Love Marriage Disputes India: ભારતમાં છેલ્લા કેટલાક વર્ષોમાં લવ મેરેજની સંખ્યા વધી રહી છે. પણ પ્રેમથી શરૂ થયેલો સંબંધ ક્યારેક લગ્ન પછી તણાવ અને ઝઘડા સુધી પહોંચી જાય છે. આવી સ્થિતિમાં ઘણા દંપતિઓને ખબર નથી પડતી કે કાયદો શું કહે છે અને તેઓને કયા હક મળે છે. ચાલો જાણીએ કે જો લવ મેરેજ બાદ ઝઘડો વધે તો કાયદાકીય રીતે શું કરી શકાય.
ઝઘડો વધે તો પ્રથમ પગલું – સમાધાન: લગ્ન બાદ મતભેદો થવું સામાન્ય છે. જો તણાવ વધે તો સૌપ્રથમ કાયદો સમાધાનની તક આપે છે. કાઉન્સેલિંગ અથવા ફેમિલી કોર્ટ દ્વારા મધ્યસ્થતા (mediation)ની વ્યવસ્થા કરવામાં આવે છે, જેથી બંને પક્ષ વચ્ચે સમજૂતી થઈ શકે.
ઘરેલુ હિંસા થાય તો મહિલા માટે કાનૂની સુરક્ષા: જો પત્ની પર શારીરિક કે માનસિક હિંસા થાય તો તે ઘરેલુ હિંસા અધિનિયમ 2005 (Domestic Violence Act 2005) હેઠળ ફરિયાદ કરી શકે છે. આ અધિનિયમ મુજબ સ્ત્રીને સુરક્ષા, વળતર, રહેણાંક અને કાયદાકીય સહાય મેળવવાનો હક મળે છે. પોલીસ સ્ટેશન કે મહિલા સેલમાં અરજી કરી શકાય છે.
