IND A vs SL A: ઈન્ડિયા-એ અને શ્રીલંકા-એ વચ્ચે રમાઈ રહેલી ટ્રાય-સીરીઝના પ્રથમ મુકાબલામાં ભારતીય ક્રિકેટના ઉભરતા સિતારા વૈભવ સૂર્યવંશીને પ્રથમ વખત ટીમ ઈન્ડિયાની જર્સી પહેરીને મેદાન પર ઉતરવાની ઐતિહાસિક તક મળી. આ ડેબ્યુ મેચમાં ભારતીય ટીમના કેપ્ટન તિલક વર્માએ ટોસ જીત્યો અને પહેલા બેટિંગ કરવાનો નિર્ણય લીધો. ભારત માટે આ નવી શરૂઆતની સાથે જ ચાહકોની નજર યુવા ઓપનર વૈભવ પર ટકેલી હતી.
વૈભવ સૂર્યવંશી માત્ર ૧૪ રન બનાવીને આઉટ
ઈનિંગની શરૂઆત કરવા આવેલા વૈભવ સૂર્યવંશીએ ક્રીઝ પર આવતાની સાથે જ સકારાત્મક ઈરાદા બતાવ્યા પરંતુ તેઓ પોતાની આ શરૂઆતને એક મોટા સ્કોરમાં બદલવામાં ચૂકી ગયા. વૈભવે પોતાની ૧૨ બોલની સંક્ષિપ્ત ઈનિંગમાં ૩ શાનદાર ચોગ્ગા લગાવીને ૧૪ રન બનાવ્યા. શ્રીલંકાના ઝડપી બોલર મોહમ્મદ શિરાજના એક ફુલ-લેન્થ બોલને વૈભવે તાકાતથી મિડ-ઓફની ઉપરથી સીધો બાઉન્ડ્રી તરફ મોકલવાનો પ્રયાસ કર્યો પરંતુ શોટ રમતી વખતે બેટ તેમના હાથમાં ફરી ગયું.
શાનદાર કેચને કારણે થયા આઉટ
બોલ હવામાં મિડ-ઓફની તરફ ગયો, જ્યાં શ્રીલંકા-એના કેપ્ટન સહાન અરાચચિગેએ પોતાની ડાબી બાજુએ શ્રેષ્ઠ ડાઈવ લગાવતા જમીનથી થોડા ઈંચ ઉપર એક શાનદાર કેચ ઝડપ્યો. વૈભવની આ વિકેટ શ્રીલંકા માટે ખૂબ મોટી સફળતા હતી કારણ કે જો તેઓ ક્રીઝ પર ટકી ગયા હોત તો ભારતને એક વિશાળ સ્કોર સુધી લઈ જઈ શક્યા હોત. આ જ કારણ હતું કે તેમની વિકેટ પડતા જ શ્રીલંકન ખેમામાં ભારે ઉત્સાહ જોવા મળ્યો હતો.
IPL ૨૦૨૬માં પણ બતાવી ચૂક્યા છે દમ
આ ડેબ્યુ પહેલા વૈભવ સૂર્યવંશીએ IPL ૨૦૨૬ની સીઝનમાં પણ પોતાની આક્રમક બેટિંગથી ખૂબ ચર્ચાઓ બટારી હતી. IPL માં રાજસ્થાન રોયલ્સ તરફથી રમતા આ યુવા ખુંખાર બેટ્સમેને ઘણી તકો પર ટીમને તોફાની શરૂઆત અપાવી હતી. તેમણે સીઝનની ૧૬ મેચોમાં લગભગ ૨૩૭ ના સ્ટ્રાઈક રેટથી ૭૭૬ રન બનાવ્યા હતા. વૈભવે આ સીઝનની ઓરેન્જ કેપ તો જીતી જ હતી, જ્યારે અનેક મોટા રેકોર્ડ પોતાના નામે કરી લીધા હતા.
