Home Humanoid Robot: ચીની રોબોટિક્સ કંપની UniX AI એ એક આર્ટિફિશિયલ ઇન્ટેલિજન્સ (AI) પાવર્ડ હોમ રોબોટ રજૂ કર્યો છે. રોબોટને ઘરના રોજિંદા કામ કરવા માટે ડિઝાઇન કરવામાં આવ્યો છે. રોબોટ ઘરમાં હાજર લોકોને જગાડી શકે છે, તેમના માટે જમવાનું બનાવી શકે છે, રૂમની સફાઈ કરી શકે છે અને વિખરાયેલા ઘરને વ્યવસ્થિત પણ કરી શકે છે. આ હોમ રોબોટ UniX AI ની પેન્થર સિરીઝનો ભાગ છે, જે લગભગ 5 ફૂટ 3 ઇંચ લાંબો છે અને તેનું વજન લગભગ 176 પાઉન્ડ છે.
સિંગલ ચાર્જમાં 16 કલાક સુધી ચાલી શકે છે રોબોટ
ચીનની કંપની દ્વારા બનાવવામાં આવેલો હોમ રોબોટ એકવાર ફૂલ ચાર્જ કરવા પર લગભગ 8 થી 16 કલાક સુધી ચાલી શકે છે. તેને પૈડાંવાળા બેઝ પર બનાવવામાં આવ્યો છે જેથી તે ઘરો, એપાર્ટમેન્ટ્સ અને સર્વિસ વાળી જગ્યાઓ પર સરળતાથી ફરી શકે અને અનેક પ્રકારના કામ કરવામાં મદદ કરી શકે.
ઘરોમાં કરવામાં આવી રહી છે ટેસ્ટિંગ
આ સિસ્ટમનું ટેસ્ટિંગ અત્યારે અસલી ઘરો અને સર્વિસ વાળી જગ્યાઓ પર કરવામાં આવી રહ્યું છે. આનાથી લાગે છે કે કંપનીનું ફોકસ હવે એવા ઘરેલું સર્વિસ રોબોટ્સ તરફ વધુ છે, જે ‘એમ્બોડીડ AI’ સિસ્ટમ પર આધારિત હોય. આ સિસ્ટમ આર્ટિફિશિયલ ઇન્ટેલિજન્સને એવી મશીનો સાથે જોડે છે, જે અસલી દુનિયામાં કામ કરી શકે.
આ ડિઝાઇન છે વધુ ઉપયોગી
બે પગવાળા હ્યુમનોઇડ રોબોટ્સની સરખામણીમાં પૈડાંવાળી આ ડિઝાઇન વધુ સ્થિર છે અને એનર્જી બચાવવામાં મદદ કરે છે. તેથી, તે ઘરની અંદરના માહોલ માટે વધુ ઉપયોગી છે, કારણ કે અહીં લાંબા સમય સુધી કામ કરવું અને ભરોસાપાત્ર રીતે હરવું-ફરવું જરૂરી હોય છે.
આ રોબોટમાં એક ‘પરસેપ્શન સિસ્ટમ’ આપવામાં આવી છે. જેમાં બે RGB અને RGB-D કેમેરા, જરૂરિયાત મુજબ 3D LiDAR અને અવાજ દ્વારા વાતચીત કરવા માટે છ માઇક્રોફોન વાળી એક ગોળાકાર સિસ્ટમ સામેલ છે. તેમાં કેમેરા, સેન્સર અને ઓડિયો ઇનપુટ સિસ્ટમ પણ લાગેલા છે, જેની મદદથી તે વસ્તુઓને ઓળખી શકે છે, ઘરની અંદરના રસ્તાઓ પર ચાલી શકે છે અને લોકો સાથે વાતચીત કરી શકે છે.
