આ ભારતીય કંપનીએ એક મહિનામાં બીજી વખત તેના 20% કર્મચારીઓને છૂટા કર્યા
સોશિયલ મીડિયા પ્લેટફોર્મ શેરચેટે તેના 20 ટકા કર્મચારીઓને છૂટા કરવાનો નિર્ણય લીધો છે. કંપનીએ તેના નિર્ણયને વૈશ્વિક આર્થિક કારણોને જવાબદાર ગણાવ્યા છે. કંપની તરફથી કહેવામાં આવ્યું છે કે તે પોતાના ખર્ચને નિયંત્રણમાં રાખવા માટે આ કડક નિર્ણય લઈ રહી છે.
બેંગલુરુ સ્થિત મોહલ્લા ટેક પ્રાઈવેટ લિમિટેડની માલિકીની શેરચેટે કહ્યું છે કે આ નિર્ણય દુઃખદાયક છે. આ સાથે, કંપની તેના બીજા પ્લેટફોર્મ, Moz માં તેના 20% કર્મચારીઓની છટણી પણ કરશે.
કંપનીએ કહ્યું છે કે તેણે કમાણી વધારવા, ખર્ચ ઘટાડવા માટે છેલ્લા છ મહિનામાં ઘણા પ્રયાસો કર્યા છે. કંપનીએ કહ્યું છે કે કંપનીને ભવિષ્ય માટે તૈયાર કરવાના હેતુથી છટણી કરવાનો નિર્ણય લેવામાં આવ્યો છે. કંપની તરફથી કહેવામાં આવ્યું છે કે આવતા વર્ષે માર્કેટમાં મંદીની શક્યતા છે, જેના કારણે સાવચેત રહેવાની જરૂર છે. કંપની આગામી બે વર્ષ માટે પોતાની જાતને તૈયાર કરી રહી છે. તમને જણાવી દઈએ કે ગયા વર્ષે ડિસેમ્બર મહિનામાં પણ શેરચેટમાં 5% કર્મચારીઓની છટણીના સમાચાર આવ્યા હતા.
