RRB ALP Recruitment: હજારો યુવાનો માટે સુવર્ણ તક; રેલવેમાં 11,127 આસિસ્ટન્ટ લોકો પાઈલટ પદો પર ભરતી ટૂંક સમયમાં શરૂ થશે

હાલમાં નાની નોટિસ જાહેર થઈ છે, જ્યારે વિગતવાર નોટિફિકેશન ટૂંક સમયમાં જાહેર કરવામાં આવશે. તેમાં ઝોનવાર ખાલી જગ્યાઓ, પરીક્ષા સિલેબસ, અરજી ફી, અનામત નિયમો અને મેડિકલ સ્ટાન્ડર્ડ જેવી તમામ જરૂરી જાણકારી આપવામાં આવશે.

ક્યારથી શરૂ થશે અરજી?

RRB ALP ભરતી માટે ઓનલાઈન અરજી પ્રક્રિયા 15 મે 2026 થી શરૂ થશે. ઈચ્છુક અને યોગ્ય અભ્યર્થિઓ 14 જૂન 2026 સુધી અરજી કરી શકશે. અરજી માત્ર ઓનલાઈન માધ્યમથી જ સ્વીકારવામાં આવશે. ઉમેદવારોએ કેન્દ્રીકૃત પોર્ટલ પર રજીસ્ટ્રેશન કરીને ફોર્મ ભરવું પડશે અને તે જ સમયે પોતાની પસંદગીનું રેલવે ભરતી બોર્ડ પસંદ કરવાનું રહેશે.

કેટલો મળશે પગાર?

આસિસ્ટન્ટ લોકો પાઈલટ પદ 7માં પગાર પંચના લેવલ-2 પે સ્કેલ હેઠળ આવે છે. આ પદ પર પસંદગી થયા બાદ શરૂઆતનો પગાર 19,900 પ્રતિ માસ હશે. આની સાથે રેલવેના અન્ય ભથ્થા અને સુવિધાઓ પણ મળશે, જેનાથી કુલ પગાર હજુ વધી જાય છે.

કોણ કરી શકે છે અરજી?

આ ભરતી માટે અરજી કરવા માટે કેન્ડિડેટ્સનું 10મું પાસ હોવાની સાથે માન્યતા પ્રાપ્ત સંસ્થામાંથી ITI (NCVT/SCVT) હોવું જરૂરી છે. સંબંધિત ટ્રેડમાં ડિપ્લોમા (મિકેનિકલ, ઈલેક્ટ્રિકલ, ઈલેક્ટ્રોનિક્સ, ઓટોમોબાઈલ), BE/B.Tech વાળા પણ એપ્લાય કરી શકશે. ITI કરનારા ઉમેદવારો માટે ઘણા ટ્રેડ માન્ય છે, જેમ કે ફિટર, ઈલેક્ટ્રિશિયન, વાયરમેન, ડીઝલ મિકેનિક, મશીનિસ્ટ, ટર્નર, રેફ્રિજરેશન અને એર કંડિશનિંગ મિકેનિક વગેરે સામેલ છે.

વય મર્યાદા શું છે?

અરજી કરનારા કેન્ડિડેટ્સની ઓછામાં ઓછી ઉંમર 18 વર્ષ છે. જ્યારે મહત્તમ ઉંમર 30 વર્ષ નક્કી કરવામાં આવી છે. અનામત વર્ગના ઉમેદવારોને નિયમ અનુસાર ઉંમરમાં છૂટછાટ આપવામાં આવશે.

પસંદગી પ્રક્રિયા કેવી હશે?

• કમ્પ્યુટર આધારિત પરીક્ષા (CBT-1)

• કમ્પ્યુટર આધારિત પરીક્ષા (CBT-2)

• એપ્ટિટ્યુડ ટેસ્ટ (CBAT)

• દસ્તાવેજ ચકાસણી

• મેડિકલ પરીક્ષણ

ક્યાંથી કરવી અરજી?

ઉમેદવારો 15 મે થી રેલવેના કોમન એપ્લિકેશન પોર્ટલ પર જઈને અરજી કરી શકશે. અરજી કરતી વખતે તમામ જાણકારી સાચી રીતે ભરવી જરૂરી રહેશે, કારણ કે પછીથી સુધારાની તક મળશે નહીં. વધારે વિગતો માટે ઉમેદવારો સત્તાવાર વેબસાઈટની મદદ લઈ શકે છે.

આ પણ વાંચો: USA Internship Rules: અમેરિકામાં ઇન્ટર્નશિપને લઈને શું નિયમ છે, અલગ વર્ક પરમિટ? સમજી લે ભારતીય વિદ્યાર્થીઓ – Newz Cafe