EPF Balance Check Guide: કર્મચારી ભવિષ્ય નિધિ (EPF) નિવૃત્તિ પછીની આર્થિક સુરક્ષા માટે એક મહત્વપૂર્ણ બચત યોજના છે. આમાં દર મહિને કર્મચારી અને એમ્પ્લોયર (માલિક) બંને યોગદાન આપે છે. નોકરી પછી આજે પણ ઘણા લોકો PF ઓફિસના ચક્કર લગાવતા રહે છે, પરંતુ હવે ટેકનોલોજી દ્વારા તમે ઘરે બેઠા જ તમારું બેલેન્સ ચેક કરી શકો છો. યુનિવર્સલ એકાઉન્ટ નંબર (UAN) ની મદદથી આ પ્રક્રિયા વધુ સરળ બની ગઈ છે. ચાલો તમને જણાવીએ ઘરે બેઠા પીએફ બેલેન્સ કેવી રીતે ચેક કરવું.
ઓનલાઇન કેવી રીતે ચેક કરવું PF બેલેન્સ?
ભારત સરકાર PF ખાતાધારકોને ઓનલાઇન બેલેન્સ જોવાની સુવિધા આપે છે. આ માટે ઇન્ટરનેટ કનેક્શન, UAN નંબર અને પાસવર્ડ જરૂરી છે. તમે ચાર મુખ્ય રીતોથી તરત જ તમારું પીએફ બેલેન્સ ચેક કરી શકો છો. ઉમંગ એપ, EPFO પોર્ટલ, 7738299899 પર એસએમએસ અથવા 9966044425 પર મિસ્ડ કોલ કરીને તમે સરળતાથી તમારું બેલેન્સ ચેક કરી શકો છો.
પીએફ બેલેન્સ ચેક કરવાની સરળ રીતો
EPFO પોર્ટલ: ઇપીએફ પાસબુક પોર્ટલ પર જાઓ. તમારા UAN નંબર અને પાસવર્ડથી લોગ ઇન કરો. મેમ્બર આઈડી પસંદ કરો અને તમારું બેલેન્સ જોવા માટે ‘પાસબુક જુઓ’ પર ક્લિક કરો.
UMANG એપ: UMANG એપ ડાઉનલોડ કરો. EPFO સર્ચ કરો અને કર્મચારી કેન્દ્રિત સેવાઓ પસંદ કરો. પાસબુક જુઓ પર ક્લિક કરો અને તમારા રજિસ્ટર્ડ મોબાઈલ નંબર પર મળેલા UAN અને OTP નો ઉપયોગ કરીને લોગ ઇન કરો.
એસએમએસ સેવા: તમારા રજિસ્ટર્ડ મોબાઈલ નંબર પરથી 7738299899 પર એક એસએમએસ મોકલો.
EPFOHO UAN(ઉદાહરણ તરીકે, EPFOHO 100XXXXXXXXX). તમે તમારી પસંદગીની ભાષાના પહેલા ત્રણ અક્ષર ઉમેરી શકો છો (ઉદાહરણ તરીકે, હિન્દી માટેEPFOHO UAN HIN).મિસ્ડ કોલ સેવા: તમારા રજિસ્ટર્ડ મોબાઈલ નંબર પરથી 9966044425 પર મિસ્ડ કોલ આપો. કોલ આપોઆપ ડિસ્કનેક્ટ થઈ જશે અને તમને તમારા પીએફ બેલેન્સ અને વિગતો સાથે એક એસએમએસ પ્રાપ્ત થશે.
