Gujarat Singer Kinjal Rabari News: ગુજરાતમાં પ્રખ્યાત સિંગર કિંજલ દવેની સગાઈ પછી ગાયિકા કિંજલ રબારીના પ્રેમ લગ્ન (લવ મેરેજ) પર વિવાદ ઊભો થયો હતો. કિંજલે ઇન્સ્ટાગ્રામ પર પોસ્ટ કર્યું હતું કે તેણે પોતાની મરજીથી અશોક ચૌધરી સાથે લગ્ન કર્યા છે. આ પછી ગુજરાતમાં વંટોળ ઊભો થયો હતો. બંને સમાજના આગેવાનોને આ લગ્ન મંજૂર નહોતા. આ ઘટના એવા સમયે સામે આવી હતી જ્યારે રાજ્યમાં મુખ્યમંત્રી ભૂપેન્દ્ર પટેલની આગેવાની હેઠળની સરકાર લગ્નની નોંધણીમાં માતા-પિતાની સંમતિ (સહી) ને ફરજિયાત બનાવવાની તૈયારી કરી રહી છે, જેથી લવ મેરેજના કિસ્સાઓ નિયમનમાં રહે અને લવ જેહાદને રોકી શકાય. કિંજલ રબારીએ અશોક ચૌધરીને જીવનસાથી તરીકે પસંદ કર્યો હતો, પરંતુ સામાજિક દબાણ વચ્ચે હવે કિંજલ રબારી અને અશોક ચૌધરીના લવ મેરેજમાં મોટો ટ્વિસ્ટ આવ્યો છે.
View this post on Instagram
ઇન્ટર-કાસ્ટ મેરેજ પર હોબાળો
પાટણની સિંગર કિંજલ રબારીએ સોશિયલ મીડિયા પ્લેટફોર્મ ઇન્સ્ટાગ્રામ પર એક વીડિયો શેર કરતા કહ્યું હતું કે તેણે ઇન્ટર-કાસ્ટ મેરેજ (આંતરજ્ઞાતિય લગ્ન) કર્યા છે, અને પોલીસ પાસેથી સુરક્ષાની પણ માંગ કરી હતી. તેણે કહ્યું હતું કે તેને અને તેના પતિને જીવનું જોખમ છે. કિંજલ રબારી પાટણના રાધનપુરના સીનાડ ગામની રહેવાસી છે. કિંજલ રબારી પોતાના પ્રેમ લગ્ન પર અડી ગઈ હતી. આના કારણે ગુજરાતમાં રબારી અને ચૌધરી સમાજમાં તણાવ ઊભો થયો હતો. હવે કિંજલે જે બે ઇન્સ્ટાગ્રામ રીલ પોસ્ટ કરી હતી, તે હટાવી દીધી છે.
પ્રેમ ઝૂકે છે.. ઝુકાવનાર જોઈએ
કિંજલ રબારીના કિસ્સામાં ‘પ્રેમ નથી ઝૂકતો’ ને બદલે ‘પ્રેમ ઝૂકે છે, બસ ઝુકાવનાર જોઈએ‘ ટેગલાઈન સાથે અંત આવ્યો છે. કિંજલ રબારીએ હવે કહ્યું છે કે તે સમાજમાં જ લગ્ન કરશે. રબારી અને ચૌધરી સમાજના આગેવાનો વચ્ચે સમાધાન થયા બાદ કિંજલ અને અશોકને સમાજના આગેવાનોને સોંપી દેવામાં આવ્યા છે. જાણકારી અનુસાર, કિંજલ રબારી શુક્રવારે રાત્રે લગભગ 11-12 વાગ્યે ઘરે પરત ફરી હતી. બંને સમાજના નેતાઓએ જ્ઞાતિનો ઝઘડો રોકવાનો નિર્ણય કર્યો છે. સિંગર કિંજલ રબારીની લોકપ્રિયતાનો અંદાજ એ વાત પરથી લગાવી શકાય છે કે તેના ઇન્સ્ટાગ્રામ પર 4 લાખ 56 હજારથી વધુ ફોલોઅર્સ છે. કિંજલ રબારી પહેલા ધ્રુવીન શાહ સાથે સગાઈ કરનાર કિંજલ દવેએ સંબંધ તોડવાની ના પાડી દીધી હતી. ત્યારે તેમના નિર્ણય પર બ્રાહ્મણ સમાજે સવાલ ઉઠાવ્યા હતા.
