મુડા કૌભાંડના પડઘા વચ્ચે સિદ્ધારમૈયા સરકારે કર્ણાટકમાં સીબીઆઈના પ્રવેશ પર પ્રતિબંધ લગાવી દીધો છે. સિદ્ધારમૈયા સરકારના આ નિર્ણય બાદ સવાલ ઉઠી રહ્યો છે કે મુડા કૌભાંડમાં હવે શું થશે? હાલમાં કર્ણાટકના લોકાયુક્ત દ્વારા મુડાની તપાસ કરવામાં આવી રહી છે.
કર્ણાટકમાં મુડા કૌભાંડના પડઘા વચ્ચે સિદ્ધારમૈયા સરકારે કેન્દ્રીય તપાસ એજન્સી (CBI)ના પ્રવેશ પર પ્રતિબંધ લગાવવાનો નિર્ણય કર્યો છે. કર્ણાટકની કેબિનેટે પણ આ અંગે એક પ્રસ્તાવ પસાર કર્યો છે. સીબીઆઈના પ્રવેશ પર પ્રતિબંધને સિદ્ધારમૈયા સરકારના માસ્ટર પ્લાન તરીકે જોવામાં આવી રહ્યો છે, કારણ કે રાજ્યમાં મુડા કૌભાંડની તપાસ થવાની છે અને મુખ્યમંત્રી પોતે આ કેસમાં આરોપી છે.
સિદ્ધારમૈયા સરકારના આ નિર્ણય બાદ 3 સવાલો ઉઠી રહ્યા છે. પ્રથમ, શું સીબીઆઈ હવે મુડા કૌભાંડમાં પ્રવેશ કરી શકશે નહીં? બીજું, શું ઈડી આ કેસની તપાસ કરી શકશે અને ત્રીજું, મુડા કૌભાંડમાં આગળ શું થશે?
