PF Interest Check: દરેક નોકરીપેશા વ્યક્તિના પગારનો એક ભાગ દર મહિને કર્મચારી ભવિષ્ય નિધિ એટલે કે EPF માં જમા થાય છે. તેના પર મળતું વ્યાજ તમારી બચતમાં વધારો કરે છે અને ભવિષ્ય માટે એક મજબૂત રિટાયરમેન્ટ ફંડ તૈયાર કરે છે. જો તમારા પગારમાંથી પણ PF કપાય છે, તો સવાલ ઊભો થાય છે કે PFનું વ્યાજ તમારા ખાતામાં આવ્યું છે કે નહીં? આ ચેક કરવા માટે તમને કચેરીઓના ચક્કર લગાવવાની જરૂર નથી. તમે તમારા ફોન પર જ ચેક કરી શકો છો કે તમારા PF ખાતામાં સરકારી વ્યાજ જમા થયું છે કે નહીં.
તમારા PF પર મળતા વ્યાજની ગણતરી ભલે દર મહિના ના બેલેન્સના આધારે કરવામાં આવે છે, પરંતુ આ રકમ તમારા PF ખાતામાં નાણાકીય વર્ષના અંતે એટલે કે વર્ષમાં માત્ર એક જ વખત ટ્રાન્સફર કરવામાં આવે છે.
આ જ કારણ છે કે સમયાંતરે PFના વ્યાજની એન્ટ્રી ચેક કરવી જરૂરી બની જાય છે, જેથી ખબર રહે કે કોઈ ટેક્નિકલ અથવા અન્ય સમસ્યાના કારણે તમારા ખાતામાં વ્યાજ આવવાનું બંધ તો નથી થયું.
Umang એપથી આ રીતે ચેક કરો PF નું વ્યાજ
તમે પ્લે સ્ટોર અથવા એપ સ્ટોર પરથી Umang એપને ડાઉનલોડ કરીને સરળતાથી ચેક કરી શકો છો કે તમારા PF પર મળતું સરકારી વ્યાજ ક્રેડિટ થયું છે કે નહીં.
તે માટે પહેલા એપને ઇન્સ્ટોલ કરી લો.
ત્યારબાદ EPFO સર્ચ કરો અને EPFO સર્વિસ પર જાઓ.
હવે View Passbook ના ઓપ્શનને પસંદ કરો.
હવે તમારો 12 અંકનો UAN દાખલ કરો અને મોબાઇલ પર આવેલ OTP નોંધો.
તમારી કંપની પસંદ કરો અને પાસબુકમાં Interest Credited ની એન્ટ્રી જુઓ.
મિસ કોલ આપીને ચેક કરો PFનું વ્યાજ
તમે તમારા ફોનની મદદથી માત્ર મિસ કોલ આપીને પણ PFના વ્યાજની એન્ટ્રી ચેક કરી શકો છો.
તે માટે તમારે 9966044425 પર કોલ કરવાની જરૂર પડશે. આ નંબરને સેવ કરી લો અને તેના પર કોલ કરો.
આ નંબર પર કોલ કર્યા પછી બે વખત 2 ઘંટી વાગશે અને કોલ આપમેળે કટ થઈ જશે.
ત્યારબાદ તમને તરત જ SMS આવશે, જેમાં તમારું કુલ PF બેલેન્સ લખેલું હશે. તેનાથી તમે અંદાજ લગાવી શકશો કે અગાઉના બેલેન્સમાં PFનું વ્યાજ ક્રેડિટ થયું છે કે નહીં.
SMS મોકલીને ચેક કરો PF નું વ્યાજ
તે માટે તમે તમારા રજિસ્ટર્ડ નંબર પરથી EPFOHO પછી UAN નંબર લખીને આ મેસેજને 7738299899 પર મોકલી દો.
રિપ્લાય SMSમાં તમને તમારું બેલેન્સ અને UAN ડિટેલ્સ મળી જશે.
અહીં ધ્યાનમાં રાખવાની વાત એ છે કે મિસ્ડ કોલ અને SMS સર્વિસ ત્યારે જ કામ કરશે જ્યારે તમારું UAN એક્ટિવેટ હશે અને KYC એટલે કે આધાર અને બેંક ખાતું લિંક હશે.
