Military Strength Global Index 2026: ગ્લોબલ ફાયરપાવર ઇન્ડેક્સ 2026 ના તાજા રિપોર્ટ મુજબ બાંગ્લાદેશ 70 લાખથી વધુ સૈન્ય કર્મચારીઓ સાથે દુનિયાભરમાં પ્રથમ સ્થાને છે. આ થોડું ચોંકાવનારું છે. જ્યારે ચીન પાસે દુનિયાની સૌથી મોટી સક્રિય સેના છે. ગ્લોબલ ફાયરપાવરના માર્ચ-2026 ના રિપોર્ટ મુજબ આ લિસ્ટમાં 2026 માં દુનિયાની સૌથી મોટી સેનાઓને તેમના કુલ સૈનિકોની સંખ્યાના આધારે દર્શાવવામાં આવી છે. આમાં સક્રિય સૈનિકો, રિઝર્વ સૈનિકો અને અર્ધલશ્કરી દળો સામેલ છે. આના પરિણામો ઘણા ચોંકાવનારા છે. બાંગ્લાદેશ અને વિયેતનામ જેવા દેશો, જેમની પાસે સક્રિય સૈનિકોની સંખ્યા પ્રમાણમાં ઓછી છે, તેમણે પોતાના રિઝર્વ ફોર્સમાં લાખો સૈનિકો ભરી રાખ્યા છે.
આ ડેટા GlobalFirepower (માર્ચ 2026) માંથી લેવામાં આવ્યો છે. રિઝર્વ અને અર્ધલશ્કરી દળોની વ્યાખ્યાઓ દરેક દેશ મુજબ અલગ-અલગ હોય છે. બાંગ્લાદેશ પાસે આમ તો 2 લાખથી થોડા વધુ જ એક્ટિવ સેનાના જવાનો છે પરંતુ તેના રિઝર્વ ફોર્સમાં 70 લાખની આસપાસ જવાનો છે અને તે દુનિયામાં પ્રથમ સ્થાને છે. તેની આ સ્થિતિ લગભગ સંપૂર્ણપણે તેના વિશાળ અર્ધલશ્કરી નેટવર્કને કારણે છે.
દુનિયાની ટોપ-10 શક્તિશાળી સેનાઓની લિસ્ટ
વિયેતનામ ઘણુંખરું બાંગ્લાદેશ જેવું જ મોડલ અપનાવે છે, જેમાં એક મધ્યમ કદની સક્રિય સેનાને દુનિયાની સૌથી મોટી રિઝર્વ પ્રણાલીઓમાંથી એક સાથે જોડવામાં આવી છે. યુક્રેન પણ આ બાબતમાં અલગ નજરે પડે છે જે રશિયા સાથે ચાલી રહેલા સંઘર્ષ બાદ ઝડપથી થયેલી એકત્રીકરણ અને વિસ્તારને દર્શાવે છે. જોકે જ્યારે માત્ર સક્રિય-ડ્યુટી સૈનિકોની વાત આવે છે ત્યારે આ રેન્કિંગ સંપૂર્ણપણે બદલાઈ જાય છે. ચીન લગભગ 20 લાખ સૈનિકો સાથે સૌથી આગળ છે જેના પછી ભારત, રશિયા અને યુનાઇટેડ સ્ટેટ્સનું સ્થાન આવે છે. આ તમામ પાસે 10 લાખથી વધુ સક્રિય સૈન્ય કર્મચારીઓ છે.
બાંગ્લાદેશ: 2 લાખ ચાર હજાર એક્ટિવ જવાન, 68 લાખ રિઝર્વ જવાન – કુલ જવાન 7,004,000
વિયેતનામ: 4 લાખ 50 હજાર એક્ટિવ જવાન, 53 લાખ રિઝર્વ સૈનિક – કુલ જવાન 5,750,000
યુક્રેન: 9 લાખ એક્ટિવ સૈનિક અને 41 લાખ રિઝર્વ જવાન – કુલ જવાન 5,000,000
ભારત: 14 લાખ એક્ટિવ સૈનિક અને 35 લાખ રિઝર્વ જવાન – કુલ જવાન 4,900,000
દક્ષિણ કોરિયા: 4 લાખ 50 હજાર એક્ટિવ જવાન, 35 લાખ રિઝર્વ જવાન – કુલ જવાન 3,650,000
રશિયા: 13 લાખ એક્ટિવ જવાન, 23 લાખ રિઝર્વ ફોર્સ – કુલ જવાન 3,600,000
ચીન: 20 લાખ એક્ટિવ અને 11 લાખ રિઝર્વ સૈનિક – કુલ જવાન 3,100,000
અમેરિકા: 13 લાખ એક્ટિવ અને 8 લાખ રિઝર્વ સૈનિક – કુલ જવાન 2,100,000
ઉત્તર કોરિયા: 13 લાખ એક્ટિવ અને આશરે સાડા 6 લાખ રિઝર્વ સૈનિક – કુલ જવાન 1,960,000
તાઇવાન: 2 લાખ 30 હજાર એક્ટિવ અને 17 લાખ રિઝર્વ સૈનિક – કુલ જવાન 1,930,000
સક્રિય સૈનિકોની સંખ્યાના મામલે પણ ઉત્તર કોરિયાનું સ્થાન ઘણું ઉપર છે જે સૈન્ય તૈયારીઓ પર તેના લાંબા સમયથી ચાલી રહેલા જોરને દર્શાવે છે. જોકે સૈન્ય માળખું અલગ-અલગ ક્ષેત્રોમાં ઘણું અલગ હોય છે. દક્ષિણ કોરિયા અને તાઇવાન ભૌગોલિક-રાજકીય તણાવ ખાસ કરીને પાડોશી દેશો સાથે ચાલી રહેલા તણાવને કારણે મોટી રિઝર્વ સેનાઓ રાખે છે. બીજી તરફ બ્રાઝિલ અને જર્મની જેવા દેશો પ્રમાણમાં સંતુલિત સેનાઓ રાખે છે, જેમાં સક્રિય સૈનિકોની સંખ્યા મધ્યમ હોય છે અને રિઝર્વ સેનાઓ ઘણી મોટી હોય છે. ઇઝરાયેલ પોતાની અત્યંત ગતિશીલ રિઝર્વ સિસ્ટમ માટે સૌથી અલગ છે જેને સંકટના સમયમાં ઝડપથી યુદ્ધના મેદાનમાં મોકલી શકાય છે.
