Riniki Bhuyan Passport Controversy: આસામના મુખ્યમંત્રી હિમંતા બિસ્વ સરમાના પત્ની રિનિકી ભુયાંના પાસપોર્ટને લઈને વિવાદ જોર પકડી રહ્યો છે. બીજી તરફ ભારતીય જનતા પાર્ટી (ભાજપ) આરોપોને લઈને કોંગ્રેસ પર પ્રહાર કરી રહી છે. ભાજપે કહ્યું છે કે કોંગ્રેસ પાકિસ્તાન તરફથી મોકલવામાં આવી રહેલી સામગ્રીના આધારે આસામના સીએમના પત્નીને નિશાન બનાવી રહી છે. આ INC એટલે કે ઇસ્લામાબાદ કોંગ્રેસ પાર્ટી છે.
ઇસ્લામાબાદ નેશનલ કોંગ્રેસ: પૂનાવાલા
ભાજપના પ્રવક્તા શહઝાદ પૂનાવાલાએ X પર કેટલાક ફોટા શેર કરતા કહ્યું કે, “સમજો કે કોંગ્રેસે પાકિસ્તાનથી મળેલી સામગ્રીનો ઉપયોગ કરીને હિમંતાના પત્ની વિરુદ્ધ કેવા પ્રકારનું કામ કર્યું છે. આ તો ‘ઇસ્લામાબાદ નેશનલ કોંગ્રેસ’ છે! જુઓ કઈ રીતે જાળસાજી, મોર્ફિંગ અને હેરાફેરી કરવામાં આવી.”
Understand the hit job of Congress against @himantabiswa ji using material supplied by Pakistan
It’s Islamabad National Congress!
See how forgery and morphing and manipulation was done pic.twitter.com/irrAtja134
— Shehzad Jai Hind (Chowkidar as per INC ecosystem) (@Shehzad_Ind) April 6, 2026
કોંગ્રેસના એ આરોપો જેના પર ભાજપ ભડકી
કોંગ્રેસ નેતા પવન ખેડાએ સરમાના પરિવાર પર અનેક આરોપો લગાવ્યા હતા. તેમણે દાવો કર્યો હતો કે સરમાના પત્ની પાસે UAE, એન્ટિગુઆ અને ઇજિપ્તના પાસપોર્ટ છે અને દુબઈમાં મિલકતો સહિતની વિદેશી મિલકતો જાહેર કરવામાં આવી નથી. ખેડાએ એવો પણ આરોપ લગાવ્યો કે અમેરિકાના વ્યોમિંગમાં નોંધાયેલી એક કંપની સરમા સાથે જોડાયેલી છે અને તેમાં હજારો કરોડ ડોલરના વ્યવહારો સામેલ છે. તેમણે આ બાબતને મિલકતો છુપાવવાનો મામલો ગણાવીને ગૃહ મંત્રાલય પાસે SIT તપાસની માંગ કરી છે.
1. We want to know whether the Chief Minister, whose entire politics is based on hatred against Muslims, has a wife who holds passports from two Muslim countries.
2. According to Indian law, you cannot hold dual citizenship. We want to know whether Riniki Bhuyan… pic.twitter.com/8gOvuruFYg
— Assam Congress (@INCAssam) April 5, 2026
હિમંતા બિસ્વા સરમાએ કોંગ્રેસના આરોપો ફગાવ્યા
બીજી તરફ આસામના મુખ્યમંત્રી હિમંતા બિસ્વા સરમાએ પવન ખેડા દ્વારા લગાવવામાં આવેલા આરોપોને ફગાવી દીધા છે. તેમણે કહ્યું કે તેમના પરિવાર વિરુદ્ધ જે દસ્તાવેજો જાહેર કરવામાં આવ્યા છે તે નકલી છે અને દુર્ભાવનાપૂર્ણ પ્રચાર અભિયાનનો હિસ્સો છે. હિમંતા બિસ્વા સરમાએ જણાવ્યું કે જાહેરમાં શેર કરવામાં આવી રહેલા દસ્તાવેજોમાં વિસંગતતાઓ સ્પષ્ટ છે. તેમાં ડિજિટલ છેડછાડ કરવામાં આવી છે. તેમણે કહ્યું કે દસ્તાવેજોમાં અટક ‘સરમા’ લખવામાં આવી છે, જ્યારે સત્તાવાર રીતે “શર્મા” હોય છે, જેનાથી તેમની પ્રમાણિકતા પર સવાલો ઊભા થાય છે.
તેમણે એ પણ જણાવ્યું કે ઉપયોગમાં લેવાયેલો ફોટો કોઈ બાયોમેટ્રિક કેપ્ચરને બદલે જાહેરમાં ઉપલબ્ધ ફોટો હોય તેવું લાગે છે. મુખ્યમંત્રીએ UAE સાથે જોડાયેલી કથિત ઓળખ વિગતોમાં પણ ગરબડ તરફ ઈશારો કર્યો, જેમાં આઈડી સીક્વન્સ જન્મ વર્ષના પેટર્ન સાથે મેળ ખાતી નથી. આ ઉપરાંત રાષ્ટ્રીયતામાં પણ અસંગતતા બતાવવામાં આવી, જ્યાં દસ્તાવેજમાં ઇજિપ્ત લખ્યું છે, જ્યારે મશીન-રીડેબલ ઝોનમાં દેશનો કોડ અલગ દેખાય છે.
