ITBP Recruitment 2025: જો તમે ધોરણ 10 કે 12 પાસ છો અને ઇન્ડો તિબેટન બોર્ડર પોલીસમાં નોકરી કરવા માંગતા યુવાનો માટે મોટા સમાચાર છે. આઈટીબીપીએ આ માટે હેડ કોન્સ્ટેબલ અને કોન્સ્ટેબલની (મોટર મિકેનિક) જગ્યાઓ માટે ભરતી અભિયાન હાથ ધર્યું છે. જો તમે પણ આ જગ્યાઓ માટે અરજી કરવાનું વિચારી રહ્યાં છો તો, આઈટીબીપીની સત્તાવાર વેબસાઈટ itbpolice.nic.in પર જઈને અરજી કરી શકો છો. આ જગ્યાઓ પર અરજી કરવા માટે માત્ર 7 દિવસનો સમય બાકી છે.
ITBPની આ ભરતી દ્વારા કુલ 51 જગ્યાઓ પર નિમણૂક કરવાની છે. જે પણ આ જગ્યાઓ માટે અરજી કરવાનું વિચારી રહ્યાં છે. તે 22 જાન્યુઆરી સુધી કે તે પહેલા અરજી કરી શકે છે. સાથે જ અરજી કરતા પહેલા નીચે આપેલી બાબતો ધ્યાનથી વાંચો.
ITBPમાં આ જગ્યાઓ પર થશે ભરતી
હેડ કોન્સ્ટેબલ (મોટર મિકેનિક) – 7 જગ્યાઓ
કોન્સ્ટેબલ (મોટર મિકેનિક) – 44 જગ્યાઓ
કુલ પોસ્ટની સંખ્યા- 51
વય મર્યાદા
ITBPની આ જગ્યાઓ માટે જે ઉમેદવાર અરજી કરી રહ્યાં છે, તે ઉમેદવારોની વય મર્યાદા 18 વર્ષથી 25 વર્ષ વચ્ચે હોવી જોઈએ.
શૈક્ષણિક લાયકાત
હેડ કોન્સ્ટેબલ (મોટર મિકેનિક) – કોઈપણ માન્યતા પ્રાપ્ત બોર્ડમાંથી ધોરણ 12 પાસ કરેલ હોવું જોઈએ. ઉપરાંત, પ્રતિષ્ઠિત વર્કશોપમાં 3 વર્ષનો અનુભવ અથવા ઓટોમોબાઈલ એન્જિનિયરિંગમાં 3 વર્ષના ડિપ્લોમા સાથે મોટર મિકેનિકનું પ્રમાણપત્ર હોવું જોઈએ.
કોન્સ્ટેબલ (મોટર મિકેનિક): ઉમેદવારોએ માન્ય બોર્ડમાંથી ધોરણ 10 પાસ કરેલ હોવું જોઈએ. ઉપરાંત, સંબંધિત વેપારમાં ITI પ્રમાણપત્ર અથવા માન્યતા પ્રાપ્ત ફર્મમાં સંબંધિત ટ્રેડમાં 3 વર્ષનો અનુભવ હોવો જોઈએ.
અરજી ફી
સામાન્ય (યુઆર), અન્ય પછાત વર્ગ (ઓબીસી) અને આર્થિક રીતે નબળા વિભાગ (EWS) માટેની અરજી ફી: રૂ. 100
SC/ST અને ભૂતપૂર્વ સૈનિકોને અરજી ફીમાંથી મુક્તિ આપવામાં આવી છે.
પગાર ધોરણ
હેડ કોન્સ્ટેબલ (મોટર મિકેનિક): પગાર સ્તર-04 હેઠળ રૂ. 25,500 થી રૂ. 81,100 (7મા CPC મુજબ).
કોન્સ્ટેબલ (મોટર મિકેનિક): પગાર સ્તર-03 હેઠળ રૂ. 21,700 થી રૂ. 69,100 (7મા CPC મુજબ).
પસંદગી પ્રક્રિયા
ઉમેદવારોની પસંદગી નીચેના તબક્કાના આધારે કરવામાં આવશે.
ફિઝિકલ એફિશિયન્સી ટેસ્ટ (PET)
ફિઝિકલ સ્ટાન્ડર્ડ ટેસ્ટ (PST)
ડોક્યુમેન્ટ વેરિફિકેશન
મેરિટ લિસ્ટ
ડિટેલ મેડિકલ ટેસ્ટ (DME)
રિવ્યુ મેડિકલ ટેસ્ટ (RME)
