KKR BookMyShow Deal: અમેરિકાની ગ્લોબલ ઇન્વેસ્ટમેન્ટ ફર્મ KKR ઘરેલુ એન્ટરટેઇનમેન્ટ અને ટિકિટિંગ પ્લેટફોર્મ બુકમાયશો માં માઇનોરિટી સ્ટેક ખરીદવા માટે સંમત થઈ ગઈ છે. બિગટ્રી એન્ટરટેઇનમેન્ટ દ્વારા સંચાલિત બુકમાયશો માં રિલાયન્સ ઇન્ડસ્ટ્રીઝની યુનિટ નેટવર્ક18ની 39% હિસ્સેદારી છે. અન્ય વર્તમાન ઇન્વેસ્ટર્સમાં એક્સેલ, એલિવેશન કેપિટલ, સ્ટ્રાઇપ્સ ગ્રુપ અને ટીપીજી ગ્રોથ સામેલ છે.
KKRએ કહ્યું કે આ ઇન્વેસ્ટમેન્ટ બુકમાયશો ના ગ્રોથના આગામી તબક્કામાં મદદ કરશે. તેમાં કંપનીના લાઇવ એન્ટરટેઇનમેન્ટ બિઝનેસનો વિસ્તાર અને સમગ્ર ભારતમાં તેની ફુલ-સ્ટેક એન્ટરટેઇનમેન્ટ ઓફરિંગનો વિકાસ સામેલ છે. જોકે આ ડીલની ફાઇનાન્શિયલ ડિટેલ આપવામાં આવી નથી.
કંપની ક્યારે શરૂ થઈ હતી?
2007માં શરૂ થયેલું બુકમાયશો એક ટિકિટિંગ પ્લેટફોર્મથી ફુલ-સ્ટેક એન્ટરટેઇનમેન્ટ કંપની બની ગયું છે. આ ઇન્વેસ્ટમેન્ટ સાથે બુકમાયશો KKRના ગ્લોબલ મીડિયા અને એન્ટરટેઇનમેન્ટ પોર્ટફોલિયોમાં સામેલ થશે. તેમાં પહેલેથી જ ઇન્ટરનેટ બ્રાન્ડ્સ, બાઇટડાન્સ, કૉર્ડ મ્યુઝિક પાર્ટનર્સ, એપિક ગેમ્સ, પ્લેઑનસ્પોર્ટ્સ, ઓવરડ્રાઇવ, સુપરસ્ટ્રક્ટ અને સાઇમન એન્ડ શુસ્ટર જેવી કંપનીઓ સામેલ છે.
ક્યાં-ક્યાં છે ઇન્વેસ્ટમેન્ટ?
KKRએ ભારતમાં પણ અનેક સેક્ટર્સમાં ઇન્વેસ્ટમેન્ટ કર્યું છે. તેના પોર્ટફોલિયોમાં મેડિકોવર ઇન્ડિયા, લાઇટહાઉસ લર્નિંગ, વિની કોસ્મેટિક્સ, હેલ્થકેર ગ્લોબલ એન્ટરપ્રાઇઝિસ, ડાર્વિનબોક્સ અને રેબેલ ફૂડ્સ જેવી કંપનીઓ સામેલ છે. KKRએ કહ્યું કે તેનું ઇન્વેસ્ટમેન્ટ ભારતના એન્ટરટેઇનમેન્ટ સેક્ટર અને બુકમાયશો ની ગ્રોથની સંભાવનાઓમાં તેના વિશ્વાસને દર્શાવે છે.
