ICAR-સેન્ટ્રલ ઇન્સ્ટિટ્યૂટ ફોર રિસર્ચ ઑન કોટન ટેક્નોલોજીએ કરાર આધારિત અને અસ્થાયી જગ્યાઓ માટે આ નવી ભરતી બહાર પાડી છે. પોસ્ટિંગનું સ્થળ GTC નાગપુર, ગુન્ટૂર, કોયમ્બતૂર, ધારવાડ, સિરસા, સુરત અને મુંબઈ છે. ફોર્મમાં જ ઉમેદવારોએ કયા સ્થળે નોકરી કરવી છે તેની વિગતો આપવાની રહેશે. અરજી કરવાની પ્રક્રિયા 30 ઑક્ટોબર 2026 સુધી ચાલશે. ત્યાર પછી અરજીઓ સ્વીકારવામાં આવશે નહીં.
ICAR યંગ પ્રોફેશનલ માટે શું લાયકાત જરૂરી છે?
– શૈક્ષણિક લાયકાત: ઉમેદવારે માન્યતા પ્રાપ્ત યુનિવર્સિટીમાંથી વિજ્ઞાન, એન્જિનિયરિંગ, ગણિત, આંકડાશાસ્ત્ર, વાણિજ્ય અથવા ઇન્ફોર્મેશન ટેક્નોલોજીમાં સ્નાતકની ડિગ્રી પૂર્ણ કરેલી હોવી જોઈએ. અથવા એન્જિનિયરિંગ કે ટેક્નોલોજીમાં 60 ટકા ગુણ સાથે ત્રણ વર્ષનો ડિપ્લોમા મેળવેલો હોવો જોઈએ. વાણિજ્ય અને ઇન્ફોર્મેશન ટેક્નોલોજી શ્રેણી માટે ઓછામાં ઓછા 60 ટકા ગુણ હોવા જરૂરી છે. જ્યારે વાણિજ્ય શ્રેણી માટે સંબંધિત વિષયમાં એક વર્ષનો અનુભવ જરૂરી છે. ફ્રેશર્સ ઉમેદવારો વાણિજ્ય અને ઇન્ફોર્મેશન ટેક્નોલોજી શ્રેણી હેઠળ અરજી કરી શકે છે. તેમના માટે સારી તક છે.
– વયમર્યાદા: ઉમેદવારની ઉંમર ઓછામાં ઓછી 21 વર્ષ અને વધુમાં વધુ 45 વર્ષ હોવી જોઈએ. ઉપલી વયમર્યાદામાં સરકારી નિયમો અનુસાર છૂટછાટ મળશે. આ બંને લાયકાત પૂર્ણ કરતા ઉમેદવારો અરજી કરવા માટે પાત્ર ગણાશે.
પોસ્ટિંગ કયા સ્થળોએ થશે?
| સ્થળનું નામ | ખાલી જગ્યાઓ | ઇન્ટરવ્યૂની તારીખ અને સમય |
|---|---|---|
| GTC નાગપુર | 05 | 3 નવેમ્બર 2026, GTC નાગપુર, સવારે 11 વાગ્યે |
| ગુન્ટૂર | 04 | 4 નવેમ્બર 2026, મુંબઈ, સવારે 11 વાગ્યે |
| કોયમ્બતૂર | 01 | 4 નવેમ્બર 2026, સવારે 11 વાગ્યે |
| ધારવાડ | 02 | 4 નવેમ્બર 2026, સવારે 11 વાગ્યે |
| સિરસા | 03 | 4 નવેમ્બર 2026, સવારે 11 વાગ્યે |
| સુરત | 02 | 4 નવેમ્બર 2026, સવારે 11 વાગ્યે |
| મુંબઈ | 03 | 5 નવેમ્બર 2026, મુંબઈ, સવારે 11 વાગ્યે |
| કુલ | 20 |
કેટલો પગાર મળશે?
આ તમામ જગ્યાઓ અસ્થાયી અને કરાર આધારિત છે. ઇન્ટરવ્યૂ તારીખ, સ્થળ અને સમય અનુસાર યોજાશે. ઇન્ટરવ્યૂ માટે જતી વખતે ઉમેદવારોએ પોતાના તમામ જરૂરી સ્વપ્રમાણિત દસ્તાવેજો, બાયોડેટા અને પાસપોર્ટ સાઇઝનો ફોટોગ્રાફ સાથે લઈ જવાના રહેશે. યંગ પ્રોફેશનલની જગ્યા માટે પસંદગી પામેલા ઉમેદવારોને દર મહિને ₹30,000 પગાર મળશે. આ ઉપરાંત અન્ય કોઈ ભથ્થાં કે સુવિધા આપવામાં આવશે નહીં.
નોકરીનો સમયગાળો
નાગપુર, સુરત, સિરસા, ગુન્ટૂર, ધારવાડ અને કોયમ્બતૂર માટે નોકરીનો સમયગાળો 1 નવેમ્બર 2026થી 21 માર્ચ 2027 સુધી રહેશે. જ્યારે મુંબઈ માટે નોકરીનો સમયગાળો 1 નવેમ્બર 2026થી 30 સપ્ટેમ્બર 2027 સુધી રહેશે. ઉમેદવારને કોઈપણ પ્રાદેશિક એકમમાં પોસ્ટિંગ આપવામાં આવી શકે છે.
ક્યાં મોકલવું પડશે ફોર્મ?
અરજી કરવા માટે ઉમેદવારોએ ભરતીની સૂચનામાંથી અરજીપત્ર ડાઉનલોડ કરવાનું રહેશે. ત્યાર પછી તેમાં પોતાનું પૂરું નામ, પિતા અથવા પતિનું નામ, જન્મતારીખ, લિંગ, સરનામું, ફોન નંબર, ઇમેઇલ સરનામું, શૈક્ષણિક લાયકાત, ધોરણ 10 અને 12ની વિગતો, સ્નાતકની સંપૂર્ણ વિગતો તેમજ કોઈ અનુભવ હોય તો તેની માહિતી ભરવાની રહેશે. ત્યાર પછી નીચે ઘોષણાપત્ર ભરવું અને અરજીપત્ર તમામ જરૂરી દસ્તાવેજો સાથે 30 ઑક્ટોબર 2026ના રોજ સાંજે 5:30 વાગ્યા પહેલાં [email protected] પર ઇમેઇલ કરવું.
હાઇબ્રિડ મોડમાં ઇન્ટરવ્યૂ માટે સંસ્થા ઉમેદવારનો ઇમેઇલ દ્વારા સંપર્ક કરશે. અન્ય કોઈપણ માહિતી માટે ઉમેદવારો સવારે 10 વાગ્યાથી સાંજે 5 વાગ્યા સુધી ડિરેક્ટરની કચેરીનો સંપર્ક કરી શકે છે. મોબાઇલ નંબર 9137582766 છે.
