Aadhar Card Recovery Free: આધાર કાર્ડ ખોવાઈ જવું એ કોઈના માટે પણ ચિંતાનો વિષય હોઈ શકે છે, પરંતુ સારી વાત એ છે કે આજના સમયમાં તેને ફરીથી મેળવવું ખૂબ જ સરળ અને સંપૂર્ણપણે ડિજિટલ બની ગયું છે. જો તમારું આધાર કાર્ડ ક્યાંક પડી ગયું હોય કે ચોરાઈ ગયું હોય, તો ગભરાવાની જરૂર નથી. હવે તમે ઘરે બેઠા, એક પણ રૂપિયો ખર્ચ્યા વિના તમારું આધાર કાર્ડ ઓનલાઈન ફરીથી ડાઉનલોડ કરી શકો છો. આજે અમે તમને બિલકુલ ફ્રીમાં આધાર કાર્ડ રિકવર કરવાની સાચી પ્રોસેસ જણાવી રહ્યા છીએ.
આધાર કાર્ડ ખોવાઈ જાય ત્યારે શું કરવું?
જો તમારું આધાર કાર્ડ ખોવાઈ ગયું હોય, તો તમે તેને UIDAI ની ઓફિશિયલ વેબસાઈટ અથવા mAadhaar એપ દ્વારા સરળતાથી રિકવર કરી શકો છો. આની મદદથી તમે મિનિટોમાં તમારું આધાર કાર્ડ પાછું મેળવી શકશો.
આધાર કાર્ડ રિકવર કરવાની સ્ટેપ બાય સ્ટેપ પ્રોસેસ
૧. વેબસાઈટ પર જાઓ: સૌથી પહેલા UIDAI ની સત્તાવાર વેબસાઈટ https://uidai.gov.in પર જાઓ.
૨. ઓપ્શન પસંદ કરો: વેબસાઈટ પર ‘My Aadhaar’ સેક્શનમાં જઈને ‘Retrieve Lost or Forgotten UID/EID’ વિકલ્પ પર ક્લિક કરો.
૩. વિગતો ભરો: હવે તમારું નામ, રજિસ્ટર્ડ મોબાઈલ નંબર અને અન્ય જરૂરી વિગતો દાખલ કરો.
૪. OTP વેરિફિકેશન: OTP દ્વારા વેરિફિકેશન કર્યા પછી, તમારા મોબાઈલ પર SMS દ્વારા તમારો આધાર નંબર (UID) અથવા એનરોલમેન્ટ નંબર (EID) આવી જશે.
આધાર નંબર મળ્યા પછી કાર્ડ કેવી રીતે ડાઉનલોડ કરવું?
એકવાર આધાર નંબર મળી જાય પછી તમે સરળતાથી તમારું e-Aadhaar ડાઉનલોડ કરી શકો છો:
સૌ પ્રથમ UIDAI ની વેબસાઈટ પર ‘Download Aadhaar’ વિકલ્પ પર ક્લિક કરો.
તમારો આધાર નંબર દાખલ કરી OTP થી વેરિફિકેશન કરો.
ત્યારબાદ તમારા મોબાઈલ કે કોમ્પ્યુટરમાં e-Aadhaar PDF ડાઉનલોડ થઈ જશે.
આ સમગ્ર પ્રક્રિયા સંપૂર્ણપણે મફત છે અને તમારે આ માટે કોઈ પણ ફી ચૂકવવાની જરૂર નથી.
