Global trade growth 2025: વિશ્વ વેપાર સંગઠન (ડબલ્યુટીઓ) એ ૨૦૨૫માં વિશ્વ વેપારમાં વૃદ્ધિ માટેનો તેનો અંદાજ ઓગસ્ટની ૦.૯% આગાહીથી બદલીને ૨.૪% કર્યો છે, જેમાં પ્રથમ છ મહિનામાં અપેક્ષા કરતાં વધુ સારા પ્રદર્શનનો ઉલ્લેખ કરવામાં આવ્યો હતો.
નિકાસ અને આયાતની સરેરાશ દ્વારા માપવામાં આવતા વર્ષના પ્રથમ છ મહિનામાં વૈશ્વિક માલ વેપાર વૃદ્ધિ ૪.૯% પર રહી હતી. ૨૦૨૪માં ૨%નો વધારો થયા બાદ ૨૦૨૫ના પ્રથમ છ મહિનામાં વર્તમાન યુએસ ડોલરના સંદર્ભમાં વિશ્વ વેપારનું મૂલ્ય વાર્ષિક ધોરણે ૬% વધ્યું હતું.
એપ્રિલમાં, વિશ્વ વેપાર સંગઠને વોલ્યુમની દ્રષ્ટિએ વિશ્વ વેપારમાં ૦.૨% ઘટાડો થવાનો અંદાજ લગાવ્યો હતો, જ્યારે યુનાઇટેડ સ્ટેટ્સમાંથી ટેરિફ યુદ્ધના પ્રથમ સંકેતો બહાર આવી રહ્યા હતા. ૨૦૨૫માં વૃદ્ધિ જોવા મળશે, જ્યારે ૨૦૨૬ માટે આગાહી એપ્રિલમાં ૨.૫% થી સુધારીને ૦.૫% કરવામાં આવી છે.
આ સૂચવે છે કે ટેરિફ અસર ૨૦૨૬માં બદલાઈ શકે છે, જેમાં થોડો સુધારો દર્શાવે છે કે ૨૦૨૫ની શરૂઆતમાં કેટલીક ઇન્વેન્ટરી, ખાસ કરીને ટકાઉ માલ ૨૦૨૬માં સંપૂર્ણપણે ઉલટાવી શકાશે નહીં તેમ ડબલ્યુટીઓ દ્વારા બહાર પાડવામાં આવેલા ગ્લોબલ ટ્રેડ આઉટલુક અને સ્ટેટિસ્ટિક્સ રિપોર્ટમાં જણાવાયું છે.
આ વધારા પાછળ આયાતકારો છે જેઓ ભવિષ્યના ટેરિફ વધારા અથવા બદલો લેવા માટે ઓર્ડર આપી રહ્યા છે. બીજું કારણ એ છે કે સેમિકન્ડક્ટર, કમ્પ્યુટર, સર્વર અને મેન્યુફેક્ચરિંગ સાધનો જેવા કે એઆઈ-સંબંધિત ઉત્પાદનોની માંગમાં વધારો થઈ રહ્યો છે જેથી એઆઈ-સંબંધિત મૂડી રોકાણમાં ચાલી રહેલી તેજીને પહોંચી શકાય.
યુએસમાં ઇન્વેન્ટરી ડોલર મૂલ્ય દ્વારા રેકોર્ડ સ્તરે છે. પ્રથમ ક્વાર્ટરમાં, ઉત્તર અમેરિકાની આયાતનું મૂલ્ય વાર્ષિક ધોરણે ૧૩.૨% વધ્યું હતું, જે ફાર્માસ્યુટિકલ્સ અને કિંમતી ધાતુઓ, મોટે ભાગે સોના દ્વારા સંચાલિત હતું.
વર્ષના પ્રથમ છ મહિનામાં, વૈશ્વિક વેપાર વૃદ્ધિનો ૪૨% હિસ્સો એઆઈ-સંબંધિત માલમાંથી આવ્યો હતો. જે વિશ્વ વેપારમાં તેમના ૧૫% હિસ્સાના પ્રમાણમાં ઘણો વધારે હતો.
