Sukanya Samriddhi Transfer: શું તમે તમારી દીકરી માટે પોસ્ટ ઓફિસમાં સુકન્યા સમૃદ્ધિ એકાઉન્ટ ખોલાવ્યું છે? હકીકતમાં આ પોસ્ટ ઓફિસ સ્કીમમાં તમે તમારી દીકરીના અભ્યાસ અથવા લગ્ન માટે સારી એવી રકમ જમા કરી શકો છો. જોકે, આ એકાઉન્ટમાં પૈસા જમા કરાવવા માટે તમારે વારંવાર પોસ્ટ ઓફિસના ચક્કર લગાવવા પડે છે.
આવી સ્થિતિમાં જો તમે Sukanya Samriddhi એકાઉન્ટમાં પૈસા જમા કરાવવા માટે કોઈ ઓનલાઇન રીત શોધી રહ્યા છો, તો તેના એક નહીં પરંતુ બે રસ્તા છે, જેના દ્વારા તમે ઓનલાઇન આ એકાઉન્ટમાં પૈસા જમા કરી શકો છો. જો તમે સુકન્યા સમૃદ્ધિ એકાઉન્ટ કોઈ કમર્શિયલ બેંક જેવી કે SBI, PNB અથવા HDFCમાં ખોલાવ્યું છે, તો તમે સંબંધિત બેંકની નેટ બેંકિંગ અથવા મોબાઇલ બેંકિંગનો ઉપયોગ કરીને પણ ઘરે બેઠા એકાઉન્ટમાં પૈસા ટ્રાન્સફર કરી શકો છો.
બીજી તરફ જો તમારી દીકરીનું SSY એકાઉન્ટ પોસ્ટ ઓફિસમાં છે, તો તમે ઇન્ડિયા પોસ્ટ પેમેન્ટ્સ બેંક એટલે કે IPPBની મોબાઇલ એપનો ઉપયોગ કરીને મિનિટોમાં ઓનલાઇન પૈસા જમા કરી શકો છો.
આ બાબતોનું ધ્યાન રાખો
- સુકન્યા સમૃદ્ધિ એકાઉન્ટમાં તમે 250 રૂપિયા કરતાં ઓછી રકમ જમા કરી શકતા નથી.
- પૈસા જમા કરાવ્યા બાદ કન્ફર્મેશન મેસેજને ત્યાં સુધી સાચવીને રાખો, જ્યાં સુધી તમે એકાઉન્ટની પાસબુકમાં એન્ટ્રી કરાવી ન લો.
- દર વર્ષે 31 માર્ચ પહેલાં એકાઉન્ટમાં રકમ જમા કરી દો, જેથી તમારે કોઈ પેનલ્ટી ન ભરવી પડે.
- જો તમે તમારી બેંકિંગ એપથી પેમેન્ટ કરો છો, તો ઓટો ડેબિટ ફીચર પણ સેટ કરી શકો છો, જેથી દર મહિને અથવા વર્ષે કોઈ નિશ્ચિત દિવસે પૈસા કપાઈ શકે.
જો બેંકમાં ખોલેલું છે SSY એકાઉન્ટ, તો ઓનલાઇન પૈસા કેવી રીતે જમા કરવા?
- જો તમે સુકન્યા સમૃદ્ધિ એકાઉન્ટ બેંકમાં ખોલાવ્યું છે, તો તમે ખૂબ સરળતાથી બેંકની એપ દ્વારા તમારી દીકરીના સુકન્યા સમૃદ્ધિ એકાઉન્ટમાં પૈસા જમા કરી શકો છો.
- આ માટે તમારી પાસે તમારી બેંકની નેટ બેંકિંગ એપનો એક્સેસ હોવો જોઈએ. એપમાં લોગઇન કર્યા બાદ Pay & Transfer સેક્શનમાં જાઓ.
- ત્યાં Fund Transfer અથવા Pay & Transferના ઓપ્શન પર ક્લિક કરો.
- હવે જો તમે પહેલીવાર પૈસા ટ્રાન્સફર કરી રહ્યા છો, તો દીકરીના સુકન્યા સમૃદ્ધિ એકાઉન્ટને બેનેફિશિયરી તરીકે સામેલ કરો.
- આ માટે તમને SSY એકાઉન્ટ નંબર અને બ્રાન્ચના IFSC કોડની જરૂર પડશે. બેનેફિશિયરી એક્ટિવેટ થયા બાદ તેને પસંદ કરો.
- હવે જે રકમ તમે દીકરીના એકાઉન્ટમાં ટ્રાન્સફર કરવા માંગો છો, તે રકમ દાખલ કરો.
- ત્યાર બાદ તમારો ટ્રાન્ઝેક્શન પિન અથવા OTP દાખલ કરીને પેમેન્ટને ઓથેન્ટિકેટ કરો અને તમારી દીકરીના સુકન્યા સમૃદ્ધિ એકાઉન્ટમાં પૈસા ટ્રાન્સફર થઈ જશે.
પોસ્ટ ઓફિસમાં ખોલેલું છે સુકન્યા એકાઉન્ટ તો ઓનલાઇન કેવી રીતે પૈસા જમા કરવા?
- જો તમે તમારી દીકરીનું સુકન્યા સમૃદ્ધિ એકાઉન્ટ પોસ્ટ ઓફિસમાં ખોલાવ્યું હતું, તો તમારે ઇન્ડિયા પોસ્ટ પેમેન્ટ્સ બેંક એપનો ઉપયોગ કરીને ઓનલાઇન એકાઉન્ટમાં પૈસા જમા કરવા પડશે.
- આ માટે પહેલાં તમારે IPPB એપ ડાઉનલોડ કરવી પડશે અને તેમાં લોગ ઇન કરવું પડશે. જો તમે નવા યુઝર છો, તો પહેલાં તમારે એપ પર જ IPPB એકાઉન્ટ ખોલવું પડશે અને તેના માટે તમારે 175 રૂપિયા જમા કરાવવા પડશે. ત્યાર બાદ તમે આ એકાઉન્ટમાં પૈસા જમા કરીને તેને સીધા સુકન્યા એકાઉન્ટમાં જમા કરાવી શકશો.
- IPPB એપ સેટઅપ કર્યા બાદ MPINની મદદથી એપમાં લોગઇન કરો અને IPPB એકાઉન્ટમાં UPI અથવા ડેબિટ કાર્ડ વગેરેની મદદથી એટલું બેલેન્સ ઉમેરો, જેટલું તમે સુકન્યા સમૃદ્ધિ એકાઉન્ટમાં જમા કરાવવા માંગો છો.
- એપની હોમ સ્ક્રીન પર નીચે તરફ સ્ક્રોલ કરો અને DOP Servicesના ઓપ્શન પર ક્લિક કરો. ત્યાં ઉપલબ્ધ સર્વિસમાં Sukanya Samriddhi Account (SSA) પસંદ કરો.
- ત્યાર બાદ તમારો SSY એકાઉન્ટ નંબર અને તમારી કસ્ટમર ID દાખલ કરીને Continue પર ક્લિક કરો.
- ત્યાર બાદ જેટલી રકમ તમારે જમા કરાવવાની છે, તે રકમ દાખલ કરો.
- OTP દાખલ કરીને પેમેન્ટ પૂર્ણ કરો. પેમેન્ટ પૂર્ણ થયા બાદ તમને કન્ફર્મેશન મેસેજ મળી જશે.
