિસ્ટ્રેશન કોડ અથવા ટુ-સ્ટેપ વેરિફિકેશન પિન કોઈની પણ સાથે શેર ન કરો. સ્કેમર્સ ડિલિવરી એજન્ટ, મિત્ર અથવા સરકારી અધિકારી બનીને તમને વાતોમાં ઉલઝાવવાની કોશિશ કરી શકે છે, પરંતુ પોતાનો પાસવર્ડ અથવા બીજા પિન કોઈની પણ સાથે શેર ન કરો. આ ઉપરાંત વોટ્સએપ અને બીજા પ્લેટફોર્મ પર ટુ-સ્ટેપ વેરિફિકેશનને ઈનેબલ રાખો. આનાથી એકાઉન્ટને સેફ્ટીનું એક્સ્ટ્રા લેયર મળે છે. જો તમારો પાસવર્ડ કોઈના હાથમાં આવી પણ જાય તો પણ ટુ-સ્ટેપ વેરિફિકેશનને કારણે તે તમારા એકાઉન્ટ સુધી પહોંચી શકશે નહીં.
આ ટિપ્સ પણ છે જરૂરી
હંમેશા તમારા ફોનમાં એપ લોક અને ચેટ લોકને એક્ટિવેટ રાખો, જેનાથી બાકી લોકો તમારી ચેટને એક્સેસ કરી શકશે નહીં.
તમારા વોટ્સએપ એકાઉન્ટ પર લિંક્ડ ડિવાઈસને રિવ્યુ કરતા રહો. જો તમને આ લિસ્ટમાં કોઈ શંકાસ્પદ ડિવાઈસ દેખાય છે તો તરત જ તેને લોગ આઉટ કરી દો.
અજાણ્યા લોકો તરફથી આવેલા ઈમેલ અથવા મેસેજમાં આપેલી લિંક અથવા અટેચમેન્ટને ઓપન ન કરો. આનાથી તમારા ડિવાઈસમાં માલવેર ઇન્સ્ટોલ કરી શકાય છે.
વોર્નિંગ મેસેજને ઇગ્નોર ન કરો. જો વોટ્સએપ તરફથી એવો કોઈ નોટિફિકેશન મળે છે કે તમારો નંબર નવા ડિવાઈસ પર રજિસ્ટર થયો છે તો તરત જ એક્શન લો.
