Mohan Bhagwat statement on Kashi Mathura Gyanvapi: હાલમાં જ RSS વડા મોહન ભાગવતે વારાણસીની જ્ઞાનવાપી મસ્જિદ અને મથુરા ઇદગાહ પર મોટું નિવેદન આપ્યું છે. તેમણે સ્પષ્ટપણે કહ્યું કે રાષ્ટ્રીય સ્વયંસેવક સંઘ વારાણસીની જ્ઞાનવાપી મસ્જિદ અને મથુરા ઇદગાહની જમીન હિન્દુઓને આપવાની માંગને સમર્થન આપે છે. RSSના લોકો આ સ્થળો માટે કોઈપણ આંદોલનમાં જોડાઈ શકે છે. તેમણે એમ પણ કહ્યું કે બીજી બાજુના લોકો, એટલે કે મુસ્લિમ પક્ષે, પોતાનો દાવો છોડી દેવો જોઈએ, કારણ કે આ ફક્ત ‘ત્રણ સ્થળો’નો મામલો છે.જે હિન્દુઓની આસ્થા સાથે જોડાયેલો છે. ‘કાશી, મથુરા, અયોધ્યા, ત્રણેય હિન્દુઓના આસ્થાના પ્રતીક છે મોહન ભાગવતે ‘સંઘ યાત્રાના 100 વર્ષ – નયે ક્ષિતિજ’ કાર્યક્રમના સમાપન પર આ વાતો કહી હતી. તેમણે આ કાર્યક્રમમાં આવેલા લોકોના 218 પ્રશ્નોના જવાબ આપ્યા. કાશી-મથુરા મુદ્દા પરના પ્રશ્નના જવાબમાં ભાગવતે કહ્યું કે સંઘ આંદોલનમાં જતો નથી. એકમાત્ર આંદોલન રામ મંદિર હતું, જેની સાથે અમે જોડાયા અને તેને અંત સુધી લઈ ગયા. હવે સંઘ બાકીના આંદોલનમાં નહીં જાય, પરંતુ કાશી, મથુરા, અયોધ્યા, ત્રણેયનું હિન્દુ માનસમાં મહત્વ છે. કાશી-મથુરા પર મોહન ભાગવતનું મોટું નિવેદન ભાગવતે કહ્યું કે બે જન્મસ્થળો છે, એક નિવાસસ્થાન છે. હિન્દુ સમાજ આ માટે વિનંતી કરશે. સંઘ આ આંદોલનમાં નહીં જાય, પરંતુ સંઘના સ્વયંસેવકો જઈ શકે છે. સંઘના વડાએ વધુમાં કહ્યું કે આપણે આ ત્રણ સ્થળો સિવાય દરેક જગ્યાએ મંદિરો ન શોધવા જોઈએ. હું કહું છું કે દરેક જગ્યાએ મંદિરો ન શોધો, દરેક જગ્યાએ શિવલિંગ ન શોધો. RSS સામાન્ય રીતે આંદોલનોમાં સામેલ થતું નથી – ભાગવત RSSના વડાએ સ્પષ્ટપણે કહ્યું કે RSS સામાન્ય રીતે આંદોલનોમાં સામેલ થતું નથી. તેઓ રામ મંદિર આંદોલનમાં સામેલ હતા, પરંતુ હવે તેઓ અન્ય આંદોલનોમાં સામેલ થશે નહીં. જોકે, કાશી, મથુરા અને અયોધ્યા બધા હિન્દુઓ માટે મહત્વપૂર્ણ છે. તેથી, હિન્દુ સમાજ આ સ્થળો માટે પોતાનો મુદ્દો રજૂ કરી શકે છે. થોડુ શાણપણ બતાવવું જોઈએ… ભાગવતની મુસ્લિમ સમાજને અપીલ ભાગવત એ પણ કહ્યું કે મુસ્લિમોએ પોતે આ સ્થાનો હિન્દુઓને આપવા જોઈએ. જો હું હિન્દુ સંગઠનના વડા તરીકે આ કહી રહ્યો છું, તો બીજી બાજુથી પણ થોડુ શાણપણ કે ઉદાર દિલી બતાવવી જોઈએ. તે ફક્ત ત્રણ સ્થળોની વાત છે, તે આપવી જોઈએ. આનાથી ભાઈચારો વધશે. એવું પણ હોવું જોઈએ કે, આવો ભાઈ, આ ફક્ત તે ત્રણ સ્થાનોની જ ની વાત છે, તેને લો. તે ભાઈચારો માટે ખૂબ મોટું પગલું હશે. અયોધ્યા પરના નિર્ણય પછી સંઘના વડાએ શું કહ્યું 2019 માં, અયોધ્યા કેસમાં સુપ્રીમ કોર્ટના નિર્ણય પછી, ભાગવતે કહ્યું હતું કે RSS હવે કાશી અને મથુરાના મુદ્દા ઉઠાવશે નહીં. 2019 માં, ભાગવતે કહ્યું હતું કે RSS કાશી અને મથુરા વિવાદો પર કોઈ આંદોલન શરૂ કરશે નહીં. તેમણે કહ્યું હતું કે સંઘ ચારિત્ર્ય નિર્માણ તરફ કામ કરે છે. ભૂતકાળમાં, પરિસ્થિતિઓ અલગ હતી, જેના પરિણામે સંઘ અયોધ્યા માટે આંદોલનમાં જોડાયો.
Mohan Bhagwat statement on Kashi Mathura Gyanvapi:કાશી, મથુરા અને જ્ઞાનવાપી મસ્જિદ માટે મોહન ભાગવતનું નિવેદન શું ઈશારો કરે છે ? આ માટેના આંદોલનમાં લોકો જોડાઈ શકે
