PF UPI Withdrawal: દેશમાં કરોડો કર્મચારીઓ એવા છે જેમના પૈસા પીએફ એકાઉન્ટમાં જમા થાય છે. નોકરી બદલવા, ઇમરજન્સી ખર્ચ, બીમારી, અભ્યાસ કે લગ્ન જેવા પ્રસંગોએ આ પીએફની રકમ સૌથી મોટો સહારો બને છે. પરંતુ અત્યાર સુધી પીએફ ઉપાડવો એ એક લાંબી પ્રોસેસ રહી છે. ફોર્મ, વેરિફિકેશન અને ઘણા દિવસોની રાહ. હવે આ સિસ્ટમને બદલવાની તૈયારી થઈ ચૂકી છે.
કર્મચારી ભવિષ્ય નિધિ સંગઠન એક એવું ફીચર લાવવા જઈ રહ્યું છે, જેનાથી પીએફના પૈસા ઉપાડવા લગભગ એટલા જ સરળ થઈ જશે જેટલું યુપીઆઈ (UPI) થી કોઈને પૈસા મોકલવા. એટલે કે મોબાઈલ એપ ખોલો, રિક્વેસ્ટ નાખો અને પૈસા સીધા બેંક ખાતામાં. આ ફેરફાર પીએફ ખાતાધારકો માટે ખૂબ મોટી રાહત સાબિત થઈ શકે છે. જાણી લો કઈ UPI એપ્સથી ઉપાડી શકાશે પૈસા.
ક્યારથી શરૂ થશે સુવિધા?
ઈપીએફઓ (EPFO) આગામી બે થી ત્રણ મહિનાની અંદર યુપીઆઈ બેસ્ડ પીએફ ઉપાડવાની સિસ્ટમ શરૂ કરવાની તૈયારીમાં છે. આ માટે નેશનલ પેમેન્ટ્સ કોર્પોરેશન ઓફ ઈન્ડિયા (NPCI) સાથે મળીને ટેકનિકલ માળખું તૈયાર કરવામાં આવી રહ્યું છે. આ નવી પ્રોસેસમાં પીએફ ખાતાધારક UPI એપ દ્વારા ઉપાડની રિક્વેસ્ટ નાખી શકશે. આ પછી ઈપીએફઓનું સિસ્ટમ બેકએન્ડમાં વિગતો વેરિફાય કરશે.
જેવી આધાર, બેંક અને પીએફ એકાઉન્ટ સાથે જોડાયેલી જાણકારી સાચી જણાશે કે તરત જ પ્રોસેસ આગળ વધારી દેવામાં આવશે. અધિકારીઓનું માનવું છે કે આ સિસ્ટમથી ક્લેમ પ્રોસેસમાં લાગતો સમય ઘણો ઓછો થઈ જશે અને યુઝરને ટ્રેકિંગ પણ સરળ મળશે.
સીધા બેંક ખાતામાં આવશે પૈસા
અત્યારની વાત કરવામાં આવે તો જો પાંચ લાખ રૂપિયાથી ઓછો ઓનલાઈન એડવાન્સ ક્લેમ મૂકવામાં આવે, તો પણ ઓટો મોડમાં તેને પતાવવામાં ઓછામાં ઓછા ત્રણ કામકાજના દિવસો લાગે છે. મોટી રકમ હોવા પર મેન્યુઅલ પ્રોસેસિંગને કારણે વધુ સમય લાગે છે. નવી યુપીઆઈ વ્યવસ્થા આ રાહને લગભગ ખતમ કરી દેશે.
જેવા કોઈ સભ્ય બીમારી, ઈલાજ, બાળકોનો અભ્યાસ કે લગ્ન જેવી માન્ય કેટેગરીમાં ક્લેમ નાખશે, ઈપીએફઓનું સિસ્ટમ તરત જ તેની તપાસ કરશે. બધું બરાબર હોવા પર સ્ટેટ બેંક ઓફ ઈન્ડિયા (SBI) દ્વારા રકમ સીધી તે બેંક ખાતામાં ટ્રાન્સફર કરી દેવામાં આવશે, જે યુપીઆઈ સાથે લિંક હશે. એટલે કે ક્લેમ અપ્રૂવ થતા જ પૈસા લગભગ તરત જ ખાતામાં દેખાઈ શકે છે.
કઈ એપ્સથી ઉપાડી શકાશે પૈસા?
હવે ઘણા લોકોના મનમાં સવાલ આવી રહ્યો છે કે કઈ યુપીઆઈ એપ્સથી પીએફનો ઉપાડ થશે. તો તમને જણાવી દઈએ કે શરૂઆતમાં પીએફ ઉપાડવાની સુવિધા માત્ર ભીમ (BHIM) એપ પર ઉપલબ્ધ કરાવવામાં આવશે. અધિકારીઓના જણાવ્યા મુજબ પહેલા સ્ટેજમાં પૂરેપૂરી રકમ ઉપાડવાની પરવાનગી નહીં હોય. આ માટે એક લિમિટ (મર્યાદા) નક્કી કરવામાં આવશે, જેના પર હજુ અંતિમ નિર્ણય લેવાનો બાકી છે. આ લિમિટ રિઝર્વ બેંક ઓફ ઈન્ડિયાના યુપીઆઈ નિયમોને ધ્યાનમાં રાખીને નક્કી કરવામાં આવશે.
હેતુ એ છે કે સિસ્ટમ સેફ રહે અને કોઈ પણ પ્રકારનો દુરુપયોગ ન થાય. જો શરૂઆતના તબક્કામાં બધું બરાબર ચાલશે, તો પછીથી આ સુવિધાને પેટીએમ, ફોનપે અને ગૂગલ પે જેવા બીજા મોટા યુપીઆઈ પ્લેટફોર્મ્સ પર પણ શરૂ કરી શકાય છે. એટલે કે આવનારા સમયમાં પીએફ ઉપાડવો એટલો જ સરળ હોઈ શકે છે જેટલું રોજિંદા ડિજિટલ પેમેન્ટ્સ કરવા.
