Gujarat journalist kidnapped: રાજ્યમાં પત્રકારો સામે તોડપાણી અને ખંડણી જેવી ઘટનાઓને લઇને હલચલ ચાલી રહી છે. આ દ્રશ્ય ગાંધીનગર જિલ્લામાં પણ જોવા મળ્યું છે, જ્યાં બુલેટીન ઈન્ડિયાના પત્રકાર સુનિલ બ્રહ્મભટ્ટનું અપહરણ થયું છે.
સુનિલ અને તેમના કેમેરામેન રમેશ રાવત બુધવારે સાંજે ખોરજ શાલીગ્રામ લેક વ્યુ ખાતેના નીરો ઈન્ટરનેશનલ સ્પા ગયા હતા. થોડીક મિનિટોની મુલાકાત બાદ સુનિલને એક જૂથે પકડી લીધો અને રમેશનો કેમેરો છીનવી લીધો. રમેશ ભયને કારણે સ્થળ પરથી બચી ગયા અને ઓફિસને માહિતી આપી. સુનિલને બાદમાં ગાંધીનગર સિવિલ હોસ્પિટલમાં દાખલ કરવામાં આવ્યો.
જાણીતા પત્રકારો સામે ગુજસીટૉક
ગુજરાતમાં પણ કેટલાક પત્રકારો ઉપર કાળા ધંધા જેવા આરોપો છે. ઓઝેફ તિરમિઝી અને આબેદા પઠાણ જેવા પત્રકારો મીડિયા નામે ખંડણી ઉઘરાવવાની ટોળકીઓ સાથે જોડાયેલા હોવાનું જાહેર થયું છે. ઓઝેફ હાલ જેલમાં છે, જ્યારે આબેદા અને તેના પતિ ફરાર છે. આ મામલો હવે શાહપુરની સ્પેશિયલ કોર્ટે ટ્રાન્સફર કરી દેવામાં આવ્યો છે.
મહેશ લાંગા અને કેતન પટેલ જેવા પત્રકારો સામે પૂર્વમાં GST સ્કેમ, લાંચ અને દસ્તાવેજ ચોરીના કેસ નોંધાયેલા છે. Ahmedabad સહિત રાજ્યના અનેક વિસ્તારોમાં પત્રકારોની ભ્રષ્ટ પ્રવૃત્તિઓ સામે કાયદાકીય કાર્યવાહી થઈ રહી છે.