સુરતના પરવત ગામ વિસ્તારમાં આવેલી એક બહુમાળી બિલ્ડીંગમાં લાગેલી આગ, ફાયર બ્રિગેડ દ્વારા કાબૂમાં લેવામાં આવી હતી.
સુરતના પરવત ગામ વિસ્તારમાં આવેલા મિડાસ સ્ક્વેર કોમ્પ્લેક્સના ત્રીજા માળે ચાલતી ઓયો હોટલમાં આજે સાંજે ભીષણ આગ ફાટી નીકળી હતી. આગની માહિતી મળતાની સાથે જ ફાયર બ્રિગેડની ચાર ગાડીઓ ઘટનાસ્થળે પહોંચી હતી અને ઓક્સિજન માસ્ક અને અન્ય સાધનોનો ઉપયોગ કરીને આગ પર કાબૂ મેળવ્યો હતો.
પ્રાથમિક માહિતી અનુસાર આગ સ્ટોરેજ રૂમમાં લગાવેલા એસી ડક્ટમાંથી લાગી હતી. જેના કારણે સ્ટોરેજ રૂમમાં રાખેલ પીઓપી, ગાદલું, બેડશીટ અને એસી વાયરિંગ સળગવા લાગ્યું હતું. આગ ઝડપથી બિલ્ડિંગની ઊંચાઈએ પહોંચી ગઈ, જેના કારણે આખી હોટેલ અને બિલ્ડિંગ આગની જ્વાળાઓમાં લપેટાઈ ગઈ હતી. આસપાસના લોકોમાં અંધાધૂંધી ફેલાઈ ગઈ હતી.
ઘટનાની જાણ થતાં જ ફાયર બ્રિગેડની ટીમ ઘટનાસ્થળે પહોંચી હતી અને તાત્કાલિક કાર્યવાહી કરી આગને કાબૂમાં લીધી હતી. આ અકસ્માતમાં હોટલમાં હાજર બે મહેમાનો અને એક સ્ટાફ મેમ્બરનો આબાદ બચાવ થયો હતો. સદનસીબે આ અકસ્માતમાં કોઈને ઈજા કે જાનહાની થઈ નથી.
જો કે આગ લાગવાનું કારણ હજુ સુધી જાણી શકાયું નથી. ફાયર વિભાગ દ્વારા આગના કારણની તપાસ કરવામાં આવી રહી છે
