મોરબી જિલ્લાની નંબર પ્લેટ અંગેની માહિતી બાદ પોલીસ સતર્ક
અમદાવાદ, 11 મે. પેલેસ્ટાઈનના ધ્વજ સાથે રસ્તાઓ પર ફરતા ત્રણથી ચાર બાઈકર્સનો વીડિયો વાયરલ થયા બાદ ગુજરાત પોલીસ સતર્ક થઈ ગઈ છે. તમામ યુવાનો પોતપોતાની બાઇક પર પેલેસ્ટાઈનનો ધ્વજ લઈને ક્યાંક જઈ રહ્યા હતા. વીડિયો વાયરલ થયા બાદ પોલીસે તપાસ શરૂ કરી છે. બાઇકનો નંબર મોરબી જિલ્લાનો હોવાનું કહેવાય છે.
ગ્રામીણ માર્ગ પરથી પેલેસ્ટાઈનનો ધ્વજ લઈને ફરતા ત્રણથી ચાર બાઇકસવારોનો વીડિયો વાયરલ થયો છે. આ બાઇક પર ગુજરાતના મોરબી જિલ્લાનો નંબર છે. પોલીસનું માનવું છે કે આ વીડિયો કચ્છના માર્ગ પર ક્યાંક બનાવવામાં આવ્યો છે. હાલ યુવકની ઓળખ થઈ શકી નથી. ત્રણથી ચાર અલગ-અલગ વિડીયોમાં પેલેસ્ટાઈનનો ધ્વજ ફરકાવનાર યુવાનોના બાઇક નંબરો મોરબી જીલ્લાની સીરીઝમાંથી દેખાય છે.
