હૈદરાબાદ, 22 ડિસેમ્બર ‘ઓસ્માનિયા યુનિવર્સિટી જોઈન્ટ એક્શન કમિટિ’ના સભ્યો હોવાનો દાવો કરતા લોકોના એક જૂથે રવિવારે અહીં અલ્લુ અર્જુનના નિવાસસ્થાને તોડફોડ કરી હતી.
વિરોધીઓએ અભિનેતા વિરુદ્ધ સૂત્રોચ્ચાર કર્યા હતા અને આ મહિને સંધ્યા સિનેમા હોલમાં નાસભાગ દરમિયાન મૃત્યુ પામેલી મહિલા માટે ન્યાયની માંગ કરી હતી.
આ મહિનાની શરૂઆતમાં, અલ્લુ અર્જુનની ફિલ્મ ‘પુષ્પા 2’ ના સ્ક્રિનિંગ દરમિયાન, અહીંના સિનેમા હોલમાં નાસભાગ મચી ગઈ હતી, જેમાં એક મહિલાનું મૃત્યુ થયું હતું અને તેનું બાળક બેભાન થઈ ગયું હતું.
પોલીસે દેખાવકારોને કસ્ટડીમાં લીધા હતા.
વિરોધીઓ પાસે એક પ્લેકાર્ડ પર લખ્યું હતું કે, ‘ફિલ્મો બનાવીને કરોડો રૂપિયા કમાઈ રહ્યા છે, જ્યારે ફિલ્મ જોનારા મરી રહ્યા છે.’
આ એક્શન કમિટી તેલંગાણાને રાજ્યનો દરજ્જો મેળવવાની ચળવળમાં મોખરે હતી.
