PFRDA Pension Sahayak: પેન્શન ફંડ નિયામક અને વિકાસ પ્રાધિકરણ (PFRDA) એ PFRDA પેન્શન સહાયક (PFRDA Pension Sahayak) નામના એક એઆઈ-બેઝ્ડ (AI આધારિત) ફરિયાદ નિવારણ પ્લેટફોર્મ લોન્ચ કર્યું છે. આણે અગાઉના સેન્ટ્રલ ગ્રીવન્સ મેનેજમેન્ટ સિસ્ટમ (CGMS) નું સ્થાન લીધું છે. આનો હેતુ પેન્શન સબ્સ્ક્રાઇબર્સ (ગ્રાહકો) માટે ફરિયાદો નોંધાવવી, તેમના સ્ટેટસને (સ્થિતિને) ટ્રેક કરવી અને સમયસર ઉકેલ મેળવવો સરળ બનાવવાનો છે.
આ પ્લેટફોર્મ પેન્શન સાથે જોડાયેલી અલગ સર્વિસ (સેવા) સુવિધાઓને એક જ ડિજિટલ સિસ્ટમમાં લાવે છે. આ પોર્ટલ વેબ, મોબાઈલ અને વોટ્સએપ આધારિત સેવાઓને એક પ્લેટફોર્મ પર લાવશે. આ નવી ફરિયાદ સિસ્ટમ 22 ભાષાઓમાં ઉપલબ્ધ હશે, જ્યાં યુઝર (વપરાશકર્તા) આમાંથી કોઈ પણ ભાષામાં બોલીને વોઇસ કમાન્ડ દ્વારા ફરિયાદ નોંધાવી શકશે.
‘પેન્શન સહાયક’ ની 5 મોટી ખૂબીઓ
હવે ફરિયાદો માટે તમારે તમારો પરમેનન્ટ રિટાયરમેન્ટ એકાઉન્ટ નંબર (PRAN) કે પાસવર્ડ યાદ રાખવાની કોઈ જરૂર નથી. તમે માત્ર તમારા રજિસ્ટર્ડ મોબાઈલ નંબર અને ઓટીપી (OTP) દ્વારા તરત જ લોગિન કરી શકો છો.
જો એક જ મોબાઈલ નંબરથી એક કરતા વધુ PRAN લિંક્ડ (જોડાયેલા) હશે, તો લોગિન કરતાની સાથે જ તે તમામ એકાઉન્ટ્સ એક જ સ્ક્રીન પર દેખાઈ જશે. અટલ પેન્શન યોજના (APY) ના એવા સબ્સ્ક્રાઇબર્સ જેઓ પોતાનો PRAN ભૂલી ગયા છે, તેઓ પણ આના દ્વારા સરળતાથી પોતાનો નંબર શોધી શકે છે.
‘ભાષિણી’ (Bhashini AI) ઇન્ટિગ્રેશનની મદદથી આ પોર્ટલ 22 ભારતીય ભાષાઓને સપોર્ટ (સમર્થન) કરે છે. તમે તમારી સ્થાનિક ભાષામાં બોલીને ફરિયાદ નોંધાવી શકો છો. ખાસ વાત એ છે કે તમને જવાબ પણ એ જ ભાષામાં મળશે અને તમે તેને ઓડિયો સ્વરૂપમાં પણ મેળવી શકો છો.
જો નક્કી કરેલી સમય મર્યાદામાં તમારી ફરિયાદનું નિવારણ નહીં થાય, તો સિસ્ટમ આપમેળે તે ફરિયાદને સિનિયર ઓથોરિટી (ઉચ્ચ સત્તાધિકારી) પાસે મોકલી દેશે.
જો તમે પહેલીવાર મળેલા ઉકેલથી સંતુષ્ટ નથી, તો માત્ર એક ક્લિકમાં મામલાને ઓમ્બુડ્સમેન અથવા એનપીએસ ટ્રસ્ટને ટ્રાન્સફર (મોકલી) કરી શકો છો. સાથે જ તમે ઉકેલની ક્વોલિટીને (ગુણવત્તાને) રેટિંગ પણ આપી શકો છો.
જૂની સિસ્ટમથી કેટલું અલગ?
જૂની સિસ્ટમ ઘણી પરંપરાગત હતી જ્યાં યુઝરને પેન્શન સિસ્ટમની તકનીકી માહિતી હોવી જરૂરી હતી. તો વળી નવી ‘પેન્શન સહાયક’ સંપૂર્ણપણે યુઝર-ફ્રેન્ડલી, એઆઈ-સંચાલિત અને બોલીને કામ કરવાવાળી એક આધુનિક ઇકોસિસ્ટમ છે. અહીં તમારે બસ તમારી સમસ્યા જણાવવાની છે, બાકીનું તમામ કામ સિસ્ટમ જાતે કરી દેશે.
