NPS PRIDE-Disha Tool: પેન્શન રેગ્યુલેટર PFRDA એ ‘NPS PRIDE-Disha’ (Pension Fund Returns for Informed Decision and Empowerment) નામે એક નવું ડિજિટલ ટૂલ લોન્ચ કર્યું છે. આ ટૂલ NPS સબસ્ક્રાઇબર્સને અલગ-અલગ પેન્શન ફંડ અને રોકાણના વિકલ્પોના જૂના રેકોર્ડ (પરફોર્મન્સ) ની તુલના કરવામાં મદદ કરશે. જેનાથી તેઓ વિચારી-સમજીને નિર્ણય લઈ શકે.
અત્યાર સુધી, NPS સબસ્ક્રાઇબર્સ માત્ર એક નિશ્ચિત સમય (જેમ કે ૧, ૨, ૫ કે ૧૦ વર્ષ) ના એકમુકત રિટર્નની તુલના કરી શકતા હતા. પરંતુ હવે તેઓ પોતાના મંથલી રોકાણ (SIP) પર મળનારા રિટર્નનો હિસાબ લગાવી શકશે અને છેલ્લા લગભગ ૫,૦૦૦ દિવસોનો NAV ડેટા પણ જોઈ શકશે. હવે તેઓ XIRR ના માધ્યમથી એ જોઈ શકશે કે જો તેમણે SIP કરી હોત, તો તેમના પૈસા કેટલા વધ્યા હોત.
સબસ્ક્રાઇબર્સને કેવી રીતે મળશે મદદ?
મતલબ, હવે સબસ્ક્રાઇબર્સ પોતાના મંથલી રોકાણ (SIP) પર મળનારા અસલ નફા (XIRR) નો હિસાબ પણ સરળતાથી લગાવી શકશે. આ ટૂલ ભવિષ્યનો કોઈ અંદાજ આપતું નથી, પરંતુ જૂના રેકોર્ડની માહિતી હોવાથી સબસ્ક્રાઇબર્સને સાચી પસંદગી કરવામાં મદદ મળે છે.
૧૪ જુલાઈના રોજ જારી કરવામાં આવેલા એક સર્ક્યુલરમાં PFRDA એ સ્પષ્ટ કર્યું છે કે આ માત્ર જૂની માહિતી આપનારું ટૂલ છે. આ ટૂલ ભવિષ્યની કોઈ ભવિષ્યવાણી કે અનુમાન જણાવતું નથી.
તેનો ઉપયોગ કેવી રીતે કરવો?
NPS સબસ્ક્રાઇબર્સ PFRDA ની વેબસાઈટ pfrda.org.in/pride-calculator પર જઈને NPS PRIDE-Disha ટૂલનો ઉપયોગ કરી શકે છે. આ ટૂલ ગ્રાહકોને એ સમજવામાં મદદ કરશે કે કયું ફંડ લાંબા સમયમાં રિટાયરમેન્ટ માટે સૌથી વધુ પૈસા બનાવનારું રહ્યું છે.
