TVS Apache 7 Million Sales: TVS મોટર કંપનીએ પોતાના પ્રીમિયમ બ્રાન્ડ ટીવીએસ અપાચે સાથે 7 મિલિયન ગ્લોબલ કસ્ટમરનો એક ઐતિહાસિક માઈલસ્ટોન હાંસલ કરીને દુનિયાને બતાવી દીધું છે કે તે પ્રીમિયમ સ્પોર્ટ્સ સેગમેન્ટમાં દુનિયાભરમાં ભારતનું નામ રોશન કરી રહી છે. વર્ષ 2005 માં પોતાની શરૂઆત પછીથી અપાચેએ ટ્રેક ટુ રોડ (Track to Road) ફિલોસોફીના માધ્યમથી રેસિંગની દુનિયાની ટેકનિકને સામાન્ય સવાર માટે સુલભ બનાવી છે. ટીવીએસએ 70 લાખમી યુનિટને કસ્ટમરને પણ ડિલીવર કરી છે.
‘તું રેસ લગા’ કેમ્પેન ફિલ્મ લોન્ચ
ટીવીએસ અપાચે બાઈક્સની દુનિયાભરમાં 70 લાખ યુનિટ વેચાણનો જશ્ન મનાવવા માટે ટીવીએસએ નેશનલ એવોર્ડ વિનિંગ ફિલ્મ મેકર રામ માધવાની દ્વારા નિર્દેશિત ‘તું રેસ લગા’ કેમ્પેન ફિલ્મ લોન્ચ કરી છે. 90 દેશોમાં ફેલાયેલી 7 મિલિયનની આ કોમ્યુનિટી માત્ર પરફોર્મન્સ જ નહીં, પરંતુ રોમાંચ અને ઈનોવેશન પ્રત્યે પોતાના પ્રેમને પણ દર્શાવે છે. આ માઈલસ્ટોન ટીવીએસના રેસ-ઈન્સ્પાયર્ડ એન્જિનિયરિંગ, અત્યાધુનિક ફીચર્સ અને ગ્રાહકો પ્રત્યે કમિટમેન્ટનો પુરાવો છે, જે ભવિષ્યની મોટરસાઈકલિંગને નવી દિશા આપી રહ્યું છે.
View this post on Instagram
રેસિંગ ડીએનએ અને સચોટ એન્જિનિયરિંગ
4 દાયકાથી વધારેની રેસિંગ વિરાસત સાથે ટીવીએસ અપાચે બ્રાન્ડે હંમેશા રેસિંગ ડીએનએ અને ટેકનોલોજીની સાથે જ સચોટ એન્જિનિયરિંગનું મિશ્રણ પેશ કર્યું છે, જે દરેક સવારીમાં એક બેહતરીન પરફોર્મન્સ એક્સપિરિયન્સ આપે છે. મોટરસાઈકલ્સ સિવાય ટીવીએસ અપાચેએ ભારતમાં સૌથી ઉત્સાહી રાઈડિંગ કોમ્યુનિટીમાંની એકનું નિર્માણ કર્યું છે. આ સમુદાયના 5 લાખથી વધારે રજિસ્ટર્ડ મેમ્બર છે, જે પરફોર્મન્સ, રોમાંચ અને પરસ્પર ભાઈચારા પ્રત્યે પોતાના પ્રેમથી જોડાયેલા છે. ક્યુરેટેડ રાઈડ્સ અને ટ્રેક એક્સપિરિયન્સના માધ્યમથી બ્રાન્ડ પોતાના ગ્રાહકો સાથે એક એવો સંબંધ બનાવે છે, જે માત્ર ગાડી ખરીદવા સુધી સીમિત રહેતો નથી.
ઘણા બધા નવા ફીચર્સ કર્યા ઈન્ટ્રોડ્યુસ
તમને જણાવી દઈએ કે આટલા વર્ષોમાં ટીવીએસ અપાચેએ સતત સેગમેન્ટ-ફર્સ્ટ ઈનોવેશન પેશ કર્યા છે. જેમાં રોટો-પેટલ ડિસ્ક બ્રેક, ફ્યુઅલ ઈન્જેક્શન, ડ્યુઅલ-ચેનલ એબીએસ (ABS), મલ્ટીપલ રાઈડ મોડ્સ, ટીવીએસ સ્માર્ટએક્સઓનેક્ટ (SmartXonnect™), ગ્લાઈડ થ્રૂ ટેકનોલોજી, અને બિલ્ટ-ટુ-ઓર્ડર પ્લેટફોર્મના માધ્યમથી ફેક્ટરી કસ્ટમાઈઝેશન જેવી આધુનિક સુવિધાઓ સામેલ છે. આ ઉપરાંત ટ્રેક્શન કંટ્રોલ અને ડાયનેમિક સ્ટેબિલિટી સિસ્ટમ જેવા એડવાન્સ ફીચર્સે તેને દુનિયાના સૌથી તેજીથી વધતા પરફોર્મન્સ મોટરસાઈકલ બ્રાન્ડ્સમાંનો એક બનાવી દીધો છે.
અલગ-અલગ સેગમેન્ટની અપાચે બાઈક્સ
ટીવીએસ મોટર કંપનીના અપાચે બ્રાન્ડની આ ઉપલબ્ધિ પર કંપનીમાં પ્રીમિયમ મોટરસાઈકલના બિઝનેસ હેડ વિમલ સુમ્બલીએ કહ્યું કે તું રેસ લગા કેમ્પેન તે તમામ રાઈડર્સ માટે છે, જે પોતાની સીમાઓને આગળ વધારે છે અને રેસિંગની ભાવનાને પોતાની ડેઈલી લાઈફમાં અપનાવે છે. વર્તમાન સમયમાં ટીવીએસ અપાચે રેન્જ સ્ટ્રીટ/નેકેડ, સુપરસ્પોર્ડ અને એડવેન્ચર રેલી ટૂરર જેવા અલગ-અલગ સેગમેન્ટમાં ફેલાયેલી છે, જેમાં 160 સીસીથી લઈને 310 સીસી સુધીની એન્જિન ક્ષમતા વાળી મોટરસાઈકલ ઉપલબ્ધ છે. જેમાં આરટીઆર (RTR) 160, આરટીઆર (RTR) 170 4વી, આરટીઆર (RTR) 180, આરટીઆર (RTR) 200 4વી, આરટીઆર (RTR) 310, આરઆર (RR) 310 અને આરટીએક્સ (RTX) જેવી બાઈક્સ છે.
