ભાજપને છેલ્લી કેટલીક ચૂંટણીઓ દરમ્યાન મહિલા મતદારો વધુને વધુ વોટ આપી રહી છે.અને તેમ કહેવાય છે કે, ભાજપને 5 રાજ્યોમાં અબે અન્ય જીત પાછળ આ મહિલા મતદારો જ વધુ જવાબદાર રહી છે.જો કે વોટર્સના આ સમૂહને તમે સાઇલેન્ટ વોટર્સ કહી શકો છો.અને અત્યાર સુધી લોકો દ્વારા મોટાભાગે જાતિગત સમીકરણોને ધ્યાનમાં લેવાતા હતા પરંતુ આ કરોડો વોટર્સ પર કોઈપણ પાર્ટીએ એટલું ધ્યાન નોતું આપ્યું.પરંતુ વિધાનસભા ચૂંટણીની વાત કરીએ તો, 2022ની યુપી વિધાનસભા ચૂંટણીમાં ઈન્ડિયા ટુડે અને એક્સિસ માય ઈન્ડિયાના એક્ઝિટ પોલ અનુસાર, 16 ટકા વધુ મહિલાઓએ ભાજપને વોટ આપ્યો, જ્યારે પુરુષોમાં આ આંકડો માત્ર 4 ટકા હતો. સર્વેમાં બહાર આવ્યું છે કે વિધાનસભાની ચૂંટણીમાં ભાજપની જીત પાછળ કેટલીક યોજનાઓ મહત્વપૂર્ણ પરિબળ હતી. તેમાં ઉજ્જવલા યોજના, શૌચાલય યોજના, પ્રધાન મંત્રી આવાસ યોજના, ઘર-ઘર વીજળી યોજના, કિસાન સન્માન નિધિ અને મફત રાશન યોજના મુખ્ય છે.
2012ની વિધાનસભા ચૂંટણીમાં કોને કેટલા મહિલા મત મળ્યા?
રાજકીય પક્ષ
મહિલાઓના મતની ટકાવારી
સમાજવાદી પાર્ટી 31%
બહુજન સમાજ પાર્ટી 25%
ભારતીય જનતા પાર્ટી 14%
કોંગ્રેસ 12%
રાજકીય વિશ્લેષકો માને છે કે આ વખતની લોકસભાની ચૂંટણીમાં પણ આ પરિબળોને નકારી શકાય તેમ નથી. મોટી વસ્તીને સીધો લાભ મળી રહ્યો છે. છેલ્લા કેટલાક વર્ષોમાં, 5 લાખ રૂપિયા સુધીની મફત સારવારની આયુષ્માન ભારત યોજનાએ પણ મોટી સંખ્યામાં વસ્તીને રાહત આપી છે. જેની સીધી અસર મહિલાઓ પર પડે છે. ઘર ચલાવવા માટે અનાજ અને દવા સૌથી મહત્વપૂર્ણ માનવામાં આવે છે, પરિવારની આખી અર્થવ્યવસ્થા આની આસપાસ ટકી છે. મહિલાઓ અન્ય વસ્તુઓ કરતાં આ બાબતોને વધુ મહત્વ આપે છે, આવી સ્થિતિમાં તેમનો મત મહત્વપૂર્ણ બની જાય છે.
2017ની વિધાનસભા ચૂંટણીમાં કોને કેટલા મહિલા મત મળ્યા?
રાજકીય પક્ષ
મહિલાઓના મતની ટકાવારી
ભારતીય જનતા પાર્ટી 41%
બહુજન સમાજ પાર્ટી 23%
સમાજવાદી પાર્ટી 20%
કોંગ્રેસ 5%
આ જ કારણ હતું કે ભાજપના પીએમ નરેન્દ્ર મોદી અને સીએમ યોગી આદિત્યનાથે 2022ની વિધાનસભાની જીતનો સૌથી મોટો શ્રેય મહિલા મતદારોને આપ્યો હતો. પીએમ મોદીએ કહ્યું હતું કે આ આપણા સૌભાગ્યની વાત છે કે જ્યાં પણ માતાઓ, બહેનો અને પુત્રીઓએ પુરુષો કરતાં વધુ મતદાન કર્યું છે ત્યાં ભાજપને ભવ્ય જીત મળી છે. યુપીની આ જીતની સારથિ મહિલાઓ છે.
2019ની લોકસભા ચૂંટણીમાં કોને કેટલા મહિલા મત મળ્યા?
રાજકીય પક્ષ
મહિલાઓના મતની ટકાવારી
ભારતીય જનતા પાર્ટી 51 ટકા
બહુજન સમાજ પાર્ટી 23 ટકા
સમાજવાદી પાર્ટી 20 ટકા
કોંગ્રેસ 5 ટકા
આ વખતની ચૂંટણીઓ પર નજર કરીએ તો તાજેતરની સ્થિતિ એ છે કે છેલ્લા તબક્કામાં પૂર્વાંચલની 14 બેઠકો પર મતદાન થવાનું છે. આમાં લાલગંજ (અનામત) સીટ પર 52 ટકાથી વધુ મહિલા મતદારો છે, તેવી જ રીતે ગાઝીપુરમાં લગભગ 49 ટકા, જૌનપુરમાં 48 ટકા, આઝમગઢ અને મચલીશહરમાં 47-47 અને બલિયા અને રબતરગંજમાં 46-46 ટકા મહિલા મતદારો છે. મહિલાઓને લઈને ભાજપની રણનીતિ સ્પષ્ટ છે. તમામ સરકારી યોજનાઓની સાથે તેઓ ટ્રિપલ તલાક પર પ્રતિબંધ અને મહિલાઓ માટે 33 ટકા અનામતની પણ યાદ અપાવી રહ્યા છે. વડાપ્રધાન લખપતિ દીદી, ડ્રોન દીદી યોજનાઓનો સતત ઉલ્લેખ કરી રહ્યા છે.
2022 માં ઉત્તર પ્રદેશની ચૂંટણીઓ અને 2023 માં મધ્ય પ્રદેશની ચૂંટણી પછી એક્સિસ માય ઇન્ડિયાના એક્ઝિટ પોલ દર્શાવે છે કે ભાજપને તેના હરીફો કરતાં વધુ મહિલા મતદારોનું સમર્થન મળ્યું છે. ભાજપ તરફ ઝોક ધરાવતા પરિવારોની 73 ટકા મહિલાઓએ કહ્યું કે તેઓ પણ ભાજપ સાથે જોડાયેલા છે. ભાજપને ટેકો આપનાર 25 ટકાની સરખામણીએ કોંગ્રેસ તરફ ઝુકાવતા પરિવારોની માત્ર 68 ટકા મહિલાઓએ પુરુષોની રાજકીય પસંદગીઓ સાથે જોડાણ કર્યું હતું. આટલું જ નહીં, જે ઘરોમાં મતદાનને લઈને કોઈ સ્પષ્ટતા નહોતી, તે ઘરોમાં 48 ટકા મહિલાઓ ભાજપ તરફ ગઈ હતી.
અજયેન્દ્ર રાજન શુક્લા
