Tears While Cutting Onion: કાંદા કાપવાથી રડવું કેમ આવે છે: જાણો આંખમાંથી પાણી નિકળવાનું રહસ્યવિજ્ઞાન

ચપ્પુ ધારદાર હોવું જરૂરી

એક રિસર્ચ પરથી જાણવા મળ્યું છે કે ચપ્પુ જેટલું ધારદાર હોય એટલું ઓછું સ્પ્રે થાય છે. એટલે કે કાંદાને કઈ રીતે કાપવામાં આવે એનાથી આંખમાં કેટલું પાણી આવશે એ નક્કી થાય છે. આ માટે ચપ્પુ ધારદાર હોવું ખૂબ જ જરૂરી છે. કાંદા કાપવા માટેની એક અદ્ભુત રીત છે. રિસર્ચ દ્વારા જાણવા મળ્યું છે કે કાંદાને કાપવા માટે ધારદાર ચપ્પુનો ઉપયોગ કરવામાં આવે અને એને ધીમે-ધીમે કાપવામાં આવે તો એમાંથી જે બિંદુ હવામાં સ્પ્રે થાય છે એ ખૂબ જ ઓછા થઈ જશે. આથી જેટલું ઓછું બિંદુ એટલું ઓછું પાણી. જૂના ચપ્પુથી કાંદા કાપવામાં વાર લાગે છે અને એટલું પાણી વધુ નીકળે છે અને એટલાં બિંદુ મોટા બને છે. આથી ચપ્પુ ધારદાર હશે તો આંખમાં એટલી અસર નહીં થાય. કાંદાને જેટલું ઝડપથી કાપવામાં આવશે એટલા જ બિંદુ ઝડપથી સ્પ્રે થશે અને એનાથી વધુ પાણી આંખમાં આવશે. આથી કાંદા કાપવામાં ફિઝિક્સ પણ રહેલું છે.

કાંદાનું પણ પોતાનું હોય છે કવચ

કાંદા પર રિસર્ચ કરવામાં આવ્યું ત્યારે જાણવા મળ્યું કે કાંદાનું પોતાનું એક કવચ હોય છે. કાંદાનું બહારનું પડ એકદમ સખત હોય છે અને અંદરના નરમ હોય છે. આથી જ્યારે કાંદા કપાઈ જાય ત્યારે અંદરના બિંદુઓને એકદમ બહાર આવતાં ઉપરનું પડ અટકાવે છે. જોકે કાંદો જ્યારે સાઇડ પર પડી જાય ત્યારે એ બિંદુ બહાર સરળતાથી નીકળી જાય છે. આથી જ એક્સપર્ટ જ્યારે કાંદા કાપતા હોય ત્યારે તેમનો કાંદો જે રીતે કાપવા મુક્યો હોય ત્યારે હોય એ જ રીતે દેખાય છે. હાથ છોડતા દરેક સ્લાઇસ નીચે પડે છે.