Hong Kong Open: ભારતની સ્ટાર મેન્સ ડબલ્સ જોડી સાત્વિકસાઇરાજ રંકીરેડ્ડી અને ચિરાગ શેટ્ટી હોંગકોંગ ઓપન સુપર 500 બેડમિન્ટન ટુર્નામેન્ટના ફાઇનલમાં પહોંચી ગયા છે. આ ભારતીય જોડીએ લાંબા દુષ્કાળનો અંત લાવીને સિઝનના પોતાના પ્રથમ ફાઇનલમાં જગ્યા બનાવી છે. શનિવારે સેમિફાઇનલમાં સાત્વિક-ચિરાગે વિશ્વની નવમી નંબરની જોડી બિંગ વેઇ લિન અને ચાઇનીઝ તાઇપેઇની ચેન ચેંગ કુઆનને સીધી ગેમમાં હરાવી હતી.
સાત્વિક-ચિરાગે લિન-કુઆનને 21-17, 21-15 થી હરાવી હતી. ભારતીય જોડી સિઝનના પોતાના પ્રથમ ફાઇનલમાં પહોંચી છે. અગાઉ, તે છ વખત સેમિફાઇનલમાં હારી ગઈ હતી. આઠમી ક્રમાંકિત ભારતીય જોડીનો સામનો ટાઇટલ મેચમાં ચીનની લિયાંગ વેઇ કેંગ અને વાંગ ચાંગ જોડી અને ચાઇનીઝ તાઇપેઇની ફેંગ ચિહ લી અને ફેંગ જિન લી વચ્ચેના બીજા સેમિફાઇનલ મેચના વિજેતા સામે થશે.
આ પરિણામ સાત્વિક-ચિરાગ માટે ખૂબ જ સુખદ છે કારણ કે તેઓ ઘણા પડકારોનો સામનો કરીને પાછા ફર્યા છે. સાત્વિક-ચિરાગ ગયા વર્ષે પેરિસ ઓલિમ્પિકમાં મેડલ જીતવાનું ચૂકી ગયા હતા. આ ભારતીય જોડી પાસે હવે આ વર્ષે પોતાનું પહેલું ટાઇટલ જીતવાની તક હશે.
