Canada PR for Doctors: જો તમે MBBS કર્યું છે અને કેનેડામાં ડૉક્ટર તરીકે પ્રેક્ટિસ કરવા માંગો છો, તો તમારા માટે આ સારા સમાચાર છે. કેનેડાને ડોક્ટરોની જરૂર છે અને તે તેમને સીધી પરમેનન્ટ રેસિડેન્સી (PR) આપશે. માત્ર એટલું જ નહીં, પણ તેમને ૨ અઠવાડિયાની અંદર વર્ક પરમિટ આપવાની વ્યવસ્થા પણ તૈયાર કરવામાં આવી રહી છે. કૅનેડિયન સરકારે નવા ઇમિગ્રેશન ઉપાયોની જાહેરાત કરી છે, જેનાથી વિદેશી ડોક્ટરો માટે PR મેળવવું સરળ બનશે.
ઇમિગ્રેશન મિનિસ્ટર લીના મેટલેજ ડિયાબ અને મેગી ચીએ ત્રણ મુખ્ય ઇમિગ્રેશન પ્લાનની રૂપરેખા રજૂ કરી. નવા નિયમો હેઠળ, ‘ઇમિગ્રેશન, રિફ્યુજી એન્ડ સિટીઝનશિપ કેનેડા’ (IRCC) ડોક્ટરો માટે એક નવી એક્સપ્રેસ એન્ટ્રી કેટેગરી રજૂ કરશે. જે વિદેશી ડોક્ટરોને ‘પ્રોવિન્શિયલ નોમિની પ્રોગ્રામ’ (PNP) હેઠળ પસંદ કરવામાં આવશે, તેમને ઓછા સમયમાં વર્ક પરમિટ પણ આપવામાં આવશે. PNP હેઠળ તમામ રાજ્યો માટે કુલ મળીને ૫૦૦૦ પરમેનન્ટ રેસિડેન્સી સ્પોટ રિઝર્વ હશે, જે ફક્ત ડોક્ટરો માટે મળશે.
કઈ શરતો પર મળશે PR?
નવી વિઝા કેટેગરીનું નામ ‘ફિઝિશિયન વિથ કનેડિયન વર્ક એક્સપિરિયન્સ’ છે. આ કેટેગરી હેઠળ તે લોકોને દેશમાં PR મળશે, જેમની પાસે છેલ્લા ત્રણ વર્ષમાં ઓછામાં ઓછા ૧૨ મહિનાનો ફૂલ-ટાઇમ વર્ક એક્સપિરિયન્સ છે.
યોગ્યતા: જનરલ પ્રેક્ટિશનર, ફેમિલી ફિઝિશિયન, સર્જરી સ્પેશિયાલિસ્ટ, ક્લિનિકલ એન્ડ લેબોરેટરી મેડિસિન સ્પેશિયાલિસ્ટ જેવી પોઝિશન પર કામ કરનારા ડોક્ટરો આ પ્રોગ્રામ હેઠળ યોગ્ય ગણાશે.
૨૦૨૬ ની શરૂઆતમાં આ કેટેગરી હેઠળ અરજી કરવાનું શરૂ થઈ શકે છે.
નોંધનીય છે કે હાલમાં હેલ્થકેર ફિલ્ડ સાથે જોડાયેલા વર્કર્સને એક્સપ્રેસ એન્ટ્રીની હેલ્થકેર કેટેગરી હેઠળ PR આપવામાં આવે છે, જેમાં તેમને કેનેડામાં વર્ક એક્સપિરિયન્સ હોવાની જરૂર નથી હોતી.
રાજ્યોને સીધી ભરતીની મંજૂરી અને ૫૦૦૦ રિઝર્વ સ્પોટ
આ નવી કેટેગરીની સાથે-સાથે સરકારે ૫૦૦૦ PR સ્પોટ રિઝર્વ કર્યા છે.
આ સ્પોટ તે રાજ્યો અને ક્ષેત્રો માટે રિઝર્વ હશે, જે ત્યાં જોબ ઓફર લઈને આવતા ડોક્ટરોને PR માટે નોમિનેટ કરશે.
સરળ શબ્દોમાં, જો કેનેડાના કોઈ રાજ્યમાં તમને ડૉક્ટર તરીકે કામ કરવા માટે નોકરી મળે છે, તો તે રાજ્ય તમને સીધા PR બનાવવા માટે નોમિનેટ કરશે. તમારી ફાઇલ કેન્દ્ર સરકાર પાસે જશે અને ૫૦૦૦ રિઝર્વ સ્પોટમાંથી એક સ્પોટ તમને મળી જશે. આ રીતે જોબ ઓફરની સાથે જ તમને PR પણ મળી જશે.
૧૪ દિવસમાં વર્ક પરમિટ
સૌથી સારી વાત એ છે કે કોઈ રાજ્ય દ્વારા નોમિનેટ કરાયેલા ડોક્ટરને વર્ક પરમિટ પણ જલ્દી મળશે. તેમને માત્ર ૧૪ દિવસની અંદર જ વર્ક પરમિટ મળી જશે.
આનો અર્થ એ છે કે ડૉક્ટર રાજ્યમાં આવીને પ્રેક્ટિસ શરૂ કરી શકશે, જ્યારે તેની પરમેનન્ટ રેસિડેન્સી અરજી પ્રોસેસમાં હશે.
હાલમાં વર્ક પરમિટ માટે મહિનાઓ રાહ જોવી પડે છે. કેનેડામાં હાલમાં ડોક્ટરોની જરૂરિયાત છે, જેને ધ્યાનમાં રાખીને આ નવી કેટેગરીની શરૂઆત કરવામાં આવી રહી છે. સૌથી વધુ ફાયદો તે ડોક્ટરોને મળશે, જે રાજ્યોમાં સીધા કામ કરવા માટે આવી રહ્યા છે.
