US debt rise 1 trillion in 48 days : અમેરિકાનું દેવાનું સંકટ દિવસેને દિવસે વધુ ખરાબ થઈ રહ્યું છે. છેલ્લા 48 દિવસમાં અમેરિકાનું દેવું 1 ટ્રિલિયન ડોલર વધ્યું છે. આ સમયગાળા દરમિયાન, તેમાં દરરોજ 21 અબજ ડોલરનો વધારો થયો છે. 11 ઓગસ્ટથી, દેશનું દેવું 200 અબજ ડોલર વધ્યું છે. દેશની સરકાર વાર્ષિક GDP ના 44% ખર્ચ કરી રહી છે, જે બીજા વિશ્વયુદ્ધ અને 2008 ના મંદીના સ્તરે છે. ફક્ત કોરોના સમયગાળા દરમિયાન, દેશની સરકારનો વાર્ષિક ખર્ચ GDP ના 54% હતો. બે વર્ષમાં, દેશનું દેવું 37.2 ટ્રિલિયન ડોલર સુધી પહોંચી ગયું છે.
નાણાકીય વર્ષના પ્રથમ 10 મહિનામાં, અમેરિકાની રાજકોષીય ખાધ 1.63 ટ્રિલિયન ડોલર સુધી પહોંચી ગઈ છે. આ ગયા વર્ષ કરતા 109 અબજ ડોલર વધુ છે. દેશ પહેલીવાર 2 ટ્રિલિયન ડોલરથી વધુની ખાધ તરફ આગળ વધી રહ્યો છે. ફક્ત જુલાઈની વાત કરીએ તો, અમેરિકાની ખાધ 291 અબજ ડોલર હતી. દેશની કુલ ખાધ ગયા વર્ષની સરખામણીમાં 7.4 ટકા વધી છે અને તે ઇતિહાસમાં ત્રીજા ક્રમની સૌથી મોટી વાર્ષિક ખાધ તરફ આગળ વધી રહી છે. આમ છતાં, યુએસ સરકાર મુક્તપણે ખર્ચ કરી રહી છે.
યુએસ ખાધ
ગયા મહિને, સરકારી ખર્ચ 9.7 ટકા વધીને $630 બિલિયન થયો છે, જે જાન્યુઆરી પછીનો સૌથી વધુ છે. આ સમયગાળા દરમિયાન, આવક 2.5 ટકા વધીને $338 બિલિયન થઈ ગઈ છે. આમાં $29.8 બિલિયનની ટેરિફ આવકનો સમાવેશ થાય છે. ઊંચા વ્યાજ દરોને કારણે, અમેરિકાએ તેના દેવા પર વ્યાજ ચુકવણીમાં મોટી રકમ ચૂકવવી પડે છે. જો દરમાં 100 bpsનો ઘટાડો કરવામાં આવે છે, તો વાર્ષિક $291 બિલિયન બચાવી શકાય છે. જો કે, દેવા સંકટનો સામનો કરવામાં આ બહુ મદદ કરશે નહીં.