Zero Balance Account: ભારતીય રિઝર્વ બેંક (RBI) એ સામાન્ય ગ્રાહકોને રાહત આપતા બેઝિક સેવિંગ્સ બેંક ડિપોઝિટ (BSBD) એકાઉન્ટ માં મોટા ફેરફારો કર્યા છે. આ ફેરફારોથી હવે BSBD એકાઉન્ટ ગ્રાહકો માટે વધુ ઉપયોગી અને સુલભ બનશે.
મુખ્ય ફેરફારો એક નજરમાં:
દર મહિને અનલિમિટેડ ડિપોઝિટ (જમા રકમ).
કોઈપણ વાર્ષિક ફી (Renewal Fees) વિના ફ્રી ATM કે ડેબિટ કાર્ડનો ઉપયોગ.
દર વર્ષે ઓછામાં ઓછા 25 પાનાની ફ્રી ચેકબુક.
ઇન્ટરનેટ અને મોબાઇલ બેન્કિંગ સુવિધા.
પાસબુક અથવા માસિક સ્ટેટમેન્ટ (Monthly Statement)ની સુવિધા.
રિઝર્વ બેંકે તમામ બેંકોને 7 દિવસનો સમય આપ્યો છે, જેની અંદર બેંકોએ BSBD ના ફ્રેમવર્કમાં આ ફેરફારો લાગુ કરવાના રહેશે.
ફ્રી વિથડ્રોઅલની નવી લિમિટ શું હશે?
બેંકોએ દર મહિને ઓછામાં ઓછા ચાર ફ્રી વિથડ્રોઅલ (પૈસા ઉપાડ) ની મંજૂરી આપવી પડશે, જેમાં તેમની પોતાની ATM અને અન્ય બેંકોના ATM માંથી કરવામાં આવેલા ટ્રાન્ઝેક્શનનો સમાવેશ થશે.
સૌથી મોટી રાહત:
આ નવા નિયમ હેઠળ UPI, IMPS, NEFT, અને RTGS જેવા ડિજિટલ પેમેન્ટ ટ્રાન્ઝેક્શનને વિથડ્રોઅલ તરીકે ગણવામાં નહીં આવે.
આનો અર્થ એ છે કે યુઝર્સ પાસેથી આ ડિજિટલ ટ્રાન્ઝેક્શન માટે અલગથી કોઈ ચાર્જ લેવામાં નહીં આવે.
ખાતું બદલવાનો નિયમ અને અમલ ક્યારે?
વર્તમાન BSBD એકાઉન્ટ ધારકો નવા શરૂ કરાયેલા ફીચર્સ માટે વિનંતી કરી શકે છે, જ્યારે રેગ્યુલર સેવિંગ્સ એકાઉન્ટ ધારકો પોતાનું એકાઉન્ટ BSBD એકાઉન્ટમાં બદલી શકે છે, જો કે તેમનું પહેલાથી કોઈ બીજી બેંકમાં BSBD એકાઉન્ટ ન હોવું જોઈએ.
આ નવા ફેરફારો 1 એપ્રિલ, 2026 થી લાગુ થશે, જોકે બેંકો તેમની મરજી મુજબ આ નિયમો વહેલા પણ અપનાવી શકે છે. RBI એ પોતાના ‘Responsible Business Conduct Directions, 2025’ ને અપડેટ કરવા માટે નવી ગાઇડલાઇન્સ જારી કરી છે.
બદલાવનો મુખ્ય હેતુ શું છે?
આ ફેરફારો લાગુ કરવાનો હેતુ BSBD એકાઉન્ટ્સ સુધી લોકોની પહોંચ વધારવાનો અને લોકો તેની ઉપયોગિતાઓને સમજે તે છે.
આ નવા નિયમો નીચેની તમામ બેંકો પર લાગુ થશે:
લોકલ એરિયા બેંક
રુરલ કોઓપરેટિવ બેંક
અર્બન કોઓપરેટિવ બેંક
સ્મોલ ફાઇનાન્સ બેંક
પેમેન્ટ બેંક
કોમર્શિયલ બેંક
