Lava Virat V1 Pro 5G: Lavaએ સોમવારે ભારતમાં પોતાની નવી ‘Virat’ લાઇનઅપનો વિસ્તાર કરતાં Lava Virat V1 Pro 5G લોન્ચ કરી દીધો છે. આ ફોન Unisoc ચિપસેટ સાથે 6GB RAMથી સજ્જ કરવામાં આવ્યો છે. તેમાં 6,000mAhની બેટરી મળે છે, જે લાંબા સમય સુધી ચાલી શકે છે. આ ફોન 50 મેગાપિક્સલ પ્રાઇમરી કેમેરા અને 8 મેગાપિક્સલ ફ્રન્ટ કેમેરાથી સજ્જ કરવામાં આવ્યો છે. અહીં અમે તમને Lava Virat V1 Pro 5G ના ફીચર્સ અને સ્પેસિફિકેશન્સથી લઈને કિંમત વગેરે વિશે વિગતવાર જણાવી રહ્યા છીએ.
Lava Virat V1 Pro 5G Price
Lava Virat V1 Pro 5G ના 6GB/128GB સ્ટોરેજ વેરિઅન્ટની કિંમત ₹15,999 છે. કંપની લોન્ચ ઓફર હેઠળ ₹2,000નું ડિસ્કાઉન્ટ આપી રહી છે, જેના કારણે ફોનની અસરકારક કિંમત ₹13,999 થઈ જશે. આ ફોનનું વેચાણ 31 ઓગસ્ટે બપોરે 12 વાગ્યાથી ઈ-કોમર્સ સાઇટ ફ્લિપકાર્ટ પર શરૂ થશે. આ ફોન સિક્કિમ મિડનાઇટ અને સ્પિતિ ફ્રોસ્ટ કલરમાં ખરીદી શકાય છે.
Lava Virat V1 Pro 5G Features & Specifications
Lava Virat V1 Pro 5G માં 6.75 ઇંચની HD+ LCD ડિસ્પ્લે આપવામાં આવી છે, જેનું રિઝોલ્યુશન 720×1600 પિક્સેલ, 120Hz રિફ્રેશ રેટ અને 260 ppi પિક્સેલ ડેન્સિટી છે. આ સ્માર્ટફોનમાં ઓક્ટા કોર Unisoc T8200 ચિપસેટ આપવામાં આવ્યો છે. તેમાં 6GB RAM અને 128GB ઇનબિલ્ટ સ્ટોરેજ આપવામાં આવી છે. Virat V1 Pro 5Gમાં 6,000mAhની બેટરી મળે છે. કનેક્ટિવિટી વિકલ્પોમાં 5G, 4G LTE, વાઇ-ફાઇ 5, બ્લૂટૂથ 5.4, USB Type-C પોર્ટ અને GPS સામેલ છે. આ સ્માર્ટફોન ઓપરેટિંગ સિસ્ટમની બાબતમાં Android 16 પર કામ કરે છે.
કેમેરા સેટઅપની વાત કરીએ તો Virat V1 Pro 5Gના રિયરમાં 50 મેગાપિક્સલનો AI કેમેરા અને બીજો કેમેરા આપવામાં આવ્યો છે. જ્યારે સેલ્ફી અને વીડિયો કોલિંગ માટે 8 મેગાપિક્સલનો ફ્રન્ટ કેમેરા મળે છે. આ ફોન ધૂળ અને પાણીના છાંટાથી બચાવ માટે IP64 રેટિંગથી સજ્જ કરવામાં આવ્યો છે. આ ફોનમાં સુરક્ષા માટે સાઇડ માઉન્ટેડ ફિંગરપ્રિન્ટ સેન્સરની સાથે એક્સેલેરોમીટર, જાયરોસ્કોપ, જિયોમેગ્નેટિક સેન્સર, પ્રોક્સિમિટી સેન્સર અને એમ્બિયન્ટ લાઇટ સેન્સર સામેલ છે. ડાઇમેન્શનની બાબતમાં આ ફોનની લંબાઈ 168.29 મિમી, પહોળાઈ 77.64 મિમી, જાડાઈ 8.68 મિમી અને વજન 207 ગ્રામ છે.
