BRICS Summit 2026: વિદ્યાર્થીઓ માટે શિક્ષણ, રિસર્ચ, સ્કિલ્સ અને રોજગારને લઈને 6 મોટા નિર્ણયો
BRICS Education 2026 : ભારતની યજમાનીમાં ‘ભારત મંડપમ’ ખાતે ચાલી રહેલી 18મી બ્રિક્સ શિખર બેઠક (BRICS Summit) 2026માં દેશને મોટી કૂટનીતિક સફળતા મળી છે. તમામ સભ્ય દેશોએ સર્વસંમતિથી 45 પાનાં અને 140 પૉઇન્ટ ધરાવતા ‘નવી દિલ્હી ઘોષણાપત્ર’ને મંજૂરી આપી દીધી છે. આ ઘોષણાપત્રમાં વિદ્યાર્થીઓના વધુ સારા ભવિષ્યને ધ્યાનમાં રાખીને લેવામાં આવેલા નિર્ણયો પણ સામેલ છે.
નવી દિલ્હી BRICS Summit 2026માં જાહેર કરવામાં આવેલા નવી દિલ્હી ઘોષણાપત્રમાં વિદ્યાર્થીઓ, યુવાનો અને સંશોધકો માટે નવી શિક્ષણ અને રોજગાર સાથે જોડાયેલી ઘણી મહત્વપૂર્ણ જાહેરાતો અને પહેલ કરવામાં આવી છે. તેમાં નવી યુનિવર્સિટી રૅન્કિંગ અને મૂલ્યાંકન સિસ્ટમ તૈયાર કરવા તેમજ આર્ટિફિશિયલ ઇન્ટેલિજન્સ (AI), રિસર્ચ, સ્કિલ્સ અને વિદ્યાર્થીઓની અવરજવર (student mobility) પર વધુ સહયોગની માંગ કરવામાં આવી છે.
BRICS Key Points for Students: વિદ્યાર્થીઓ માટે 6 મોટી બાબતો
1. યુનિવર્સિટીઓની નવી રૅન્કિંગ સિસ્ટમ
હાલમાં વિશ્વની મોટાભાગની ટૉપ યુનિવર્સિટીઓની રૅન્કિંગ પશ્ચિમી દેશો નક્કી કરતા આવ્યા છે. હવે બ્રિક્સના સભ્ય દેશો મળીને પોતાની નવી રૅન્કિંગ અને અસેસમેન્ટ સિસ્ટમ લાવશે.
આ નિર્ણય ભારતીય સંસ્થાઓ અને વિદ્યાર્થીઓ માટે મોટી ઉપલબ્ધિ સાબિત થઈ શકે છે, કારણ કે તેનાથી આપણા દેશની યુનિવર્સિટીઓ અને તેમની વિશેષતાઓને વર્લ્ડ લેવલ પર નવી ઓળખ મળી શકશે. રૅન્કિંગ સિસ્ટમ વિકસાવવા માટે સપ્ટેમ્બર અને ડિસેમ્બર 2026ની વચ્ચે એક ખાસ વર્કશૉપનું આયોજન કરવામાં આવશે.
2. ક્લાસમાં AIની એન્ટ્રી
નવી દિલ્હી ઘોષણાપત્રમાં AI ડિજિટલ સાક્ષરતા પર ફોકસ કરવામાં આવ્યો છે. ઘોષણાપત્રમાં બ્રિક્સ દેશોને શિક્ષણમાં AI જેવી નવી ટેક્નોલૉજીના સુરક્ષિત, નૈતિક અને માનવ-કેન્દ્રિત ઉપયોગ અંગે શ્રેષ્ઠ રીતો (best practices) શેર કરવા માટે કહેવામાં આવ્યું છે. અભ્યાસમાં હવે આર્ટિફિશિયલ ઇન્ટેલિજન્સ (AI) અને નવી ટેક્નોલૉજીના ઉપયોગને વધારવામાં આવશે.
આમાં પ્રારંભિક બાળપણની સંભાળ અને શિક્ષણ, મૂળભૂત સાક્ષરતા અને સંખ્યા-જ્ઞાન (foundational literacy and numeracy), ડિજિટલ સાક્ષરતા, ક્વૉલિફિકેશન્સની પરસ્પર માન્યતા અને એકેડેમિક તથા પ્રોફેશનલ મોબિલિટીમાં સહયોગ પર પણ ભાર મૂકવામાં આવ્યો છે.
3. વિદેશમાં સરળ અભ્યાસ અને ડિગ્રીઓની માન્યતા (STEM)
બ્રિક્સ દેશોએ પરંપરાગત અને સ્વદેશી નૉલેજ સિસ્ટમની આસપાસ એકેડેમિક સહયોગને મજબૂત કરવાની ભારતની પહેલનું પણ સ્વાગત કર્યું છે. બ્રિક્સ નેટવર્ક યુનિવર્સિટીને તેને એક વધારાના ‘ઇન્ટરનેશનલ થીમેટિક ગ્રુપ’ તરીકે વિચારવા માટે પ્રોત્સાહિત કરવામાં આવી છે, જો તે તેના ગવર્નન્સ ફ્રેમવર્ક અને સભ્ય દેશોના કાયદા તથા નીતિઓને અનુરૂપ હોય.
જો તમે STEM (સાઇન્સ, ટેક્નોલૉજી, એન્જિનિયરિંગ અને મેથ્સ)ના સ્ટુડન્ટ છો, તો તમારા માટે અન્ય બ્રિક્સ દેશોમાં જઈને અભ્યાસ કરવો (એક્સચેન્જ પ્રોગ્રામ) અને સ્કૉલરશિપ મેળવવી સરળ બનશે. આ ઉપરાંત, એકબીજા દેશની ડિગ્રીઓ અને લાયકાતોને માન્યતા આપવામાં આવશે, જેથી વિદેશમાં અભ્યાસ અથવા નોકરીનો માર્ગ સરળ બની શકે.
4. રિસર્ચ અને સ્ટાર્ટઅપ માટે સપોર્ટ
- BRICS BSSR: બ્રિક્સ Science and Research Repository (BSSR) એક નવું પ્લેટફૉર્મ બની રહ્યું છે, જે સભ્ય દેશોના વૈજ્ઞાનિકો, સંશોધકો અને વિદ્યાર્થીઓને પોતાના રિસર્ચ, ડેટાસેટ અને લૅબ્સનો લાભ એકબીજા સાથે શેર કરવા માટેનું મંચ આપશે. આ ગ્રુપ એક કૉમન રિસર્ચ રિપોઝિટરી અને યુવાનો દ્વારા સંચાલિત સ્ટાર્ટઅપ્સને સપોર્ટ કરવા માટે એક પ્લેટફૉર્મ બનાવવાની પણ યોજના બનાવી રહ્યું છે, જેનાથી શિક્ષણ, ઇનોવેશન અને વર્કફોર્સ ડેવલપમેન્ટમાં સહયોગ વધશે.
- BYSP: જો તમારી પાસે બિઝનેસનો કોઈ આઇડિયા છે, તો BRICS Youth Startup Platform (BYSP) તમારી મદદ કરશે. તે બ્રિક્સ સ્ટાર્ટઅપ ઇનોવેશન ફંડ દ્વારા શરૂઆતના તબક્કા અને ગ્રોથ સ્ટેજ ધરાવતા યુવા એન્ટ્રપ્રેન્યોર્સના પ્રોજેક્ટ્સને ફંડ પણ આપશે.
- BRICS GRAIN: 2026–2030નો એક્શન પ્લાન, BRICS ગ્લોબલ રિસર્ચ એડવાન્સ્ડ ઇન્ફ્રાસ્ટ્રક્ચર નેટવર્ક (BRICS GRAIN) દ્વારા મોટા પાયે રિસર્ચ ઇન્ફ્રાસ્ટ્રક્ચર અને મેગા-સાયન્સ પ્રોજેક્ટ્સ પર સહયોગને વધુ મજબૂત કરશે.
5. સ્કિલ્સ અને નોકરીઓ
લીડર્સે BRICS ટેક્નિકલ એન્ડ વોકેશનલ એજ્યુકેશન એન્ડ ટ્રેનિંગ કૉઓપરેશન અલાયન્સ માટે પોતાનું સમર્થન પુનઃવ્યક્ત કર્યું અને વધુ સારી સ્કિલ-ડેવલપમેન્ટ સિસ્ટમ, ડિજિટલ સાક્ષરતા અને વર્કફોર્સની તૈયારી પર ભાર મૂક્યો. વોકેશનલ અને ટેક્નિકલ એજ્યુકેશનને સીધી મોટી ઇન્ડસ્ટ્રીઝની જરૂરિયાતો સાથે જોડવામાં આવશે, જેથી સ્ટુડન્ટ્સ જે શીખે, માર્કેટમાં તે જ સ્કિલ્સની માંગ હોય અને અભ્યાસ પૂર્ણ થતાં જ કામ મળી શકે. તેમણે TVET સંસ્થાઓ અને ઇન્ડસ્ટ્રી વચ્ચે વધુ સારા તાલમેલ પર પણ ભાર મૂક્યો.
6. BRICS એજ્યુકેશન ઑલિમ્પિયાડ
શિક્ષણ એજન્ડામાં BRICS એજ્યુકેશન ઑલિમ્પિયાડ પર સતત ચર્ચાની સાથે સભ્ય દેશો વચ્ચે એકેડેમિક અને વૈજ્ઞાનિક આદાન-પ્રદાન પણ સામેલ હશે. સ્ટુડન્ટ્સ વચ્ચે સ્પર્ધા અને એકેડેમિક એક્સચેન્જ એક્સપોઝર માટે બ્રિક્સ એજ્યુકેશન ઑલિમ્પિયાડ હાલમાં શરૂઆતના તબક્કામાં છે.
બ્રિક્સ દેશો વચ્ચે વિદ્યાર્થીઓ અને યુવાનોને ધ્યાનમાં રાખીને લેવામાં આવેલા આ નિર્ણયો BRICSના વ્યાપક પ્રયાસોને દર્શાવે છે, સાથે જ શિક્ષણ અને સ્કિલ સિસ્ટમને ભવિષ્યની વર્કફોર્સની જરૂરિયાતો અનુસાર વધુ સારી બનાવે છે.
