India Greece Defense Cooperation: ગ્રીસના રક્ષા મંત્રી નિકોસ ડેન્ડિયાસ ભારતની મુલાકાતે છે. આ દરમિયાન તેમણે ભારતીય રક્ષા મંત્રી રાજનાથ સિંહ સાથે મુલાકાત કરી હતી. તેમણે ભારતના ડિફેન્સ પ્રોડક્ટ્સ નિહાળ્યા હતા અને દિલ્હી સ્થિત રાષ્ટ્રીય યુદ્ધ સ્મારક પર પહોંચીને શ્રદ્ધાંજલિ પણ આપી હતી. ભારત અને ગ્રીસે સંરક્ષણ ઔદ્યોગિક સહયોગ (Defense Industrial Cooperation) ને મજબૂત કરવા માટે એક ‘જોઈન્ટ ડિક્લેરેશન ઓફ ઈન્ટેન્ટ’ પર હસ્તાક્ષર કર્યા છે, જેથી આગામી પાંચ વર્ષનો રોડમેપ બનાવી શકાય.
રક્ષા મંત્રી રાજનાથ સિંહે નવી દિલ્હીમાં હેલેનિક રિપબ્લિકના નેશનલ ડિફેન્સ મિનિસ્ટર નિકોલાસ-જ્યોર્જિયોસ ડેન્ડિયાસ સાથે દ્વિપક્ષીય બેઠક યોજી હતી, જેમાં તેમણે દોહરાવ્યું હતું કે ભારત-ગ્રીસ વ્યૂહાત્મક ભાગીદારી શાંતિ, સ્થિરતા, સ્વતંત્રતા અને પરસ્પર સન્માનના સહિયારા મૂલ્યો પર આધારિત છે.
જાણો ૧૦ મોટી વાતો
આ દરમિયાન બંને રક્ષા મંત્રીઓએ ‘જોઈન્ટ ડિક્લેરેશન ઓફ ઈન્ટેન્ટ’ પર હસ્તાક્ષર કર્યા છે. બંને દેશો દ્વારા આ સંયુક્ત ઘોષણાના આધારે આગામી પાંચ વર્ષનો રોડમેપ તૈયાર કરવામાં આવશે.
આ ડિક્લેરેશન બંને દેશોના સંરક્ષણ ઔદ્યોગિક સહયોગને પણ મજબૂતી પૂરી પાડશે. દ્વિપક્ષીય વાર્તા દરમિયાન બંને નેતાઓએ કહ્યું કે ભારત અને ગ્રીસની વ્યૂહાત્મક ભાગીદારી શાંતિ, સ્થિરતા, સ્વતંત્રતા અને પરસ્પર સન્માન જેવા સહિયારા મૂલ્યો પર ટકેલી છે.
રક્ષા મંત્રાલયના જણાવ્યા અનુસાર, બેઠકમાં નક્કી થયું કે ભારતની ‘આત્મનિર્ભર ભારત’ પહેલ અને ગ્રીસની ‘એજન્ડા-૨૦૩૦’ સંરક્ષણ સુધારા યોજનાને જોડીને બંને દેશો પોતપોતાના સ્વદેશી સંરક્ષણ ઉદ્યોગને વધુ મજબૂત બનાવશે.
આ દિશામાં ભારત અને ગ્રીસ વચ્ચે સંરક્ષણ ઔદ્યોગિક સહયોગ વધારવા માટે ‘જોઈન્ટ ડિક્લેરેશન ઓફ ઈન્ટેન્ટ’ પર હસ્તાક્ષર કરવામાં આવ્યા છે.
બંને રક્ષા મંત્રીઓએ પ્રાદેશિક શાંતિ અને સુરક્ષાને લગતા મુદ્દાઓ પર પણ ચર્ચા કરી હતી. બંને પક્ષોએ સ્વીકાર્યું કે બંને દેશો વચ્ચે સંરક્ષણ સહયોગ અને વ્યૂહાત્મક સંબંધો સતત ગાઢ બની રહ્યા છે.
સાથે જ, ૨૦૨૬ માટે દ્વિપક્ષીય લશ્કરી સહયોગ યોજનાનું આદાનપ્રદાન પણ કરવામાં આવ્યું હતું, જેનાથી બંને દેશોની સેનાઓ વચ્ચે થનારી પ્રવૃત્તિઓની રૂપરેખા નક્કી થશે.
દરિયાઈ બાબતો પર પણ બંને પ્રાચીન દરિયાઈ રાષ્ટ્રો વચ્ચે સારી સમજણ જોવા મળી હતી.
ગ્રીસે જાહેરાત કરી કે તે ગુરુગ્રામ સ્થિત ‘ઇન્ફોર્મેશન ફ્યુઝન સેન્ટર–ઇન્ડિયન ઓશન રિજન’ માં પોતાનો એક આંતરરાષ્ટ્રીય સંપર્ક અધિકારી તૈનાત કરશે.
આ પહેલા ગ્રીસના રક્ષા મંત્રીએ રાષ્ટ્રીય યુદ્ધ સ્મારક પર શહીદોને શ્રદ્ધાંજલિ આપી હતી અને માણેકશા સેન્ટરમાં ત્રિ-સેવા ગાર્ડ ઓફ ઓનરનું નિરીક્ષણ કર્યું હતું.
પોતાની મુલાકાત દરમિયાન, ગ્રીક પ્રતિનિધિમંડળે બેંગલુરુ અને નવી દિલ્હીમાં અગ્રણી સંરક્ષણ અને ઔદ્યોગિક સંસ્થાઓની પણ મુલાકાત લીધી હતી. ગ્રીક પ્રતિનિધિમંડળે ડિફેન્સ પીએસયુ, સંરક્ષણ ઉદ્યોગ અને સ્ટાર્ટ-અપ પ્રતિનિધિઓ સાથે વાતચીત કરી હતી.
રક્ષા મંત્રાલય માને છે કે આ મુલાકાત ભારત અને ગ્રીસ વચ્ચે લાંબા સમયથી ચાલી આવતા મજબૂત અને મૈત્રીપૂર્ણ સંબંધોની ફરીથી પુષ્ટિ કરે છે.
